بٸرەۋگە باعا بەرۋ بٸزگە جات قىلىق. ەسٸرەسە, مەملكەتتٸك قىزمەتتەگٸ كٸسٸنٸڭ ٸسٸنە ٷڭٸلۋگە اسا قۇمار ەمەسپٸز. كٷنٸ بٷگٸنگە دەيٸن شەنەۋنٸك اتاۋلىعا سىرتتاي دا, ٸشتەي دە ەمٸرەنٸپ كٶرمەپپٸز. تٸزگٸن ۇستاعاندارعا بارىنشا سالقىن قارادىق. ٶيتكەنٸ بٸزدٸڭ كٶزقاراستا بٸر فيزيكالىق تەپە-تەڭدٸك ورناۋى جٶن ەدٸ. كٶبٸ ماقتايدى, كەيبٸرەۋلەرٸ داتتايدى. ال, بەيتاراپ قارايتىن بٸرەۋدٸڭ جٷرگەنٸ جاقسى ەمەس پە? تارازى باسىنىڭ نە تىم جوعارى, نە بولماسا تٶمەن تارتىپ كەتپەۋٸن قاداعالايتىن. ياعني, بەيتاراپپىز. «جاقسى دا بولسا, قاراعىم, جامان دا بولسا قاراعىم». شەن العانعا قول سوعۋ, سٷرٸنگەنگە سويىل الا جٷگٸرۋ سٷيەككە سٸڭبەپتٸ. ال, ەندٸ نە كٷن تۋدى دەيسٸز بە? بەلەندەي بٷلٸنگەن ەشتەڭە جوق. ٸش جىلعان سوڭ, كٶڭٸل كٶنشٸدٸ.
بٸر مەسەلە بار. وتىز جىلدان بەرٸ جۋرناليستيكا سالاسىندا جٷرمٸز, تالاي شەندٸ جولىقتى. بٸز بارعان شىعارمىز, ولار ٸزدەدٸ. قىسقاسى قىزمەت بابىمەن, اعايىندىق قارىم-قاتىناس شەڭبەرٸندە ارالاستىق. سىر اقتارعاندارى كەزدەستٸ. بٸزدٸڭ دە اقىل ايتىپ جٸبەرگەن تۇستارىمىز بار. پٸكٸر قايشىلىعى, تٷسٸنٸك الشاقتىعى دا ورىن الدى. ٶز رەتٸمەن سٷرٸلگەن ٶمٸر ول. تالايىنا تٸلەكتەس ەدٸك. ٷمٸتتٸ اقتاعاندارى بولدى, ٸسٸ كٶڭٸلگە جاقپاعاندارى دا جٷر. قازاقتىڭ نەبٸر اتپال ازاماتتارىنا ٸنٸ ەدٸك. ول دا بٸر ينستيتۋت. كەرەك دەسەڭٸز, اكادەمييا! ٶزٸمٸز مويىنداعان مىقتىلاردان ەستٸدٸك. تەمٸربەك جٷرگەنوۆ جايىندا. ٸليياس وماروۆتىڭ بولمىسى تۋرالى. كەركەن احمەتوۆتىڭ قارقىندى ٸستەرٸن. ساۋىق تەكەجانوۆتىڭ ساڭلاق ەكەنٸن. ٶزگە دە تۇلعالار بولعان شىعار. ستۋدەنت كەزٸمٸزدە قوناەۆقا كٸرٸپ بارىپ, كٸرٸپ بارعاندا دا جيىرما مينۋت ۋاقىت بٶلگەن اقساقالدىڭ قاسىندا تاپجىلماي ٷش ساعاتتاي وتىرىپ, ەڭگٸمە تىڭداعان بٸزدٸڭ دە ٶز قۇنىمىزدى بٸلەتٸنٸمٸز انىق.
