قازاقستاندا بالاباقشاعا كەزەككە تۇرۋ جٷيەسٸن ٶزگەرتۋگە باعىتتالعان ۆاۋچەرلٸك قارجىلاندىرۋ پيلوتى وڭ نەتيجە كٶرسەتٸپ وتىر. جوبا مەملەكەت باسشىسى قاسىم-جومارت توقاەۆتىڭ تاپسىرماسى بويىنشا وقۋ-اعارتۋ مينيسترلٸگٸ ەزٸرلەگەن جاڭا مەحانيزم نەگٸزٸندە ٸسكە اسۋدا, دەپ حابارلايدى ult.kz.
بۇعان دەيٸن مەملەكەتتٸك تاپسىرىس بەلگٸلٸ بٸر بالاباقشاعا بەكٸتٸلٸپ, بيۋدجەت قارجىسى ۇيىمدارعا بٶلٸنەتٸن. مۇنداي تەسٸلدە كەزەكتٸڭ ۇزاق بولۋى, بالاباقشالار اراسىندا بەسەكەلەستٸكتٸڭ تٶمەندٸگٸ جەنە بيۋدجەت قاراجاتىن تيٸمسٸز پايدالانۋ سيياقتى مەسەلەلەر تۋىنداعان.
ۆاۋچەرلٸك جٷيەدە باستى ٶزگەرٸس – قارجى بالاباقشاعا عانا ەمەس, بالانىڭ ٶزٸنە بايلانىستىرىلادى. ياعني بالاعا ۆاۋچەر بەرٸلٸپ, اتا-انا سول ۆاۋچەر ارقىلى بالاباقشاداعى ورنىن تاڭداي الادى. بۇل مەكتەپكە دەيٸنگٸ ۇيىمداردىڭ اتا-انا مەن بالاعا ساپالى قىزمەت ۇسىنۋىنا بەسەكەلەستٸكتٸ ارتتىرادى.
جاڭا جٷيەدە ارنايى تسيفرلىق مەحانيزم دە ەنگٸزٸلگەن. ول ۇسىنىلعان مەلٸمەتتەردٸڭ دۇرىستىعىن تەكسەرٸپ, كٷمەندٸ جاعدايلار مەن زاڭ بۇزۋشىلىقتاردى انىقتاۋعا مٷمكٸندٸك بەرەدٸ. وسىلايشا جالعان كونتينگەنتتٸ تٸركەۋ جەنە بيۋدجەت قاراجاتىن تيٸمسٸز پايدالانۋ تەۋەكەلٸ ازايادى.
قازٸر ۆاۋچەرلٸك قارجىلاندىرۋ پيلوتى 20 قالا مەن 23 اۋداندا جٷزەگە اسىرىلىپ جاتىر. جوباعا شامامەن 6 مىڭ مەكتەپكە دەيٸنگٸ ۇيىم قاتىسادى. وسى ۋاقىتقا دەيٸن 1 ميلليوننان استام ۆاۋچەر بەرٸلگەن.
جاڭا جٷيەنٸڭ نەتيجەسٸندە مەكتەپكە دەيٸنگٸ تەربيەمەن قامتىلعان بالالار سانى ارتقان. ال 2-6 جاستاعى كەزەكتە تۇرعان بالالار سانى 160 مىڭنان 23 مىڭعا دەيٸن ازايعان.
تاعى بٸر ماڭىزدى نەتيجە – بيۋدجەت قاراجاتىنىڭ ٷنەمدەلۋٸ. پيلوت اياسىندا 35 ملرد تەڭگەدەن استام قارجى ٷنەمدەلگەن. ٷنەمدەلگەن قاراجات ەسەبٸنەن قوسىمشا ۆاۋچەرلەر بەرٸلٸپ جاتىر.
وقۋ-اعارتۋ مينيسترلٸگٸنٸڭ مەلٸمەتٸنشە, جاڭا مودەل بالاباقشاعا قابىلداۋ پروتسەسٸنٸڭ اشىقتىعىن ارتتىرىپ, بيۋدجەت قاراجاتىن تيٸمدٸ پايدالانۋعا جەنە مەكتەپكە دەيٸنگٸ ۇيىمدار اراسىنداعى بەسەكەلەستٸكتٸ كٷشەيتۋگە مٷمكٸندٸك بەرەدٸ.
