فوتو: gov.kz
قازاقستاندا بالالار قاۋٸپسٸزدٸگٸ مەسەلەسٸ قايتادان ٶزەكتٸ تاقىرىپقا اينالدى. دەنساۋلىق ساقتاۋ مينيسترلٸگٸ سوڭعى مەلٸمەتتەردٸ جارييالاپ, تەرەزەدەن قۇلاۋ دەرەكتەرٸنٸڭ الاڭداتارلىق دەڭگەيدە ەكەنٸن مەلٸمدەدٸ, دەپ حابارلايدى Ult.kz.
ۇلتتىق شۇعىل مەديتسينانى ٷيلەستٸرۋ ورتالىعىنىڭ دەرەكتەرٸنە سەيكەس 2026 جىلدىڭ ٷش ايىندا ەلدە بالالاردىڭ تەرەزەدەن جەنە بيٸكتٸكتەن قۇلاپ كەتۋٸنٸڭ 44 جاعدايى تٸركەلگەن, ونىڭ ٸشٸندە 4-ەۋٸ ٶلٸممەن اياقتالعان. جىلى كەزەڭنٸڭ باستالۋىمەن بالالاردىڭ تەرەزەدەن قۇلاۋىنا بايلانىستى جازاتايىم وقيعالار قاۋپٸ ايتارلىقتاي ارتادى.
جازاتايىم وقيعالاردىڭ ەڭ كٶپ سانى اتىراۋ وبلىسىندا – 13, استانا قالاسىندا – 8 (ونىڭ ٸشٸندە 3 ٶلٸم جاعدايى), سونداي-اق ماڭعىستاۋ وبلىسىندا – 4 (ونىڭ ٸشٸندە 1 ٶلٸم جاعدايى) تٸركەلگەن.
قايعىلى وقيعالاردىڭ باسىم بٶلٸگٸ ەرتە جەنە مەكتەپكە دەيٸنگٸ جاستاعى بالالاردىڭ اراسىندا ورىن الاتىنىن, ٶيتكەنٸ ولار جاس ەرەكشەلٸكتەرٸنە بايلانىستى قاۋٸپ-قاتەردٸ تولىق باعالاي المايتىنىن ايتا كەتكەن جٶن. ەرەسەكتەردٸڭ قىسقا ۋاقىتقا بولسا دا نازار اۋدارماۋى ورنى تولماس سالدارعا ەكەلۋٸ مٷمكٸن.
جازاتايىم وقيعالاردىڭ نەگٸزگٸ سەبەپتەرٸ:
* بالالاردى قاراۋسىز قالدىرۋ;
* جاۋاپكەرشٸلٸكتٸ ٷلكەن بالالارعا جٷكتەۋ;
* تەرەزەلەردە قورعانىش قۇرىلعىلارىنىڭ بولماۋى;
* تەرەزە ماڭىندا بالانىڭ ٶزدٸگٸنەن شىعۋىنا مٷمكٸندٸك بەرەتٸن جيھازدىڭ ورنالاسۋى;
* موسكيت تورلارىن سەنٸمدٸ قورعانىس رەتٸندە قاتە قابىلداۋ.
موسكيت تورلارى ەرەسەكتەردە جالعان قاۋٸپسٸزدٸك سەزٸمٸن قالىپتاستىراتىنىن ەرەكشە اتاپ ٶتكەن جٶن. ولار تەك جەندٸكتەردەن قورعاۋعا ارنالعان جەنە بالانىڭ سالماعىن ۇستاپ تۇرا المايدى, از عانا قىسىم تٷسكەن جاعدايدا بالامەن بٸرگە قۇلاپ كەتۋٸ مٷمكٸن.
وسىنداي جاعدايلاردىڭ الدىن الۋ ماقساتىندا اتا-انالار مەن زاڭدى ٶكٸلدەرگە:
* بالالاردى, ەسٸرەسە اشىق تەرەزەسٸ بار بٶلمەدە, قاراۋسىز قالدىرماۋ;
* ارنايى قورعانىش قۇرىلعىلارىن (اشىلۋىن شەكتەگٸشتەر, بلوكيراتورلار, بالالار قۇلىپتارى) ورناتۋ;
* تەرەزە ماڭىنا جيھاز ورنالاستىرماۋ;
* بالانى ٷنەمٸ كٶزبەن باقىلاۋدا ۇستاۋ;
* بالالارعا قاۋٸپسٸز مٸنەز-قۇلىق ەرەجەلەرٸن تٷسٸندٸرۋ;
* قاۋٸپسٸز جەلدەتۋ فۋنكتسيياسى بار تەرەزەلەردٸ پايدالانۋ;
* تەرەزە قۇرىلىمدارىنىڭ جەنە بەكٸتپەلەرٸنٸڭ سەنٸمدٸلٸگٸن تەكسەرۋ ۇسىنىلادى.
"اتا-انالارعا جٷكتەمە جوعارى بولاتىن كٶپ بالالى وتباسىلارعا, سونداي-اق بالالار قارت تۋىستاردىڭ نەمەسە كەمەلەتكە تولماعانداردىڭ قاراۋىندا قالاتىن جاعدايلارعا ەرەكشە نازار اۋدارۋ قاجەت.
تەرەزەدەن قۇلاۋ – بۇل الدىن الۋعا بولاتىن قايعىلى جاعدايلار. ولار كٶبٸنە تۇرمىستىق جاعدايدا ورىن الىپ, تٸكەلەي ادام فاكتورىنا بايلانىستى بولادى. قاراپايىم قاۋٸپسٸزدٸك ەرەجەلەرٸن ساقتاۋ مۇنداي وقيعالاردىڭ قاۋپٸن ەدەۋٸر تٶمەندەتەدٸ.
اتا-انالار مەن زاڭدى ٶكٸلدەردٸ بارىنشا قىراعىلىق تانىتىپ, بالالاردىڭ قۇلاپ كەتۋ قاۋپٸنە جول بەرمەۋگە جەنە ولاردىڭ قاۋٸپسٸز ٶمٸر سٷرۋ جاعدايلارىن قامتاماسىز ەتۋگە شاقىرامىز. بالانىڭ قاۋٸپسٸزدٸگٸ – ەرەسەكتەردٸڭ جاۋاپكەرشٸلٸگٸ", دەلٸنگەن حابارلامادا.