بالاەۆانى باعالاۋ دەدٸك قوي. ول نە ٷشٸن ەدٸ? مەجبٷرلٸك پە? جوق! قاجەتتٸلٸك? ولاي دەۋگە دە نەگٸز از. بٸزدٸ جەككە مٷددە, باس پايدا مٷلدە قىزىقتىرمايدى. ەندەشە باس بارماقتى بارىنشا جوعارى كٶتەرۋگە نە تٷرتكٸ? راس, بٷگٸن باق كٷنٸ. باق باسى رەتٸندە قۇتتىقتاساق تا ىڭعايى كەلٸپ تۇرعان. وعان بولا «5» كٶتەرمەيمٸز عوي, ەندٸ. بەيگەدەن كەلدٸ مە? بەيەك بولۋىمىزدىڭ سىرى نەدە? سەبەبٸ بار ەكەن. باسىندا اڭعارماپپىز. مەن بەرمەگەنبٸز, شاماسى. تاققا شىقاندارعا, اتقا مٸنگەندەرگە سۋىق قارايتىن قالپىمىز وسى بٸر قارشاداي قىزدىڭ ەلگەزەكتٸگٸن ەلەكتەن ٶتكٸزبەي قويىپتى. ٸشكٸ تسەنزۋرامىز. بٸر ەلدٸڭ باعىنا بٸتكەن باق مينيسترٸن قارشاداي قىزعا بالايتىن جٶنٸمٸز بار ما ٶزٸ? ول قىزمەتتٸك ەتيكانىڭ, ادامي كودەكستٸڭ تالابىنا سەيكەس پە? بۇل جاعى بٸزگە بەيمەلٸم. ال, قازاقى قالىپقا, اعالىق قيسىنعا سٷيەنسەك, ٸسٸنە سٷيٸنگەن جاندى قارشاداي قىز دەپ ەسپەتتەتۋدٸڭ ەش سٶكەتتٸگٸ جوق ەكەنٸ انىق.
ايدا اينالايىنعا حات جازعىمىز كەلگەن كەزٸمٸز دە ەسٸمٸزدە. ول كەزدە اق ٷيدە, ٸشكٸ ساياساتتا جٷرگەن كەزٸ. ەلگٸ حاتتىڭ مەتٸنٸ كٶكٸرەكتە سايراپ تۇر. رەتٸ كەلسە, ايتىپ تا جٸبەرەمٸز. ەزٸرگە ٸركە تۇرايىق. بالاەۆانى باعالاۋعا بەيسەنجان سەبەپ بولدى. قىرىق كٷن بۇرىن قىرشىنىنان قيىلعان باۋىرىم, ٶزٸ دە, ٸسٸ دە ٸرٸ ٸنٸم. بەيسەنجاننىڭ اناسى دا باقيلىق بولىپتى. اللا تاعالا الدىنان جارىلقاسىن. «كٶزٸمە جاس بەر, جىلايىن. شىدام بەر, سابىر قىلايىن», - دەپ جازعاندا قۇنانبايۇلى اباي قانداي كٷيدە بولدى ەكەن? قىرىق كٷن بۇرىن ۇلىنان ايىرىلعان, ٷش كٷننٸڭ الدىندا قامشىسى سىنعان جانىسبەكتٸڭ ابايى, اباي اعام قۇرانبەكتٸڭ كٷيٸن سەزەمٸز... اللادان سابىر تٸلەيمٸز! قۇدىرەتتٸ جاراتۋشىنىڭ ٶزٸنە امانات! بەيسەنجەن قايتىس بولعان كٷنٸ ەلگٸندە عانا تاعايىندالعان باق-تىڭ جاڭا مينيسترٸ العاشقىلاردىڭ بٸرٸ بولىپ قازاققا كٶڭٸل ايتتى. قازاققا دەيتٸنٸمٸز, ەلەۋمەتتٸك جەلٸگە جازدى. بەيسەنجاننىڭ ەۋلەتٸنە دە جولداعان بولار. راس, سالا باسشىسىنىڭ قابىرعالى تٸلشٸنٸڭ قازاسىنا بايلانىستى كٶڭٸل بٸلدٸرۋٸ الدىمەن ٸسٸنٸڭ جٶنٸ, ادامگەرشٸلٸك قاسيەتٸ. راس, ساياسات جولى, كەسٸبي ەتيكەتكە