وڭتٷستٸك قازاقستان مەن قىزىلوردا وبلىستارىندا جاڭبىر جاۋىپ, ٶزەندەر ارنالارىنان اسۋى مٷمكٸن. بۇل تۋرالى ٷكٸمەتتٸڭ سەلەكتورلىق رەجٸمدەگٸ وتىرىسىن اشقان پرەمەر-مينيستر باقىتجان ساعىنتاەۆ ايتتى, دەپ حابارلايدى قازاقپارات.
«ٶزدەرٸڭٸز كٶرٸپ وتىرعانداي, اۋا رايى ٶتە قۇبىلمالى بولىپ وتىر. تەك سوڭعى اپتانىڭ ٶزٸندە استانا قالاسىندا, اقمولا, پاۆلودار, اقتٶبە, قوستاناي جەنە باسقا دا وبلىستاردا كٷن رايى كٷرت بۇزىلىپ, بٸرنەشە رەت الدىن الا ەسكەرتۋ جارييالاندى. مەلٸمەتتەر بويىنشا الداعى كٷندەرٸ وڭتٷستٸك قازاقستان مەن قىزىلوردا وبلىستارىندا دا جاڭبىر جاۋىپ, ٶزەندەر ارناسىنان اسۋى مٷمكٸن. شىعىس قازاقستان وبلىسىندا دا جاۋىن-شاشىن بولاتىنى كٷتٸلۋدە. بٷگٸنگٸ كٷنٸ شىعىستا جاڭبىر جەنە تاۋدان اققان سۋ ەلدٸ مەكەندەردٸ باسىپ قالدى», - دەدٸ ٷكٸمەت باسشىسى.
وسى رەتتە باقىتجان ساعىنتاەۆ ٶڭٸردەگٸ جاعداي بويىنشا جەنە قابىلدانعان شارالار تۋرالى شىعىس قازاقستان وبلىسىنىڭ ەكٸمٸ دانيال احمەتوۆكە سٶز بەردٸ.
احمەتوۆتٸڭ ايتۋىنشا, شىعىستا بيىل تٷسكەن جاۋىن-شاشىن كٶلەمٸ تٶمەن بولعانىمەن, جەر توڭى ٶتكەن جىلمەن سالىستىرعاندا 2 ەسە قالىڭ بولىپ وتىر. بۇعان قوسا, ٶزەندەردە قاتقان مۇزدىڭ قالىڭدىعى كەي جەرلەردەن 1 مەتردەن اسىپ جىعىلعان.
«ناۋرىزدىڭ 1-ٸنەن 25-ٸنە دەيٸنگٸ ارالىقتا جاۋعان جاڭبىر قالىپتى نورمادان 3 ەسە ارتىق بولدى. بٷگٸنگٸ كٷنگٸ جاعداي بويىنشا وبلىستا ٷيلەردٸ سۋ باسۋدىڭ 481 فاكتٸسٸ تٸركەلدٸ. قازٸرگٸ كەزدە 175 ٷيدە ەلٸ سۋ بار. 628 ٷي مەن 110 ساياجايدىڭ اۋلاسىنا سۋ كٸردٸ. وسىعان وراي جوعارى دەڭگەيلٸ دايىندىق رەجٸمٸ ٶسكەمەن جەنە سەمەي قالاسىندا, جارما, زىريان, كٷرشٸم, قاتونقاراعاي, ۇلان اۋداندارىندا ەنگٸزٸلدٸ. وبلىستىڭ ٷش اۋدانىندا اياگٶز, گلۋبوكوە, شەمونايحادا تابيعي سيپاتتاعى تٶتەنشە جاعداي جارييالاندى», - دەدٸ وبلىس باسشىسى.
