اكتەر ەركەبۇلان دايىروۆ «بالۋان شولاق» فيلمٸندە كٷرەسكەر تۇلعانى سومداۋعا قانداي دايىندىقپەن كەلگەنٸن ايتىپ بەردٸ, دەپ حابارلايدى قازاقپارات.
«جالپى ايتار بولساق, بۇل كينو بٸزگە نە ٷشٸن كەرەك? كينو - يدەولوگييالىق ساياساتتىڭ ٷلكەن بٸر قارۋى, ۇلتتىق رۋحانيياتتى التى قۇرلىققا پاش ەتەتٸن جاقسى قۇرال. بٸزدٸڭ سوعان قۇقىمىز بار. جاعدايىمىز دا جەتەدٸ. قۇداي قالاسا, بٸراز كٷننەن كەيٸن «بالۋان شولاق» فيلمٸمەن التى الاش قاۋىشاتىن بولادى. رەجيسسەر نۇرگەلدٸ سادىعۇلوۆ ايتىپ ٶتكەندەي, بالۋان شولاقتى كٶپ جاستار تانىمايدى. تەك استىندا «كفس» ساتاتىن بالۋان شولاق سپورت كەشەنٸ دەپ قانا بٸلەدٸ. ال شىندىعىندا, بۇل باتىر بٸرەۋدٸ بوز كٸلەمدە جىققانىمەن ەمەس, ەلدٸڭ نامىسىن, قازاق ٶنەرٸنٸڭ جٷگٸن ارقالاپ, اتادان بالاعا ميراس بولعان ٷلكەن مۋزىكالىق قۇندىلىق قالدىرعان اردا ازامات ەكەنٸن بٸرٸ بٸلسە, بٸرٸ بٸلمەيدٸ. سوندىقتان, بالۋان شولاق تۋرالى تەك سپورت نەمەسە ٶنەردٸڭ تٶڭٸرەگٸندە جٷرگەن ادامنىڭ بٸلۋٸ شارت ەمەس. بۇنى جالپى حالىق بٸلۋٸ كەرەك», - دەيدٸ اكتەر.
ەركەبۇلان دايىروۆتىڭ ايتۋىنا قاراعاندا, كاستينگتەن ٶتكەننەن كەيٸن وعان «بٸر جىلقىنى بٸر ٶزٸڭ جەۋٸڭ كەرەك» دەگەن تالاپ قويىلعان.
«سالماق قوسۋ كەرەك دەدٸ. ۋاقىت ٶتە قىسقا - 2 اي عانا قالعان. بٸر ايدىڭ ٸشٸندە 15 كەلٸ سالماق قوستىق. سىرت كەلبەتٸ - فاكتۋرانى بارىنشا ۇقساتۋعا تىرىستىق. كٷندە سپورتپەن اينالىسىپ, ارنايى جاتتىقتىرۋشىدان ساباق الدىق. وسىنىڭ بەرٸ وڭاي دٷنيە ەمەس. بالۋان شولاقتى حالقىمەن قاۋىشتىرۋ ٷشٸن قانداي اكتەر بولسىن, بارىنشا تىرىسار ەدٸ. ال قالعان قيىندىقتار ەلگە ماڭىزدى ەمەس, ٶزٸمە عانا قاتىستى دٷنيە. تاعى دا قوسا كەتەيٸن: بالۋان شولاقتىڭ ٶمٸرٸنٸڭ ەربٸر سەتٸ - تاريحقا تولى. كەنەن اتامىزبەن كەزدەسٸپ, بٸراز ەندەرٸن ٷيرەتٸپ كەتكەن. ونىڭ ٶزٸ 45 مينۋتتىق كينو بولار ەدٸ. سوندىقتان, بۇل كينودا رٶلدٸ قولدان كەلگەنشە سەتتٸ الىپ شىعۋعا تىرىستىق. بالۋان شولاق - ٸستٸڭ ادامى. ەل باسىنا كٷن تۋعاندا ەتٸگٸمەن سۋ كەشكەن ناعىز ەر ازامات. سول سەبەپتٸ, بالۋان شولاقتىڭ كٷرەسكەر بولعانىن بارىنشا كٶرسەتۋگە تىرىستىق», - دەيدٸ اكتەر.
