حالىقارالىق بالالاردىڭ قۇقىقتارىن قورعاۋ كٷنٸنە وراي Fingramota.kz سايتى بالانى قارجىلىق ساۋاتتىلىققا باۋلۋدىڭ بٸرنەشە جولى كٶرسەتٸلگەن نۇسقاۋلىق جارييالادى, دەپ حابارلايدى "ۇلت اقپارات".
سالالىق رەسۋرس اتا-انالاردىڭ بالالاردى قارجىلىق ساۋاتتىلىق نەگٸزدەرٸنە ٷيرەتەتٸن نەگٸزگٸ سەگٸز ەرەجەنٸ كٶرسەتكەن.
№ 1 ەرەجە – ٸس ەرەكەتپەن ٷلگٸ بولۋ. مۇنداعى باستى كەڭەس – ەرەسەك ادامنىڭ ٶزٸ قارجىلىق تۇرعىدان ساۋاتتى بولۋى كەرەك.
«ەگەر ٶزٸڭٸزدە بيۋدجەتتٸ جوسپارلاۋدىڭ قاراپايىم داعدىلارى بولماسا, بالالارىڭىزدىڭ ۇزاق مەرزٸمدٸ جوسپارلاۋدىڭ نە ەكەنٸن تٷسٸنۋٸ قيىنداۋ بولادى. ەگەر وتباسىڭىزدا قارجى مەسەلەسٸ رەتتەلگەن بولسا, بالاڭىز دا ەسەيگەندە سوعان ۇمتىلادى», - دەپ جازادى Fingramota.kz.
№ 2 ەرەجە – اقشا جايىندا تانىمدىق ويىندار ارقىلى اقپارات سٸڭٸرۋ. سول ويىنداردىڭ كٶمەگٸمەن جالعان اقشا مەن شىنايى اقشانىڭ ايىرماشىلىعىن, اقشانىڭ قايدان كەلٸپ جاتقانىن, اقشاعا ەڭ بٸرٸنشٸ كەزەكتە نە ساتىپ الۋ ماڭىزدى ەكەنٸن تٷسٸندٸرۋ ۇسىنىلعان.
№3 ەرەجە – بالانى اقشا جيناي باستاعانىن كٶتەرمەلەۋ.
«بالاڭىزدىڭ ارمانداپ جٷرگەن زاتىن الۋى ٷشٸن اقشا جيناۋعا ٷيرەتٸڭٸز. مۇندايدا سٸزگە اقشا-قورجىن نەمەسە قاراپايىم شىنى بانكا كٶمەكتەسەدٸ. باستىسى ىدىستىڭ ٸشٸندەگٸ اقشا بٸرتٸنەپ كٶبەيٸپ كەلە جاتقانى كٶرٸنٸپ تۇرۋى كەرەك», - دەپ جازادى اۆتور.
№4 ەرەجە – كٷندەلٸكتٸ شىعىندى تيٸمدٸ جوسپارلاۋ داعدىسىن ٷيرەتۋ. ول ٷشٸن اپتالىق «قالتاپۇل» بەرۋ ۇسىنىلعان. ەگەر بالا بارلىق اقشاسىن بٸر كٷننٸڭ ٸشٸندە جۇمساپ قويسا, اقشاسىز وتىرا تۇرۋعا تۋرا كەلەدٸ.
№ 5 ەرەجە – بالانى ٶز بەتٸمەن ساۋدا جاساۋعا بەيٸمدەۋ. مۇنداعى باستى قاعيدا - ٶزٸ جيناعان اقشاعا ٶز قالاعان دٷنيەسٸن العىزۋ.
№ 6 ەرەجە – ٶز بيۋدجەتن باسقارۋدى ٷيرەتۋ.
«بالاعا سٸز بەرگەن اقشا نەمەسە تۋىستارى تۋعان كٷنٸنە سىيعا بەرگەن اقشا –تولىعىمەن ٶزٸنٸكٸ ەكەنٸن ۇقتىرۋ كەرەك. دەمەك, كەز كەلگەن شەشٸم ٷشٸن بالا ٶزٸ جاۋاپتى بولادى. ٶزٸڭٸزدٸڭ مىسالىڭىز ارقىلى وتباسىلىق بيۋدجەتتٸ قالاي جٷرگٸزەتٸنٸڭٸزدٸ, ەڭبەك اقىسىن قالاي ٷلەستٸرەتٸنٸڭٸزدٸ ايتا الاسىز. قانشا اقشاڭىز مٸندەتتٸ تٶلەمدەرگە كەتەدٸ, قانشاسىن ەڭبەك دەمالىسىنا ساقتاپ قوياسىز», - دەپ جازىلعان نۇسقاۋلىقتا.
№ 7 ەرەجە – بالانىڭ قاتەلەسۋ قۇقىعىن سىيلاۋ. ماماندار بۇل جەردە بالانىڭ اقشا مەسەلەسٸنە كەلگەندە كٶزقاراسى اتا-انانىڭ كٶزقاراسىڭىزدان ەرەكشە بولۋى مٷمكٸن ەكەنٸن ەسكەرتەدٸ. وسىنى ەسكەرٸپ, وىڭ جاساعان ەرەكەتتەرٸن سىناماۋ كەرەكتٸگٸ ايتىلعان.
«مىسالى, ەگەر ول قانداي دا بٸر ماڭىزدى ەرٸ ٸرٸ ساۋداعا جيناۋعا جوسپارلاعان اقشاسىن بٸر سەتتٸك قالاۋىنا جۇمساعان بولسا, وعان ۇرىسپاڭىز. ول ٷشٸن ەندٸ اقشا جيناۋ مەرزٸمٸ قانشالىقتى ۇزارعانىن بٸرگە ساناڭىزدار دا, اقشا تابۋدىڭ جاڭا مٷمكٸندٸكتەرٸن تابۋعا كٶمەكتەسٸڭٸز», - دەپ جازادى Fingramota.kz.
№8 ەرەجە – قوسىمشا تابىس نۇسقالارىن ۇسىنۋ. «جۇمىستى بٸردەن بەلگٸلەپ, سومانى انىقتاعان دۇرىس. مىسالى, مٸندەتتٸ تٷردە يتتٸ سەرۋەندەتۋ, ٷي جانۋارلارىن كٷتۋ, باۋىرلارى مەن قارىنداستارىنا قاراۋ, ەجەسٸنە باقشا جۇمىستارىندا كٶمەكتەسۋ جەنە ت.ب. ەڭ ماڭىزدىسى, سٸز «تاريفتەردٸ» كٶڭٸل-كٷيٸڭٸزگە قاراي اۋىستىرماۋىڭىز كەرەك. وسى قاراپايىم, بٸراق نەگٸزگٸ ەرەجەلەردٸ ساقتاپ, سٸز بالانىڭ جاستايىنان اقشاعا دەگەن دۇرىس قاتىناسىن ورناتاسىز», - دەلٸنگەن حابارلامادا.
