Balalardy Ashyq júiesine engizý máselesi áli qarastyrylǵan joq. Bul týraly QR Densaýlyq saqtaý vitse-ministri Ajar Ǵiniiat aitty, dep habarlaidy QazAqparat.
«Vaktsina alǵan balalardyń pasport bolady. Biraq, sol balalardy Ashyq júiesine engizý máselesi áli qarastyrylǵan joq. Ol vedomstvoaralyq komissiia otyrysynda qaralady. Qazir eń aldymen balalardyń arasynda vaktsinatsiia júrgizip, osy aýrýdan qorǵaý máselesimen ainalysyp jatyrmyz», - dedi vitse-ministr Ortalyq kommýnikatsiialar qyzmetindegi baspasóz máslihaty barysynda BAQ ókilderiniń saýalyna orai.
Onyń atap ótýinshe, búginde balalarǵa vaktsina alý qajettiligi týraly túsindirý jumystary jan-jaqty júrgizilip jatyr.
«Túsindirý jumystary muǵalimderdiń, meditsina qyzmetkerleriniń tarapynan júrgizilip jatyr. Birden aitý kerek, vaktsina balanyń ata-anasynyń kelisimimen ǵana salynady», - dedi Ajar Ǵiniiat.
