بالالار قاتىساتىن كەز كەلگەن ٸس-شارانى ۇيىمداستىرۋ ولاردىڭ قاۋٸپسٸزدٸگٸنە كەپٸلدٸك بەرۋٸ تيٸس. بۇل تۋرالى قر پرەمەر-مينيسترٸ ەليحان سمايىلوۆ ايتتى, دەپ حابارلايدى قازاقپارات.
«بالالاردىڭ بٸلٸم الىپ, جان-جاقتى دامۋىنا, دەمالىسى مەن مەديتسينالىق قىزمەت الۋىنا جاعداي جاساۋ – مەملەكەتتٸڭ ماڭىزدى مٸندەتٸ. بٸز جٷزدەگەن مەكتەپ, بالا-باقشا مەن مەدەني جەنە سپورت نىساندارىن سالىپ جاتىرمىز. مۇنىڭ بارلىعى بالالاردىڭ تولىققاندى دامۋى ٷشٸن قاجەت.
سونداي-اق بالالار جىلى اياسىندا بيىل كٶپتەگەن كەشەندٸ ٸس-شارا جوسپارلانىپ وتىر. بٷگٸن الماتىدا مەملەكەت باسشىسى بالالار جىلىنىڭ قۇرمەتٸنە شىعارماشىلىق, زيياتكەرلٸك جەنە سپورتتىق بايقاۋلاردىڭ جەڭٸمپازدارى مەن لاۋرەاتتارى 30 مىڭ وقۋشىنىڭ قاتىسۋىمەن «الماتى – فەست» فەستيۆالٸن اشادى. بارلىق ٶڭٸردە بالالارعا ارنالعان مەرەكەلٸك ٸس-شارالار باستالادى», - دەدٸ ٷكٸمەت باسشىسى.
ەليحان سمايىلوۆ بالالار جىلىنىڭ بارلىق ٸس-شارالارى ناقتى ورىندالۋى تيٸستٸگٸن باسا ايتتى.
«بالالاردى قورعاۋ كٷنٸ قاشان دا جازعى ساۋىقتىرۋ ناۋقانىنىڭ باستاماسى بولعان. ول ٷشٸن دەنساۋلىق ساقتاۋ مينيسترلٸگٸ قولايلى جاز مەزگٸلٸن بارىنشا تيٸمدٸ پايدالانىپ, كەشەندٸ شارالاردى قابىلداۋ كەرەك. بالالاردىڭ جازعى دەمالىسى مەن بوس ۋاقىتىن تيٸمدٸ ۇيىمداستىرۋ كەزٸندە كٶپتەگەن ماڭىزدى جەنە نەگٸزگٸ جايتتاردى ەسكەرۋ قاجەت. ەڭ باستىسى – كٶشەدە, سۋدا دەمالۋ كەزٸندە, تٷرلٸ ەكسكۋرسييالاردا بالالارىمىزدىڭ قاۋٸپسٸزدٸگٸن قامتاماسىز ەتۋ قاجەت», - دەدٸ ول.
پرەمەر-مينيستردٸڭ اتاپ ٶتۋٸنشە, بالالار قاتىساتىن كەز كەلگەن ٸس-شارانى ۇيىمداستىرۋ, ەڭ الدىمەن, ولاردىڭ قاۋٸپسٸزدٸگٸنە كەپٸلدٸك بەرۋٸ تيٸس.
«ٸشكٸ ٸستەر, بٸلٸم جەنە دەنساۋلىق ساقتاۋ مينيسترلٸكتەرٸ, ٶڭٸر ەكٸمدەرٸ تيٸستٸ قىزمەتتەردٸڭ جۇمىسىن وسىعان جۇمىلدىرۋى كەرەك. سونىمەن بٸرگە وقۋ ورىندارىن قاۋٸپسٸزدٸك جٷيەسٸمەن جاراقتاندىرۋ جەنە جاڭعىرتۋ جۇمىستارىن جانداندىرۋ قاجەت», - دەدٸ ەليحان سمايىلوۆ.
