باقىتجان ساعىنتاەۆ ماڭعىستاۋ كەسٸپكەرلەرٸمەن كەزدەستٸ

قر پرەمەر-مينيسترٸ باقىتجان ساعىنتاەۆ ماڭعىستاۋ وبلىسىنا جۇمىس ساپارى اياسىندا «اتامەكەن» ۇكپ ٶڭٸرلٸك كەڭەسٸنٸڭ مٷشەلەرٸمەن كەزدەسۋ ٶتكٸزدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ. 

وندا شارا قاتىسۋشىلارى مەملەكەتتٸك-جەكەشەلٸك ەرٸپتەستٸكتٸ دامىتۋ, نەسيە رەسۋرستارىنىڭ قولجەتٸمدٸلٸگٸن ارتتىرۋ, تۋريستٸك سالاعا قولداۋ كٶرسەتۋدٸڭ مەملەكەتتٸك باعدارلاماسىن ەزٸرلەۋ, سونداي-اق, ٶڭٸردە اۋىل شارۋاشىلىعىن دامىتۋ ٷشٸن سۋارۋعا ارنالعان سۋمەن قامتاماسىز ەتۋ مەسەلەلەرٸن تالقىلادى.

ٶڭٸردٸڭ بيزنەس قاۋىمداستىعى تاراپىنان ٶڭٸرلٸك كەڭەستٸڭ تٶراعاسى, «زاپكازترانزيت» اق ديرەكتورلار كەڭەسٸنٸڭ تٶراعاسى جاڭاباي سٷيٸندٸكوۆ, «قازتەڭٸزترانسفلوت» كومپانيياسىنىڭ باس ديرەكتورى مارات ورمانوۆ, ماڭعىستاۋ وبلىسى تۋريزم قاۋىمداستىعىنىڭ تٶراعاسى, «كاسپيي حولدينگ» جشس ديرەكتورى ۆيكتور كوح, «اگروروست» فەرمەرلەر قاۋىمداستىعىنىڭ تٶرايىمى نۇرسەۋلە جيەنباەۆا, «زامان جەنە ك» جشس جەنە «ساليۋت جەنە ك» جشس ديرەكتورى حاجەدەن يزمايلوۆ, «اقتاۋ حالىقارالىق ەۋەجايى» اق اتقارۋشى ديرەكتورى ەرعازى جولداسوۆ, «كەزبي» جشس ديرەكتورى بٸتٸم كەزباەۆ, «deSali design territory studio» جشس جەنە «Coffee&People» جشس ديرەكتورى سەۋلە سالىحوۆا جەنە «قازازوت» اق «شاعىرلى-شٶمٸشتٸ» بٶلٸمشەسٸنٸڭ ديرەكتورى ابزال مەڭدٸباەۆ سٶز سٶيلەدٸ.

قر مەدەنيەت جەنە سپورت مينيسترٸ ارىستانبەك مۇحامەديۇلى, قر ينۆەستيتسييالار جەنە دامۋ مينيسترٸ جەڭٸس قاسىمبەك كٶتەرٸلگەن مەسەلەلەرگە قاتىستى تٷسٸنٸكتەمە بەرٸپ ٶتتٸ.

باقىتجان ساعىنتاەۆ قر ٷكٸمەتٸ ەلٸمٸزدٸڭ بيزنەس احۋالىن جاقسارتىپ, وتاندىق بيزنەستٸ دامىتۋ ٷشٸن قولايلى جاعدايلار جاساۋ جولىندا جٷيەلٸ نەگٸزدە جۇمىستار جٷرگٸزٸپ جاتقانىن اتاپ ٶتتٸ. بيزنەستٸ قايتا رەتتەۋ بويىنشا بەلسەندٸ شارالار قابىلدانىپ جاتىر, بٷگٸندە بيزنەسكە رۇقسات قۇجاتتاماسىنىڭ سانى شامامەن ٷش ەسەگە قىسقارتىلدى.

سونداي-اق, تٷرلٸ ەسەپتەمەلەر مەن مەلٸمدەمەلەردٸڭ, نەگٸزسٸز سالىق تەكسەرۋلەرٸنٸڭ سانىن قىسقارتۋ بويىنشا جۇمىستار جالعاستىرىلىپ جاتىر. بۇدان ٶزگە, بيزنەستٸڭ مەملەكەتتٸك ساتىپ الۋلارعا جەنە كۆازيمەملەكەتتٸك سەكتور ساتىپ الۋلارىنا قولجەتٸمدٸلٸگٸن ارتتىرۋ بويىنشا كٶلەمدٸ جۇمىستار جٷرگٸزٸلدٸ, ەلٸمٸزدٸڭ ەربٸر جٷيە قۇراۋشى كەسٸپورنى بويىنشا جەرگٸلٸكتٸ قامتۋ كٶلەمٸن ۇلعايتۋدىڭ ماقساتتى ينديكاتورلارىن ورناتۋ جۇمىستارى باستاۋ الدى.

قارجىلىق قولداۋ كٶرسەتۋ شارالارى تۋرالى ايتار بولساق, قازٸرگٸ تاڭدا مەملەكەت ٶنٸمدٸ جۇمىسپەن قامتۋ جەنە جاپپاي كەسٸپكەرلٸكتٸ دامىتۋ باعدارلاماسىن ٸسكە اسىرىپ جاتىر, ونىڭ اياسىندا تيٸمدٸ مٶلشەرلەمە بويىنشا 18 ملن تەڭگەگە دەيٸن شاعىن نەسيەلەر بەرٸلەدٸ.

ٷكٸمەتتٸڭ وتاندىق بيزنەستٸ دامىتۋ بويىنشا كەشەندٸ جۇمىسى ودان ەرٸ جالعاسىن تاپپاق, سەبەبٸ, مەملەكەت باسشىسىنىڭ تاپسىرمالارىنا سەيكەس جٸٶ-نٸڭ جالپى كٶلەمٸندەگٸ شوب-تٸڭ ٷلەسٸ 2050 جىلعا قاراي 50%-دان كەم بولماۋى تيٸس.