TikTok جەلٸسٸندە بٸر ميلليوننان استام جازىلۋشىسى بار بلوگەر قولعانات جۇماباەۆقا قاتىستى ونىڭ ەيەلٸ جاعاۇستاتار مەلٸمدەمە جاسادى, دەپ حابارلايدى Ult.kz.
قولعانات جۇماباەۆتىڭ جۇبايى قۇلپىناي كالمەنوۆا كٷيەۋٸ 10-12 جاستاعى قىزدارعا ماحاببات حاتتارىن جازىپ, قۇشاقتاسىپ سۋرەتكە تٷسكەنٸن ايتىپ وتىر. مۇنىڭ بەرٸن بلوگەردٸڭ ەيەلٸ ەلەۋمەتتٸك جەلٸگە سالىپ, حالىقتان كٶمەك سۇرادى. ايتۋىنشا, كٷيەۋٸ مەن ونىڭ تۋىستارى جەنە فوتوداعى قىزداردىڭ ەكە-شەشەسٸ ونى سوتقا بەرەمٸز دەپ قىسىم جاساپ جاتىر.
«ٶلەردەي جيٸركەنەمٸن»
باستاپقىدا قۇلپىناي كالمەنوۆا (@kulpynai_ka) ميلليونداعان اۋديتوريياسى بار بلوگەر كٷيەۋٸ ورتاق بالاسىنا قاراسپايتىنىن, ەمٸنە اقشا بەرمەيتٸنٸن ايتىپ, ۆيدەو جارييالاعان. ول قولعانات جۇماباەۆتان (@zhumabaev_07) كەتكەنٸن, الايدا اجىراسقالى بەرٸ ول بالاسىن تٸپتٸ ۇمىتقانىن ايتادى. وسىدان كەيٸن كٷيەۋٸنٸڭ تۋىستارى وعان قىسىم جاساپ, ۆيدەونى ٶشٸرۋدٸ تالاپ ەتە باستاعان. اشىنعان ەيەل وسىدان كەيٸن كٷيەۋٸنٸڭ 10-12 جاستاعى قىزدارعا تٷننٸڭ بٸر ۋاعىندا جازعانىن, ولارمەن قۇشاقتاسىپ سۋرەتكە تٷسەتٸنٸن جارييالادى.
«ٶلەردەي جيٸركەنەمٸن. مىنانداي اداممەن 5 جىل بٸرگە تۇرىپتى عوي دەگەن ويدىڭ ٶزٸ ٶلتٸرٸپ بارادى. ەگەر ول ٷلكەن ەيەل بولسا, جەڭٸل جٷرٸستٸ بٸرەۋ بولسا, توقالى بولسا, دەل وسىلاي ىزىلانبايتىن ەدٸم. ونى جايىنا جٸبەرە سالاتىن ەدٸم. بۇل جەردە كٸشكەنتاي قىزدار, ەلٸ كەمەلەتكەن دە تولماعان. مەنٸڭ بايىم تٷنگٸ 12-دە قاسىمدا جاتىپ, كٸشكەنتاي 10-11 جاستاعى قىزدىڭ جەكەسٸنە «سەن سونداي ەدەمٸسٸڭ, قاراي بەرەمٸن عوي, ٶزٸم عاشىق بولىپ قالدىم عوي» دەپ جازعان. بٸرٸنشٸدەن, ول پسيحولوگييالىق دۇرىس ادام ەمەس. ەكٸنشٸدەن, بۇل – قىلمىس. ال ونداي اداممەن مەن بٸرگە ٶمٸر سٷرمەيمٸن», - دەيدٸ قۇلپىناي كالمەنوۆا.
«مۇنىڭ بەرٸ سٸزدەرگە بٸرتٷرلٸ كٶرٸنبەي مە?»
وسىدان كەيٸن ٸسكە تانىمال بلوگەر, فەمينيست روزا ەشٸرباەۆا ارالاسىپ, بۇل جاعدايدىڭ كٶزدەن تاسا قالماۋى كەرەگٸن ايتتى. ول قر بالا قۇقىعى جٶنٸندەگٸ ۋەكٸلٸ دينارا زەكيەۆانىڭ ەلەۋمەتتٸك جەلٸدەگٸ پاراقشاسىن بەلگٸلەپ, ٸستٸ ٶز نازارىنا الۋدى سۇرادى.
