ورامال مەسەلەسٸ بٷگٸن عانا بولىپ وتىرعان جوق قوي. ەگەر قازٸر شەشٸلمەسە ەرٸ قاراي ٷلكەن مەسەلەگە اينالادى. 6 جاسار قىزدى ورامالمەن قاپتاپ مەكتەپكە جٸبەرۋدٸڭ لوگيكاسىن ۇعىنا الماي-اق قويدىم. دەل سول قىزدارىن مەكتەپكە ورامالمەن جٸبەرەتٸن اتا-انالار - بارىپ تۇرعان ەگويست ھەم بالالارىن ەش ويلاعىسى كەلمەيتٸن ادامدار دەپ ەسەپتەيمٸن. ٶزٸڭٸز ويلاپ قاراڭىز, بٷكٸل مەكتەپتەگٸ قىزداردىڭ شاشى اشىق جٷرەدٸ. ولاردىڭ كٶبٸ دٸني مەسەلەلەردەن حابارى دا جوق. سىنىپقا باسى ورانعان ٶزدەرٸمەن قاتار قىز كٸرٸپ كەلەدٸ. نە ٸستەيدٸ ول بالالار? ەرينە, ول ورامالدى قىزدان الىس جٷرەتٸن بولادى. ونىڭ ٷستٸنە ٷيٸنە بارىپ بولعان جاعدايدى ايتسا, كەدٸمگٸ قىزداردىڭ ەكە-شەشەلەرٸ "ويباي, جولاما وندايلارعا" دەيدٸ. نەتيجەسٸندە, ەندٸ عانا مەكتەپتە بارعان كٸشكەنتاي قىز قوعامنان وقشاۋلانىپ, ٶزٸن بٶتەن سەزٸنٸپ دەپرەسسيياعا ۇشىراي باستايدى. ال, ول كەزەڭ بالالاردىڭ قالىپتاسۋ كەزەڭٸ ەكەنٸن ەسكەرسەك, ەلگٸ قىزدىڭ بولاشاعى قانداي بولارىن ويلاي بەرٸڭٸز. ول قىز بولاشاقتا ەشكٸممەن ارالاسپايتىن بولادى. ەسەيگەن كەزدە قوعام ونى قابىلداعانىمەن, بالانىڭ ساناسىندا قالىپ كەتكەن كومپلەكس پەن رەنٸشتٸڭ سوڭى نەگە اپاراتىنىن ەسەپتەي كٶرٸڭٸز...
مەدرەسەدە وقىپ شىققان سوڭ, ەسەيە كەلە كٶپشٸلٸك سىنىپتاستارىمىزبەن جولىعىپ كٶردٸك. سونىڭ بارلىعى دا كەزٸندە ماكسيمۋم تاقۋالىققا ۇمتىلعان جاستار ەدٸ. بٸراق, سول قىسىمنان شىققان بويدا بەرٸ ٶزگەردٸ. سٸزدەرگە ايتايىن, ٷلكەن ٶمٸرگە قادام باسقان كەزدە, سول كەزەڭدەگٸ دٸندار بالالاردىڭ ٸشٸندەگٸ قىسىم كٶرٸپ ٶسكەندەرٸ ەڭ "قۋىپ كەتەتٸندەردٸڭ" قاتارىندا بولادى. كەدٸمگٸ جاستار جاساۋى مٷمكٸن كٷنەلەردٸ ون ەسەلەپ جاساپ, ٸشتەي جارىلادى. ەشكٸم ٶز بالاسىنا زورلاپ دٸن قابىلداتۋعا قاقىسى جوق. دٸن ەر ادامنىڭ اقىلى تولىسىپ, سانالى تٷردە قابىلداۋى ياكي قابىلداماۋى تيٸس نەرسە بولۋى كەرەك.
سوندىقتان, مەكتەپكە ورامالسىز كٸرگٸزۋ - مەملەكەتتٸڭ قىلمىسى ەمەس. مەكتەپكە ورامالمەن جٸبەرۋ - اتا-انانىڭ قىلمىسى. ھەم ول ٷشٸن جاۋاپ بەرۋٸ تيٸس سول اتا-انالار.
ەرينە, بارلىعىمىز ۇرپاقتارىمىزدىڭ بولاشاعى جارقىن بولۋىن ھەم ادامي قالىپتان تايماس ٸزگٸ جاندار بولىپ قالىپتاسۋىن قالايمىز. دەگەنمەن, تەربيە دەگەن بٸر تۇتام ورامالمەن بەرٸلمەيدٸ. ول ادامنىڭ ساناسىندا بەرٸلەتٸن/قالىپتاساتىن ەكوسيستەما. ٶزدەرٸ ەلٸ ٶمٸر كٶرمەي, بولمىسى جاي عانا دٸني رومانتيكاعا ۇشىراعان اتا-انانىڭ اقىماقتىعىنان جاس بالالاردىڭ ٶمٸرٸ بۇزىلماسىن!