دە شارتى تولادى. بٸز كەزٸندە مەن بەرمەگەن, بٸراق بٷگٸن باعا كٶتەرۋگە تٷرتكٸ بولعان جوباعا دا ايدا مينيستر سول كٷندەرٸ تەۋەكەل ەتٸپتٸ. ەلدە ٶزٸنٸڭ جەكە كٶزقاراسى, بەلكٸم اقىلداسا كەلگەن شەشٸم, انىعى - ايدا بالاەۆا باسقاراتىن مينيسترلٸك بەيسەن قۇرانبەك اتىنداعى بايقاۋ جارييالايتىنىن حابارلاپ ٷلگەردٸ. بٸزدٸڭ تٷسٸنٸكتە, بۇل شارۋا كەلەسٸ جىلدىڭ ەنشٸسٸندەگٸ ٸس بولسا كەرەك-تٸ. سەبەبٸ ەندٸ عانا تٸزگٸن ۇستاعان بالاەۆا ۇيىمداستىرۋ جۇمىسىن, ونى ٶتكٸزۋدٸڭ رەتٸن بەلگٸلەپ, قارجىسىن شەشٸپ, بەيسەنجاننىڭ جىلدىق اسىنا شەكتٸ اتقارۋعا مٸندەتتەمە السا شە, ۋاقىت تا, بايقاۋعا قاتىساتىندار دا, تٸپتٸ قوعام دا قۇپتايتىن ەدٸ. جوق, ول بٸردەن ٸسكە كٸرٸستٸ. «جٸگەر» دەپ ات قويىپ, سىيلىق تاعايىنداپ, جٸگەرلٸ جاستاردى تەز ارادا ٶز جۇمىستارىن قازىلار القاسىنا تاپسىرۋعا شاقىردى. قىرقىنا ٷلگەرۋدٸ ويلاعانىن دا بٸلدٸك. جەنە «جٸگەر» قانداي دۇرىس تاڭداۋ!. بەيسەنجاندى بٸرنەشە كٸسٸ جاقسى بٸلسە, سونىڭ بٸرٸ بٸز ەدٸك. بوزبالا كەزٸنەن كٶز الدىمىزدا. سول كەزدەن ونىڭ بويىنان ەرٸك-جٸگەر بايقالدى. ات جالىن تارتىپ مٸنگەلٸ بەرٸ جۇرتتىڭ بەرٸن جٸگەرلەندٸرۋمەن جٷردٸ. مىناۋ جالعاننان وزعانشا جٸگەرٸ مۇقالعان جوق. دەمەك, ەگەر بەيسەنجان اتىندا قانداي دا بٸر بايقاۋ ٶتەتٸن بولسا, ونىڭ «جٸگەر» اتالۋى جاراسىمدى ەدٸ.
رەسپۋبليكاعا ساۋىن ايتىپ, بايقاۋ جارييالاۋ وڭاي دا شىعار. ونى ٶتكٸزۋ دەل قازٸر تاباندىلىقتى قاجەت ەتكەنٸن دە انىق ۇعامىز. پاندەمييا جوق زاماندا كەز كەلگەن ٸس ٶز ٶزٸنەن دٶڭگەلەنٸپ سالا بەرەتٸن. ەندٸ مۇنداي تەۋەكەلگە ەكٸنٸڭ بٸرٸ بارا بەرمەسٸ انىق. بالاەۆا مٸنەزدٸ قىز ەكەن, جانىن سالدى. جٷرەگٸمەن كٸرٸستٸ. ەندٸ كەلدٸم دەمەدٸ. ەنتٸك باساتىنىن العا سالمادى. قىز بالاعا تەن باۋىرمالدىلىقپەن بٸلەك سىباندى. وسى بٸر ٸستٸڭ مەنٸن تٷسٸنٸپ كٸرٸستٸ. جانىندا جٷرگەن جوقپىز. تٸپتٸ ٶمٸردە جٷزٸن كٶرمەگەن ادامىمىز. بٸر ايدىڭ كٶلەمٸندە بٷكٸل شارۋانىڭ قيسىنىن كەلتٸرٸپ, باس-اياعىن جىپ-جيناقى ەتٸپ الىپ شىققانى كٶڭٸلٸمٸزگە قوندى. كٶپ ەشتەڭەگە ەلپ ەتپەيتٸن بٸزدٸڭ جٷرەكتٸ جىلىتقان مينيستردٸڭ ادامگەرشٸلٸگٸ ەدٸ. راحمەت, اللا تاعالا قولداسىن!
