بالاباقشاعا كەزەككە تۇرعىزۋدى تولىعىمەن ەلەكتروندى فورماتقا اۋىستىرۋ جۇمىسى جىل سوڭىنا دەيٸن اياقتالادى. بۇل تۋرالى بٷگٸنگٸ ٷكٸمەت وتىرىسىندا قر بٸلٸم جەنە عىلىم مينيسترٸ ەرلان ساعاديەۆ ايتتى, دەپ حابارلايدى قازاقپارات تٸلشٸسٸ.
«جاڭا وقۋ جىلىندا 900 مىڭعا جۋىق بالا باراتىن 10300 مەكتەپكە دەيٸنگٸ بٸلٸم بەرۋ ۇيىمى جۇمىس ٸستەيدٸ. بۇل سالادا مەملەكەتتٸك-جەكەشەلٸك ەرٸپتەستٸك ەڭ جاقسى دامىعان. ولاردىڭ ٷلەسٸ بالاباقشالاردىڭ 37 پايىزىن قۇرايدى. بۇل ٶتكەن جىلمەن سالىستىرعاندا 6 پايىزعا ارتىق. تەك سوڭعى التى ايدىڭ ٸشٸندە جاڭا 40 مىڭ ورىن اشىلدى. ونىڭ 31 مىڭى جەكەمەنشٸك. نەتيجەسٸندە 3-6 جاستاعى بالالاردى بالاباقشامەن قامتۋ 93 پايىزعا جەتتٸ», - دەيدٸ مينيستر.
ونىڭ ايتۋىنشا, «بالاپان» باعدارلاماسى ارقىلى بالاباقشاداعى جالپى ورىن سانى حالىقتىڭ سۇرانىسىنان اسىپ كەتكەن.
«بٸراق, بۇل جالپى رەسپۋبليكا بويىنشا ايماقتاردا ديسبالانس ساقتالىپ وتىر. ول ايماقتارداعى جۇمىس دەڭگەيٸ مەن ميگراتسيياعا بايلانىستى. ٸرٸ قالالاردا, ەسٸرەسە الماتى مەن استانا قالالارىندا جەتٸسپەۋشٸلٸك بار. ەندٸگٸ ماڭىزدى جۇمىس - بالاباقشاعا كەزەككە تۇرۋ جەنە جولداما بەرۋدٸ تولىعىمەن ەلەكتروندى فورماتقا اۋىستىرۋ. سوندا كەزەك جارييا تٷردە جەنە تەز جىلجيتىن بولادى. بۇل جۇمىس وسى جىلدىڭ اياعىنا دەيٸن بارلىق وبلىستاردا اياقتالۋى تيٸس», - دەيدٸ ول.
ەرلان ساعاديەۆ جاڭا وقۋ جىلىنا دايىندىق بارىسىندا ەكٸمدٸكتەردٸڭ بيۋدجەتٸ ارقىلى 99 بالاباقشاعا كٷردەلٸ جٶندەۋ جٷرگٸزٸلٸپ جاتقانىن ايتادى. ونىڭ 72-ٸ اياقتالىپ قويعان. 31 تامىزعا دەيٸن قالعان بالاباقشالاردىڭ بارلىعىن جٶندەۋ جۇمىستارى سوڭىنا جەتكٸزٸلمەك. جالپى, جەرگٸلٸكتٸ بيۋدجەت قارجىسى ەسەبٸنەن كٷردەلٸ جەنە اعىمداعى جٶندەۋگە بالاباقشالارعا 1 ملرد 300 ملن تەڭگە قاراجات كٶزدەلگەن. مينيستردٸڭ سٶزٸنە سەنسەك, ەكٸمدٸكتەردٸڭ اقپاراتىنا سەيكەس, بالاباقشالار جاڭا وقۋ جىلىنا دايىن.
