بانك سەكتورىنداعى احۋال تۇراقتى. بۇل تۋرالى بٷگٸن ٷكٸمەت وتىرىسىندا قر قارجى نارىعىن رەتتەۋ جەنە دامىتۋ مەدينا ەبٸلقاسىموۆا ايتتى, دەپ حابارلايدى قازاقپارات.
«تٶتەنشە جاعداي رەجيمٸنٸڭ ەنگٸزٸلۋٸنە بايلانىستى اگەنتتٸك ەكٸنشٸ دەڭگەيدەگٸ بانكتەردٸڭ ٷزدٸكسٸز جۇمىسىن قامتاماسىز ەتۋ جۇمىسىن جٷرگٸزۋدە. بانك سەكتورىنداعى احۋال تۇراقتى. ٷزدٸكسٸز قىزمەتتٸ قامتاماسىز ەتۋ جەنە حالىق پەن بيزنەس ٷشٸن بانكتٸك قىزمەتتەردٸ تولىقتاي كٶرسەتۋ ٷشٸن بانكتەردٸڭ مەنشٸكتٸ كاپيتالى مەن ٶتٸمدٸلٸگٸنٸڭ ايتارلىقتاي قورى بار. بانكتەر كاپيتالىنىڭ جەتكٸلٸكتٸلٸگٸ ەڭ تٶمەن تالاپتاردان 3 ەسە كٶپ, ٶتٸمدٸلٸك تە رەتتەۋ مەندەرٸنەن 4 ەسەدەن اسادى», - دەدٸ اگەنتتٸك تٶراعاسى.
ونىڭ اتاپ ٶتۋٸنشە, حالىققا جەنە بيزنەسكە قولداۋ كٶرسەتۋ ٷشٸن وسى جىلعى 10 قاڭتاردا اگەنتتٸك تٶتەنشە جاعدايدىڭ ەنگٸزٸلۋٸ نەتيجەسٸندە زارداپ شەككەن جەكە جەنە زاڭدى تۇلعالاردىڭ كرەديتتەرٸ بويىنشا تٶلەمدەردٸ كەيٸنگە قالدىرۋ مٷمكٸندٸگٸن بەرۋ بويىنشا بۇيرىق قابىلدادى.
«تٶتەنشە جاعداي كەزەڭٸندە كرەديتتەر بويىنشا تٶلەم مەرزٸمٸ ٶتكەن جاعدايدا, ايىپپۇلدار مەن ٶسٸمپۇل ەسەپتەۋگە تىيىم ەنگٸزٸلدٸ, سونداي-اق شاعىم-تالاپ جۇمىسى توقتاتىلا تۇرادى», - دەدٸ مەدينا ەبٸلقاسىموۆا.
