بالالاردى Ashyq جٷيەسٸنە ەنگٸزۋ مەسەلەسٸ ەلٸ قاراستىرىلعان جوق. بۇل تۋرالى قر دەنساۋلىق ساقتاۋ ۆيتسە-مينيسترٸ اجار عينييات ايتتى, دەپ حابارلايدى قازاقپارات.
«ۆاكتسينا العان بالالاردىڭ پاسپورت بولادى. بٸراق, سول بالالاردى Ashyq جٷيەسٸنە ەنگٸزۋ مەسەلەسٸ ەلٸ قاراستىرىلعان جوق. ول ۆەدومستۆوارالىق كوميسسييا وتىرىسىندا قارالادى. قازٸر ەڭ الدىمەن بالالاردىڭ اراسىندا ۆاكتسيناتسييا جٷرگٸزٸپ, وسى اۋرۋدان قورعاۋ مەسەلەسٸمەن اينالىسىپ جاتىرمىز», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا باق ٶكٸلدەرٸنٸڭ ساۋالىنا وراي.
ونىڭ اتاپ ٶتۋٸنشە, بٷگٸندە بالالارعا ۆاكتسينا الۋ قاجەتتٸلٸگٸ تۋرالى تٷسٸندٸرۋ جۇمىستارى جان-جاقتى جٷرگٸزٸلٸپ جاتىر.
«تٷسٸندٸرۋ جۇمىستارى مۇعالٸمدەردٸڭ, مەديتسينا قىزمەتكەرلەرٸنٸڭ تاراپىنان جٷرگٸزٸلٸپ جاتىر. بٸردەن ايتۋ كەرەك, ۆاكتسينا بالانىڭ اتا-اناسىنىڭ كەلٸسٸمٸمەن عانا سالىنادى», - دەدٸ اجار عينييات.
