Bank sektoryndaǵy ahýal turaqty. Bul týraly búgin Úkimet otyrysynda QR Qarjy naryǵyn retteý jáne damytý Mádina Ábilqasymova aitty, dep habarlaidy QazAqparat.
«Tótenshe jaǵdai rejiminiń engizilýine bailanysty agenttik ekinshi deńgeidegi bankterdiń úzdiksiz jumysyn qamtamasyz etý jumysyn júrgizýde. Bank sektoryndaǵy ahýal turaqty. Úzdiksiz qyzmetti qamtamasyz etý jáne halyq pen biznes úshin banktik qyzmetterdi tolyqtai kórsetý úshin bankterdiń menshikti kapitaly men ótimdiliginiń aitarlyqtai qory bar. Bankter kapitalynyń jetkiliktiligi eń tómen talaptardan 3 ese kóp, ótimdilik te retteý mánderinen 4 eseden asady», - dedi agenttik tóraǵasy.
Onyń atap ótýinshe, halyqqa jáne bizneske qoldaý kórsetý úshin osy jylǵy 10 qańtarda agenttik tótenshe jaǵdaidyń engizilýi nátijesinde zardap shekken jeke jáne zańdy tulǵalardyń kreditteri boiynsha tólemderdi keiinge qaldyrý múmkindigin berý boiynsha buiryq qabyldady.
«Tótenshe jaǵdai kezeńinde kreditter boiynsha tólem merzimi ótken jaǵdaida, aiyppuldar men ósimpul esepteýge tyiym engizildi, sondai-aq shaǵym-talap jumysy toqtatyla turady», - dedi Mádina Ábilqasymova.