«30 جاستاعى ەركەك بٶتەن 10-11 جاستاعى قىزعا «عاشىقپىن» دەپ جازىپ, شاشىنان يٸسكەپ, سۋرەتكە تٷسۋٸ, تٷنگٸ 12-دە حات جازۋى قالىپتى ما, قالاي ويلايسىزدار? بۇل جاعدايدىڭ پەدوفەليزم ەكەنٸ ماعان دا, سٸزدەرگە دە تٷسٸنٸكتٸ. بٸراق قانداي جاعداي بولماسىن بٸز زاڭدى تٷردە جۇمىس ٸستەۋٸمٸز كەرەك», - دەپ روزا ەشٸرباەۆا دينارا زەكيەۆانىڭ پاراقشاسىن بەلگٸلەپ, كٶمەك سۇرادى.
روزا ەشٸرباەۆا بۇل مەسەلەدە تاعى بٸر نازار اۋدارارلىق تۇسى – ميلليوننان استام جازىلۋشىسى بار بلوگەر قولعانات جۇماباەۆ كەمەلەتكە تولماعان بالالارمەن عانا كونتەنت جاسايتىنىنا نازار اۋدارعان.
«ەڭ سوراقىسى, قولعاناتتىڭ ٶز بيزنەسٸ بار – بۇل بالالارعا ارنالعان باربەرشوپ. ەرەسەكتەرگە ەمەس, بالالارعا ارنالعان. ياعني ول ٷنەمٸ بالالارمەن بايلانىستا جەنە قاتەلەسۋٸم دە مٷمكٸن, الايدا قۇلپىنايدىڭ كەلبەتٸ دە, تٷرٸ دە بالا سيياقتى. بٸر بالانىڭ اناسى سيياقتى ەمەس. مۇنىڭ بەرٸ سٸزدەرگە بٸرتٷرلٸ كٶرٸنبەي مە?», - دەيدٸ تانىمال بلوگەر.
«ەشقانداي پەدوفيل كٶرٸپ تۇرعان جوقپىن»
ەلەۋمەتتٸك جەلٸدە شۋ شىققاننان كەيٸن قولعانات جۇماباەۆ قىزداردىڭ اناسىمەن بٸرگە ۆيدەو تٷسٸرٸپ, ەشقانداي الىمساقتىق بولماعانىن ايتتى. انالارى قىزدارىنىڭ جٸگٸتكە «اعا» دەپ قاراپ, سىيلايتىنىن جەتكٸزدٸ.
«قازٸر شۋلاپ جاتقان ەڭگٸمەنٸڭ بەرٸ مەنٸڭ ەكٸ قىزىم مەن قۇلپىناي حانىمنىڭ پەدوفيل كٷيەۋٸ تۋرالى بولىپ جاتىر عوي. بۇل جەردە مەن پەدوفيلدٸ كٶرٸپ تۇرعان جوقپىن. مەنٸڭ ايشا دەگەن قىزىم وسى جەردە ۆيدەوكونتەنت تٷسٸرەدٸ. ول جەردە مەن ٶزٸم دە قاتىسامىن. «بۇل قىزداردىڭ شەشەلەرٸ قايدا» دەپ جاتىر. مەن – شەشەسٸمٸن. مەن بەرٸن كٶرٸپ وتىرمىن, بٸراق قۇلپىناي حانىمنىڭ ارانداتۋىنا ەرٸپ وتىرعان جوقپىن. جولداسىمنىڭ اشۋىن باسىپ وتىرمىن. قولعاناتقا كٷيەۋٸم شاشىن الدىرتادى. بەرٸن بٸلەدٸ. قىزدارىم ونى اعاسىنداي كٶرەدٸ. ول ەيەلگە اقشا كەرەك پە, اجىراسقىسى كەلە مە, حيدجاب ساتاتىن دٷكەنٸن جارنامالاعىسى كەلە مە, ٸستەي بەرسٸن, بٸراق بٸزدٸڭ قىزداردىڭ نە قاتىسى بار مۇندا? نە سەبەپتٸ قىزدارىمنىڭ سۋرەتٸن, ۆيدەوسىن مەنٸڭ رۇقساتىمسىز جارييالاعان? مەن زاڭعا جٷگٸنەمٸن», - دەيدٸ قىزداردىڭ اناسى.
