ٶزبەكستاندا بالاباقشا كٶلٸگٸندە قالىپ قويعان 2 جاستاعى قىز كٶز جۇمدى, دەپ حابارلايدى ult.kz.
ٶزبەكستاننىڭ قاشقادارييا وبلىسىندا قايعىلى وقيعا بولدى. بالاباقشا تەربيەلەنۋشٸسٸ بولعان 2 جاستاعى قىز بٸرنەشە ساعات بويى جابىق كٶلٸكتٸڭ ٸشٸندە قالىپ قويىپ, كٶز جۇمعان
جەرگٸلٸكتٸ اقپارات قۇرالدارىنىڭ مەلٸمەتٸنشە, بالاباقشاعا بالالاردى تاسىمالداعان قىزمەتكەر بٷلدٸرشٸندەردٸڭ تٷگەل تٷسكەنٸن تەكسەرمەگەن. سونىڭ سالدارىنان قىز بالا كٶلٸكتٸڭ ٸشٸندە قالىپ قويعان. كەيٸن كٶلٸك جابىلىپ, كٷننٸڭ ىستىعىندا بٸرنەشە ساعات تۇرعان.
قايعىلى جاعداي قىزدىڭ اتا-اناسى بالاسىن ٸزدەي باستاعان كەزدە انىقتالعان. بٷلدٸرشٸن كٶلٸكتٸڭ ارتقى ورىندىعىنان تابىلعان. دەرٸگەرلەر ونىڭ ٶمٸرٸن ساقتاپ قالا المادى.
وقيعادان كەيٸن قۇقىق قورعاۋ ورگاندارى تەرگەۋ جٷرگٸزٸپ, بالاباقشا باسشىلىعى مەن جاۋاپتى قىزمەتكەرلەردٸڭ ەرەكەتٸنە قۇقىقتىق باعا بەرٸلدٸ. سوت شەشٸمٸمەن مەكەمە باسشىسى كٸنەلٸ دەپ تانىلىپ, باس بوستاندىعىنان ايىرىلعانى حابارلاندى.
