فوتو: ۆيدەودان كادر
جامبىل وبلىسىندا كەمەلەتكە تولماعان بالانى سوققىعا جىعۋ دەرەگٸ بويىنشا قۇقىق قورعاۋ ورگاندارى تەرگەۋ جٷرگٸزٸپ جاتىر, دەپ حابارلايدى Ult.kz.
الدىن الا مەلٸمەتكە سەيكەس, تاراز قالاسىنىڭ تۇرعىنى ٶز ۇلىن بۇرىنعى جۇبايىنان كەك الۋ ماقساتىندا ۇرىپ-سوعىپ, بۇل ەرەكەتتٸ ۆيدەوعا تٷسٸرگەن.
وقيعا بارىسىندا ەيەل بالاسىن ۇرۋعا ەكٸنشٸ كەمەلەتكە تولماعان بالانى دا مەجبٷرلەگەنٸ بەلگٸلٸ بولدى. قازٸرگٸ ۋاقىتتا جەبٸرلەنۋشٸ بالاعا سوت-مەديتسينالىق ساراپتاما تاعايىندالىپ, دەنساۋلىعىنا كەلتٸرٸلگەن زيياننىڭ اۋىرلىق دەرەجەسٸ انىقتالۋدا.
بالا قۇقىقتارى جٶنٸندەگٸ ۋەكٸل دينارا زەكيەۆا بۇل دەرەك بويىنشا مەلٸمەت ٶتكەن اپتادا تٷسكەنٸن راستادى. ونىڭ ايتۋىنشا, اتالعان فاكتٸ بويىنشا قىلمىستىق ٸس قوزعالىپ, بالالار قاۋٸپسٸزدٸگٸ ٷشٸن ارنايى مەكەمەگە ورنالاستىرىلعان.
«ٶتكەن اپتادا جامبىل وبلىسىندا انانىڭ بالاسىن سوققىعا جىققانى تۋرالى حابار تٷستٸ. قىلمىستىق ٸس قوزعالدى. بالالار مەكەمەگە ورنالاستىرىلدى», – دەپ جازدى ومبۋدسمەن ەلەۋمەتتٸك جەلٸدەگٸ پاراقشاسىندا.
اتالعان جاعدايعا بايلانىستى قر وقۋ-اعارتۋ مينيسترلٸگٸنٸڭ بالالاردىڭ قۇقىقتارىن قورعاۋ كوميتەتٸ دە پٸكٸر بٸلدٸردٸ. ۆەدومستۆو مەلٸمەتٸنشە, سوتقا دەيٸنگٸ تەرگەپ-تەكسەرۋ باستالىپ, قاجەتتٸ ساراپتامالار تاعايىندالعان. بالالار قامقورلىق ٷيٸنە ورنالاستىرىلىپ, ولارعا مەديتسينالىق كٶمەك كٶرسەتٸلگەن, قازٸرگٸ جاعدايلارى تۇراقتى.
كوميتەت ٶكٸلدەرٸ بالالارعا قاتىگەزدٸك كٶرسەتۋگە جول بەرٸلمەيتٸنٸن اتاپ ٶتٸپ, كٸنەلٸ تۇلعالار زاڭ اياسىندا جاۋاپكەرشٸلٸككە تارتىلاتىنىن مەلٸمدەدٸ. سونىمەن قاتار اتا-انا قۇقىعىنان ايىرۋ مەسەلەسٸ كەمەلەتكە تولماعاندار ٸستەرٸ جەنە ولاردىڭ قۇقىقتارىن قورعاۋ جٶنٸندەگٸ كوميسسييا وتىرىسىندا قارالاتىن بولادى.