وسىدان كەيٸن اناسى قىزداردان «شاشىڭنان يٸسكەدٸ مە اعاي» دەپ سۇراق قويادى. قىزدىڭ ايتۋىنشا, جٸگٸت ول جەردە جاي عانا قۇلاعىنا سىبىرلاپ, بٸردەڭە ايتقان جەنە ەشقاشان قۇشاقتاپ, دەنەسٸن سيپالاماعان.
«مەن اعايدى تۋعان اعامداي كٶرەمٸن. ونى اعامداي سىيلايمىن. بٸز وسى جەردە 3-5 قىز بولىپ جٷرەمٸز, ۇلدار دا كەلەدٸ», - دەيدٸ قىز.
قىزداردىڭ اناسى قۇلپىناي كالمەنوۆانىڭ ٶزٸن ايىپتاپ, كٷيەۋٸن پەدوفيل دەگەنٸنە شٷيلٸكتٸ.
«كٷيەۋٸڭٸزدٸڭ جامانشىلىعىن جاسىرىپ, جاقسىلىعىن اسىراتىن ادامسىز عوي. سٸز سيياقتى ەيەلٸ بار بولعانىنا قولعاناتتى اياپ وتىرمىن. جاعامدى ۇستايمىن», - دەيدٸ ول.
تاعى بٸر اتا-انا قولعاناتتى بٸر جىلدان بەرٸ تانيتىنىن, ونىڭ بويىنان ەرسٸ ەشتەڭە بايقاماعانىن ايتتى.
قازٸر قۇلپىناي كالمەنوۆا ٷستٸنەن ارىز جازىلعانىن, اككاۋنتى ەكسپەرتيزاعا جٸبەرٸلگەنٸن ايتتى.
«ماعان 500 مىڭ تەڭگەدەن 5 ميلليونعا دەيٸن ايىپپۇل سالىنۋى مٷمكٸن ەكەن. ماعان ۆيدەولاردى ٶشٸر دەپ جاتىر, مەن ٶشٸرمەيمٸن. وسىنداي ايىپپۇل كەلسە ماعان كٶمەكتەسۋگە دايىنسىزدار ما?», - دەيدٸ ول.
پسيحولوگ پٸكٸرٸ
بالا پسيحولوگيياسى جٶنٸندە ساراپشى اقگٷل امانتايقىزى پەدوفيل ٶزٸن بٸردەن ەشكەرەلەمەيتٸنٸن ەسكەرتتٸ. ول قيتۇرقى ەرەكەتكە بارماس بۇرىن بالامەن ۇزاق ۋاقىت بايلانىس ورناتىپ, ەبدەن سەنٸمٸنە كٸرٸپ الۋدى ماقسات تۇتادى دەيدٸ.
«پەدوفيلدٸ تٷرٸنە قاراپ تانۋ مٷمكٸن ەمەس. ونىڭ كەيبٸر ەرەكەتتەرٸ كٷمەن تۋدىرا باستايدى. قانداي ەرەكەتتەر? پەدوفيلدەر, بٸرٸنشٸدەن, ٶتە بالاجان بولادى. ولار كٶپ بالانىڭ اراسىنان بٸر بالانى تاڭداپ الىپ, ەرەكشە نازارىندا ۇستايدى. سونىڭ كٶڭٸلٸن تابۋعا, سونىمەن جيٸ ويناۋعا تىرىسادى. سٸزگە "بالاڭدى مەن الىپ كەتەيٸن, مەن قاراپ قالايىن" دەپ كٶمەگٸن ۇسىنۋى مٷمكٸن. اتا-انالار انا ادام پەدوفيل ەكەنٸن تٸپتٸ سەزبەيدٸ. سٸز جاقسى تانيتىن ادامنىڭ ٶزٸ پەدوفيل بولىپ شىعۋى مٷمكٸن. سوسىن پەدوفيلدەر بٸردەن زورلىق جاسامايدى. ولار ۇزاق ۋاقىت بويى بالامەن دوستىق قارىم-قاتىناس ورناتادى, ۇزاق ۋاقىت بويى بالاڭىزدىڭ سەنٸمٸنە كٸرەدٸ. سودان كەيٸن بارىپ ٶزٸنٸڭ ارام ەرەكەتتەرٸن جٷزەگە اسىرادى. سوڭىندا ەكە-شەشە شوك بولىپ, سەنبەي قالۋى دا مٷمكٸن. مٸندەتتٸ تٷردە, وسىعان نازار اۋدارىڭىزدار», - دەپ ەسكەرتتٸ ول.