ال, ەندٸ ەلگٸ بٸر جازىلماعان حاتتىڭ جاي-جاپسارىن ەپتەپ ەسكەرتسەك. قازٸر ٶزٸ زامان قۇبىلىپ بارادى. اناۋ امەريكادان باستاۋ العان, فرانتسييادا جالعاسقان, قازٸر انگلييادا اسقىنىپ تۇرعان اق پەن قارا تارتىسى ادامعا وي سالادى ەكەن. وسى بٸز باستاپقى ادامي قالپىمىزدان كەتٸپ بارا جاتقان جوقپىز با? شەكتەن شىعۋدىڭ شەكاراسىن تاپپاي قالعان سيياقتىمىز با? ويلاناتىن دٷنيە. قازاقستان پرەزيدەنتٸ ق. توقاەۆ «انا تٸلٸنە» بەرگەن سۇحباتىندا بٸرنەشە مەسەلەنٸ تٸلگە تيەك ەتتٸ. ەركٸم ٶزٸنشە جورىپ الاتىن كەز عوي. دٶيدالا تارتىپ كەتەتٸندەر دە كەزدەسەدٸ.بٸزدٸڭ تٷسٸنٸكتە, مەملەكەت باسشىسى ۇلتتىق بولمىستى, قازاقى قالىپتى ٸزدەگەن سەكٸلدٸ. ٸزدەسە ايىپ پا? ول تٸپتٸ ەشقايدا كەتكەن دە جوق. سٸز بەن بٸزدٸڭ كٶكٸرەگٸمٸزدە, كەۋدە قۋىسىنا جابىسىپ قالعان. تەك بەرمەن تٷسٸرەتٸن قۇرال كەرەك. ول قۇرال تاعى دا سول سٸز بەن بٸزدٸڭ قولىمىزدا. بەس ساۋساقتى سۇعىپ جٸبەرٸپ, سۋىرىپ الامى با, جوق سول كەۋدەدە تۇرا بەرە مە, ول دا سٸز بەن بٸزدٸڭ تاڭداۋعا بايلانىستى. قازاق وبال مەن ساۋاپتىڭ نە ەكەنٸن ەلٸ ۇمىتقان جوق. تۋىستىق تٷسٸنٸك كەمشٸن تارتقانىمەن, تامىر ارالاپ, قانىمىزبەن بٸرگە اينالىپ جٷر. «قازاق تٸلٸنٸڭ قاجەتتەلٸگٸن ارتتىرۋ», - كەرەك دەپتٸ پرەزيدەنت. قانداي دۇرىس. سٶزٸنە سٷيسٸنٸپ تۇرعان جوقپىز. سول باعىتتا جۇمىس ٸستەۋگە مٷمكٸندٸك بەرگەنٸ ٷمٸت ۇيالاتادى. ەندٸ بٸزدٸكٸ نە تۇرىس? «باسشىعا باعىن», - دەيدٸ, قولىمىزداعى كەلٸسٸم-شارتتار. «باسشىعا باعىن!», - دەيدٸ شاريعات. ەكٸ ٷكٸمگە دە باس شۇلعيتىن بٸزدەر نەگە پرەزيدەنتتٸڭ تاپسىرماسىنا شەكەدەن قاراۋىمىز كەرەك? قازاقتى ساقتاپ قالاتىن, وعان ابىروي ەپەرەتٸن ۇلتتىق سالت-دەستٷر, ەدەپ–عۇرپىمىز. ەدەپ پەن مەدينيەتتٸلٸك. وسىنى تٷسٸنٸپ, ەلگە تٷسٸندٸرٸپ العاننان كەيٸن كەز كەلگەن عىلىمي-تەحنيكالىق دامۋعا باتىل كٸرٸسەمٸز.
تاعى بٸر مەسەلە. ەندٸگٸ جەردە قازاق تٸلٸن مٷسٸركەۋدٸڭ كەرەگٸ جوق. ول وعان زەرۋ دە ەمەس, كٶنەدەن كەلە جاتىر. راس, سەل جۇتاڭ تارتقان شىعار. تارتقاندا ٶزٸمٸز قاعىمىزدان جەرٸنٸپ جٷرگەن. سانا تٶمەندەپ بارادى. ەلگەزەك مينيستر ەڭ الدىمەن وسىعان مەن بەرەدٸ دەپ ويلايمىز. جەنە سەنەمٸز. «جٸگەردەن» «5» العان بالاەۆانىڭ ٶزٸندە دە ەرٸك-جٸگەر جەتەدٸ. وعان شٷبە كەلتٸرمەيمٸز. تاڭعى التىدا ەل-جۇرتىمەن, «قايىرلى تاڭ», - دەپ امانداستىن ايدادا ەرٸك-جٸگەردٸڭ بولماۋى مٷمكٸن ەمەس قوي! ەل مۇڭى جٷرەگٸنە جەتەدٸ. مەملەكەت قاجەتتٸلٸگٸن جٷرەگٸنەن ٶتكٸزە الادى. ەلگٸ, «قازاق تٸلٸن ٷيرەنەيٸك, ونى قۇرمەتتەيٸك» ۇرانىنان قۇتىلۋىمىز كەرەك. قازاق تٸلٸ ناسيحاتقا زەرۋ مە? سٶيلەمەسە, كەجەگەسٸ كەيٸن كەتكەندەر سٶيلەمەيتٸن شىعار, بٸراق جالپى حالىق اعىپ تۇر عوي. قىزىلوردانىڭ كەرٸسٸ, پاۆلوداردىڭ ورىسى دا سٶيلەيدٸ. راس, ەرتٷرلٸ دەڭگەيدە مەڭگەرگەن. ول ەندٸ باسقا مەسەلە.
