سمارتفون بالالار مەن جاسٶسپٸرٸمدەردٸڭ كٷندەلٸكتٸ ٶمٸرٸندە كەڭ قولدانىلاتىن قۇرالعا اينالدى. بٸراق تەلەفوندى باقىلاۋسىز ەرٸ ۇزاق پايدالانۋ ولاردىڭ ۇيقىسىنا, وقۋىنا جەنە جاقىندارىمەن قارىم-قاتىناسىنا كەرٸ ەسەر ەتۋٸ مٷمكٸن, دەپ حابارلايدى ult.kz.
مامانداردىڭ پٸكٸرٸنشە, مۇنداي ەدەت ەسٸرەسە جاسٶسپٸرٸم شاقتا وڭاي قالىپتاسادى.
The Conversation باسىلىمى كەلتٸرگەن دەرەكتەرگە سٷيەنسەك, جاسٶسپٸرٸمدەردٸڭ ٶزٸن-ٶزٸ باقىلاۋعا, جوسپارلاۋعا جەنە ەرەكەتٸنٸڭ سالدارىن باعالاۋعا جاۋاپ بەرەتٸن مي بٶلٸكتەرٸ ەلٸ دە دامۋ ٷستٸندە بولادى.
سول سەبەپتٸ ەلەۋمەتتٸك جەلٸدەگٸ جاڭا حابارلاما, لايك نەمەسە پٸكٸر سەكٸلدٸ جەدەل كەرٸ بايلانىس ولاردىڭ نازارىن جيٸ اۋدارادى.
قانداي بەلگٸلەرگە مەن بەرۋ كەرەك?
Malim.kz باسىلىمىنىڭ جازۋىنشا, ەگەر بالا تەلەفونىن جيٸ تەكسەرٸپ, بوس ۋاقىتىن گادجەتسٸز ٶتكٸزە الماسا, بۇل سمارتفونعا شامادان تىس ەۋەستەنۋدٸڭ بەلگٸسٸ بولۋى مٷمكٸن.
سونداي-اق جاقىندارىمەن سٶيلەسۋگە قىزىعۋشىلىقتىڭ تٶمەندەۋٸ, ساباقتى كەيٸنگە قالدىرۋ, باسقا ماڭىزدى ٸستەرگە كٶڭٸل بٶلمەۋ جەنە تٷنگە دەيٸن تەلەفون قاراۋ دا نازار اۋدارۋدى قاجەت ەتەدٸ.
ۇيقىنىڭ بۇزىلۋى سالدارىنان بالا كٷندٸز ٶزٸن ەلسٸز سەزٸنٸپ, تەز شارشاۋى مٷمكٸن.
نەلٸكتەن تەلەفوندى قايتا-قايتا تەكسەرگٸسٸ كەلەدٸ?
زەرتتەۋشٸلەر مۇنى كٷتپەگەن ماراپات مەحانيزمٸمەن بايلانىستىرادى.
ادام ەر جاڭا حابارلاما نەمەسە ەسكەرتۋ كەلگەن سايىن قىسقا ۋاقىتقا جاعىمدى ەموتسييا سەزٸنەدٸ. مۇنداي ەسەر قايتالانا بەرگەندە مي تەلەفوندى جيٸ تەكسەرۋگە بەيٸمدەلەدٸ.
ۋاقىت ٶتە كەلە سمارتفوندى قولعا الۋ سانالى ەرەكەتتەن گٶرٸ اۆتوماتتى ەدەتكە اينالۋى مٷمكٸن.
اتا-انالارعا قانداي كەڭەس بەرٸلەدٸ?
ماماندار بالاعا شەكتەۋ قويۋمەن قاتار, اتا-انانىڭ ٶزٸ دە سمارتفون قولدانۋ ەدەبٸن ساقتاۋى ماڭىزدى ەكەنٸن ايتادى.
مىسالى, وتباسىلىق داستارقان باسىندا تەلەفوندى پايدالانباۋ, ۇيىقتار الدىندا گادجەتتٸ شەتكە قويۋ جەنە بٷكٸل وتباسىعا ورتاق ەرەجە بەلگٸلەۋ پايدالى بولۋى مٷمكٸن.
بالاعا تەك «تەلەفوندى قوي» دەۋدەن گٶرٸ, ونىڭ ورنىنا باسقا ٸس ۇسىنۋ دا ماڭىزدى. سپورت, سەرۋەن, كٸتاپ وقۋ, شىعارماشىلىق نەمەسە وتباسىمەن بٸرگە ۋاقىت ٶتكٸزۋ سمارتفونعا كەتەتٸن ۋاقىتتى ازايتۋعا كٶمەكتەسەدٸ.
ساراپشىلاردىڭ ايتۋىنشا, ەڭ تيٸمدٸ تەسٸل – بالانىڭ گادجەتتٸ تولىق تاستاۋىن تالاپ ەتۋ ەمەس, ونى سانالى ەرٸ شەكتەۋلٸ پايدالانۋعا ٷيرەتۋ.
