قر اقپارات جەنە قوعامدىق دامۋ مينيسترٸ ايدا بالاەۆا الماتىدا كٷزەتشٸ جۋرناليستٸ ەكٸمدٸكتەن كٶتەرٸپ شىعارىپ تاستاعان وقيعاعا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«ٶزدەرٸڭٸزگە مەلٸم, الماتى قالاسى, الاتاۋ اۋدانى ەكٸمدٸگٸ قىزمەتكەرٸنٸڭ جۋرناليست اقبٶپە تەڭٸربەرگەنگە كٷش قولدانعان تەرٸس ەرەكەتٸ ينتەرنەت جەلٸسٸندە قىزۋ تالقىلانىپ جاتىر. اۋداندىق ەكٸمدٸكتٸڭ جاۋاپتى تۇلعالارىنىڭ بۇعان قاتىستى ەش شارا قولدانباۋى مەسەلەنٸ تٸپتٸ دە ۋشىقتىرىپ وتىر. بۇل ەرينە ٶتە ٶكٸنٸشتٸ جەنە بٸزدٸڭ بٷگٸنگٸ «ەستيتٸن مەملەكەت», «اشىق ەكٸمدٸك» قاعيدالارىنا قايشى كەلەتٸن جاعداي», دەپ جازدى ايدا بالاەۆا Facebook-تەگٸ پاراقشاسىندا.
مينيستردٸڭ مەلٸمدەۋٸنشە, جۋرناليستەردٸڭ قۇقىعىن بۇزۋعا, ولاردىڭ رەسمي جۇمىسىنا كەدەرگٸ كەلتٸرٸپ, كٷش كٶرسەتۋگە ەشقاشان جول بەرٸلمەۋٸ كەرەك. «ولار ٶزدەرٸن قاي جەردە دە ەركٸن سەزٸنۋٸ تيٸس. باق ٶكٸلدەرٸ ەلٸمٸزدٸڭ تيٸستٸ زاڭنامالارى مەن نورماتيۆتٸ-قۇقىقتىق اكتٸلەرٸنە سەيكەس قاجەتتٸ تولىققاندى اقپارات الۋعا قاي كەزدە دە قۇقىلى. بۇل جاعدايعا قاتىستى, الماتى قالاسى ەكٸمدٸگٸنٸڭ باسشىلىعى قىزمەتتٸك تەكسەرۋ جٷرگٸزٸپ, تيٸستٸ شارالار قابىلداۋى قاجەت دەپ سانايمىن. كٸنەلٸ تۇلعالار جاۋاپقا تارتىلۋى تيٸس. الداعى ۋاقىتتا قاي جەردە بولماسىن, باق ٶكٸلدەرٸنە قاتىستى بۇنداي كەلەڭسٸز جاعدايلارعا جول بەرٸلمەۋٸ قاجەت», - دەدٸ ايدا بالاەۆا.
ەسكە سالا كەتسەك, الماتى قالاسى الاتاۋ اۋدانى ەكٸمدٸگٸ جاعدايعا قاتىستى تٷسٸنٸكتەمە بەردٸ.