ەكٸنشٸ, ەلدە تەربيە جۇمىسىن كەڭٸنەن ناسيحاتتاۋعا ماڭىز بەرٸلسە. اقىل ايتۋدان, جٶن سٸلتەۋدەن اۋلاق بولۋىمىز كەرەك. كٶرسەتەيٸك, اقىلدىلاردى! سٶيلەتەيٸك سولاردى, بٸراق قىرتتاردى ەمەس. ۇلتقا شىن مەنٸندە جانى اشيتىندار كەزەك السىن. «تۇرسىن جۇرتباەۆتىڭ دەرٸستەرٸ», «زەينەپ اپانى تىڭدايىق», «اكادەميك اسقار ايتادى..», «مەن دە بۇرىن ەل باسقارعام» اياسىندا بۇرىنعى ەكٸم, مينيسترلەردٸ تىڭداسا شە? ٶنەرتاپقىشتار مەن اقىلدى ۇرپاقتار شىقسىن ەل الدىنا. ەر سالانىڭ عالىمدارىن شاقىرايىق. دەمەك, ەلەكتروندى باق ارقىلى اعارتۋ ٸسٸنە ەفير ۋاقىتىن بٶلسٸن. اقىرى مەملەكەتتەن اقشا الا ما, مەملەكەت ساياساتىن جٷرگٸزسٸن. «توقاشىڭ تەتتٸ ەكەن. ٶزٸڭدٸ تانىعىم كەلمەيدٸ», - دەپ كەلەتٸن قۋلىعىنا بالتا شابايىق. ەلەمدٸك سەريالدار قازاق كٶرەرمەندەرٸنە دەن ريزا! ۇلى دالا ۇل-قىزدارى تەلەسەريالدى تٷپ-تۇقييانىنا شەيٸن تانىپ بولدى. تٷن ٸشٸندە وياتىپ سۇراساڭىز دا, كەز كەلگەن سەريياسىنان ٷزٸندٸنٸ جاتقا ايتادى. ۇبت-عا كٸرگەندەردەن سۇرالسا بار عوي, شەتٸنەن جٷزدٸڭ ٷستٸندە بالل الاتىن ەدٸ. بالا عانا ما ەكەن, ٷلكەن-كٸشٸنٸ تٷگەل وتىرعىزدىق, سەريالعا. راحات دٷنيە كەرجالقاۋعا! ەندٸ جىلايتىن بالانى ەمٸزەكپەن جۇباتقنداي عوي. تاپ سونداي بولدى بۇل تۆ. ول رەيتينگ ەپەرەدٸ دەپ ٶزدەرٸ مەز, تۆشىلار. اناۋ كٷلكٸ كٸمنٸڭ ەزۋٸن تٸلەدٸ, تٷبٸندە? قازاق كەلٸندەرٸ مەن ەنەلەرٸنە ٷندٸ, تٷرٸك جەنە كەرٸس تاريحىن ەبدەن تانىستىردىق. ولار دا تاپجىلماي كٶرٸپ, كەرەگٸن الىپ بولدى. كەز كەلگەن ەدەمٸ ەرتەگٸنٸڭ دە اياقتالار سەتٸ بولادى. پرەزيدەنتتٸڭ «تۆ سالاسىندا وتاندىق ٶنٸمدٸ كٶبەيتٸڭدەر», - دەگەن تاپسىرماسىن ورىندايىق! ەندٸ سەريال ۇسىنا بەرسەك ارتىق سەكٸلدٸ. ارتىق قىلاتىندار تىرتىققا بارىپ تيتىقتايدى. كٷنٸنە توعىز تەلەسەريال كٶرٸپ, سيىر ساۋۋعا ۋاقىت تاپپاي جٷرگەندەر كٶپ دەسەدٸ. جەلٸنٸ سىزداعان سيىر- جانۋارلارعا تٸل بٸتسە دە سۇرار ەدٸ. «تاڭنان تٷن اۋعانشا جٷرەتٸن سەريالداردى ٷزە تۇرىڭىزشى», - دەپ. باق اقپارات ۇسىنۋشى, وقيعانى تالداۋشى جەنە اعارتۋشى مەرتەبەسٸن تولىق قايتارىپ السا دەيمٸز.
