وتباسى بانك «باقىتتى وتباسى» يپوتەكالىق تۇرعىن ٷي باعدارلاماسى بويىنشا ٶتٸنٸم قابىلداۋدى باستادى, دەپ حابارلايدى قازاقپارات بنكتٸڭ باسپاسٶز قىزمەتٸنە سٸلتەمە جاساپ.
«باقىتتى وتباسى» باعدارلاماسىنا قاتىسۋ تۋرالى ٶتٸنٸم otbasybank.kz پلاتفورماسىندا 20 ماۋسىم مەن 19 شٸلدە (قوسا العاندا) ارالىعىندا قابىلدانادى. ول ٷشٸن وتباسى بانك كليەنتٸ بولۋ قاجەت جەنە اۋتەنتيفيكاتسييا كودىن الۋ ٷشٸن قولدا ۇيالى تەلەفون بولۋى كەرەك. قوسىمشا انىقتامالار مەن قۇجاتتار قاجەت ەمەس. جٷيە ٷمٸتكەردٸڭ دەرەكتەرٸن تەكسەرٸپ, ٶتٸنٸش قالىپتاستىرادى.
باعدارلاماعا قاتىسۋ ٷشٸن جەرگٸلٸكتٸ ورگاندا تۇرعىن ٷي كەزەگٸندە تۇرۋ قاجەت. ٶتٸنٸم بەرە الاتىن ساناتتار:
- كٶپبالالى وتباسى;
- مٷمكٸندٸگٸ شەكتەۋلٸ بالا تەربيەلەپ وتىرعان وتباسى;
- تولىق ەمەس وتباسى (نەكە بۇزىلعان سەتتەن باستاپ كەمٸندە 3 جىل ٶتۋٸ كەرەك).
بانكتەن مەلٸم ەتكەندەي, «باقىتتى وتباسى» باعدارلاماسى بويىنشا 2021 جىلى ٶتٸنٸم بەرگەن, الايدا باسپانا الماعان ازاماتتار بيىل ٶتٸنٸمدٸ قايتا بەرۋٸ قاجەت.
ٶتٸنٸم قابىلداۋ اياقتالعاننان كەيٸن قاتىسۋشىلاردىڭ نەگٸزگٸ جەنە رەزەرۆتٸك تٸزٸمدەرٸ اۆتوماتتى تٷردە قالىپتاستىرىلادى. تٸزٸمدەرگە بٶلۋ كەزٸندە قاتىسۋشىلاردىڭ جەرگٸلٸكتٸ ەكٸمدٸكتە كەزەككە تۇرۋ كٷنٸ مەن ساناتى ەسكەرٸلەدٸ. كونكۋرس نەتيجەلەرٸن otbasybank.kz پورتالىنان كٶرۋگە بولادى.
«2022 جىلى «باقىتتى وتباسى» باعدارلاماسى بويىنشا 5 مىڭنان استام وتباسىعا نەسيە بەرۋدٸ جوسپارلاپ وتىرمىز. قازٸردٸڭ ٶزٸندە وتباسى بانككە 51 ملرد تەڭگە كٶلەمٸندە قاراجات تٷستٸ. بيىل ليميتتەردٸ باعدارلاماعا قاتىسۋشىلار اراسىندا بٶلۋ كەزٸندە باسىمدىق ٶتكەن جىلداعىداي, مٷمكٸندٸگٸ شەكتەۋلٸ بالالاردى تەربيەلەپ وتىرعان وتباسىلارعا بەرٸلەدٸ», - دەپ تٷسٸندٸردٸ «وتباسى بانك» اق باسقارما تٶرايىمى لەززات يبراگيموۆا.
ايتا كەتەيٸك, بٷگٸنگە دەيٸن «باقىتتى وتباسى» باعدارلاماسىمەن 14 500 قازاقستاندىق وتباسى قونىس تويىن تويلادى. تاعى 326 قاتىسۋشىنىڭ نەسيە الۋ تۋرالى ٶتٸنٸمٸ ماقۇلداندى, ولار قازٸر باسپانا ٸزدەۋدە.
«باقىتتى وتباسى» باعدارلاماسى تالاپتارىنىڭ بٸرٸ: ازاماتتاردىڭ كٸرٸسٸ تەكسەرٸلەدٸ. سوڭعى التى ايدا وتباسىنىڭ ەربٸر مٷشەسٸنە شاققاندا تابىس ەڭ تٶمەنگٸ كٷنكٶرٸس دەڭگەيٸنٸڭ 3,1 ەسەلەنگەن مٶلشەرٸنەن اسپاۋى كەرەك (2022 جىلى كم 37 389 تەڭگە, سەيكەسٸنشە بٸر وتباسى مٷشەسٸنە شاققانداعى تابىس 115 905 تەڭگەدەن اسپاۋى تيٸس).
نەسيە سوماسىنىڭ 10% تەڭ باستاپقى جارنا بولعان جاعدايدا, جىلدىق 2% مٶلشەرلەمەمەن جەڭٸلدەتٸلگەن زاەم بەرٸلەدٸ. نەسيە مەرزٸمٸ 20 جىلعا دەيٸن.
وتباسى جەرگٸلٸكتٸ ەكٸمدٸكتەر ارقىلى سالىنعان تۇرعىن ٷيدٸ نەمەسە باستاپقى جەنە ەكٸنشٸ نارىقتاعى كەز كەلگەن پەتەردٸ ساتىپ الا الادى. سونىمەن قاتار جەكە ٷي ساتىپ الۋعا دا رۇقسات ەتٸلەدٸ. نەسيەنٸڭ ەڭ جوعارى سوماسى نۇر-سۇلتان, الماتى قالالارىندا جەنە ولاردىڭ ماڭىنداعى اۋداندارىندا, شىمكەنت, اقتاۋ, اتىراۋدا 15 ملن تەڭگەگە دەيٸن جەنە باسقا ٶڭٸرلەردە 10 ملن تەڭگەگە دەيٸن. جىلجىمايتىن مٷلٸك قارىز الۋشى تۇرعىن ٷي كەزەگٸندە تۇرعان ايماقتان ساتىپ الىنۋى تيٸس.