اعارتۋشىلىق تىنىستى اشۋعا مەملەكەت باسشىسىنىڭ تاعى دا سول «انا تٸلٸنە» بەرگەن سۇحباتى مٷمكٸندٸك بەرەدٸ. تٸل قۇنارلىعىن ٸزدەگەن, ٶنەر مەن مەدەنيەتتٸ ٶركەندەتۋدٸ ويلاعاننان كەيٸن دە پرەزيدەنت دەل سول گازەتتٸ تاڭداپ وتىر. ەيتپەسە بٸزدٸڭ ەلدە باسىلىم از با? كوروناۆيرۋستان كەيٸن قوعام, قوعام نە بٷكٸل ەلەم ٶزگەرەدٸ دەپ جاتىر. ٶزگەرسٸن. بٸز بۇرىنعىمىزدى تاۋىپ الايىق. قازاق فولكلورعا مەن بەرگەن حالىق. «تۋعاندا دٷنيەگە ەسٸگٸن اشادى ٶلەڭ, ٶلەڭمەن جەر قوينىنا كٸرەر دەنەڭ. ٶمٸردەگٸ قىزىعىڭ بەرٸ ٶلەڭمەن, ويلاساڭشى بوس قاقپاي ەلەڭ-سەلەڭ», - دەگەندٸ اباي تەككە ايتتى دەيسٸز بە.
اينالايىن, ايدا! العاشقى قادامىڭا ريزا بولدىق! كەز-كەلگەن ٸستە ەلگەزەكتٸك تانىتساڭىز, ەل دە ريزا بولار ەدٸ. قولىمىزدان كەلەتٸن شارۋا عوي. عارىشقا ۇشۋدىڭ قاجەتٸ جوق. يللون مىرزاعا قالدىرايىق. بٸز سول ٶز حالقىمىزدى اعارتىپ الايىق. قالعانىن اللا تاعالا ٶزٸ وڭدار. جوعارىدا بٸرنەشە مينيستردٸڭ ەسٸم-سويىن كەلتٸردٸك. بەرٸ دە ەلگە ەڭبەگٸ سٸڭگەن, قازاققا قىزمەت ەتكەن تۇلعالار. «دوستان دۇعا», - دەمەكشٸ بٷگٸنگٸ باق مينيسترٸ كەشەگٸ قوعام قايرەتكەرلەرٸنڭ كەلبەتٸن اشاتىن فيلم جاساۋعا مۇرىندىق بولسا قانداي عاجاپ! قازاق ەلٸ ٸلەكەڭ دەپ ٸلتيپات تانىتقان ٸليياس وماروۆتىڭ, ٶزگەنٸ بىلاي قويعاندا تٶل ۆاليۋتاداعى تيىن سٶزٸنٸڭ ەنۋٸنە تٸكەلەي ات سالىسقان ساۋىق تەكەجانوۆتىڭ, قازاق مەدەنيەتٸنٸڭ دامۋىنا ٶلشەۋسٸز ٷلەس قوسقان تەمٸربەك جٷرگەنوۆتٸڭ, قازاق سپورتىنىڭ نەگٸزٸن قالاعان, جٷزدەگەن چەمپيونداردىڭ شىعۋىنا جول اشقان كەركەن احمەتوۆتٸڭ اسىل بەينەلەرٸن قايتا بٸر تۇششىنىپ كٶرەر ەدٸ اۋ.
كەلەسٸ شەشٸمدەرٸڭٸزگە دە «5» قويعىم كەلەدٸ! ەر ٸستە وزات شىعادى دەپ سەنەمٸن. بٷگٸنگٸ مەرەكەڭٸزبەن, قۇرمەتتٸ ايدا عالىمقىزى!
امانگەلدٸ سەيٸتحاننىڭ فەيسبۋك پاراقشاسىنان
