Otbasy bank «Baqytty otbasy» ipotekalyq turǵyn úi baǵdarlamasy boiynsha ótinim qabyldaýdy bastady, dep habarlaidy QazAqparat bnktiń baspasóz qyzmetine silteme jasap.
«Baqytty otbasy» baǵdarlamasyna qatysý týraly ótinim otbasybank.kz platformasynda 20 maýsym men 19 shilde (qosa alǵanda) aralyǵynda qabyldanady. Ol úshin Otbasy bank klienti bolý qajet jáne aýtentifikatsiia kodyn alý úshin qolda uialy telefon bolýy kerek. Qosymsha anyqtamalar men qujattar qajet emes. Júie úmitkerdiń derekterin tekserip, ótinish qalyptastyrady.
Baǵdarlamaǵa qatysý úshin jergilikti organda turǵyn úi kezeginde turý qajet. Ótinim bere alatyn sanattar:
- kópbalaly otbasy;
- múmkindigi shekteýli bala tárbielep otyrǵan otbasy;
- tolyq emes otbasy (neke buzylǵan sátten bastap keminde 3 jyl ótýi kerek).
Bankten málim etkendei, «Baqytty otbasy» baǵdarlamasy boiynsha 2021 jyly ótinim bergen, alaida baspana almaǵan azamattar biyl ótinimdi qaita berýi qajet.
Ótinim qabyldaý aiaqtalǵannan keiin qatysýshylardyń negizgi jáne rezervtik tizimderi avtomatty túrde qalyptastyrylady. Tizimderge bólý kezinde qatysýshylardyń jergilikti ákimdikte kezekke turý kúni men sanaty eskeriledi. Konkýrs nátijelerin otbasybank.kz portalynan kórýge bolady.
«2022 jyly «Baqytty otbasy» baǵdarlamasy boiynsha 5 myńnan astam otbasyǵa nesie berýdi josparlap otyrmyz. Qazirdiń ózinde Otbasy bankke 51 mlrd teńge kóleminde qarajat tústi. Biyl limitterdi baǵdarlamaǵa qatysýshylar arasynda bólý kezinde basymdyq ótken jyldaǵydai, múmkindigi shekteýli balalardy tárbielep otyrǵan otbasylarǵa beriledi», - dep túsindirdi «Otbasy bank» AQ Basqarma Tóraiymy Lázzat Ibragimova.
Aita keteiik, búginge deiin «Baqytty otbasy» baǵdarlamasymen 14 500 qazaqstandyq otbasy qonys toiyn toilady. Taǵy 326 qatysýshynyń nesie alý týraly ótinimi maquldandy, olar qazir baspana izdeýde.
«Baqytty otbasy» baǵdarlamasy talaptarynyń biri: azamattardyń kirisi tekseriledi. Sońǵy alty aida otbasynyń árbir múshesine shaqqanda tabys eń tómengi kúnkóris deńgeiiniń 3,1 eselengen mólsherinen aspaýy kerek (2022 jyly KM 37 389 teńge, sáikesinshe bir otbasy múshesine shaqqandaǵy tabys 115 905 teńgeden aspaýy tiis).
Nesie somasynyń 10% teń bastapqy jarna bolǵan jaǵdaida, jyldyq 2% mólsherlememen jeńildetilgen zaem beriledi. Nesie merzimi 20 jylǵa deiin.
Otbasy jergilikti ákimdikter arqyly salynǵan turǵyn úidi nemese bastapqy jáne ekinshi naryqtaǵy kez kelgen páterdi satyp ala alady. Sonymen qatar jeke úi satyp alýǵa da ruqsat etiledi. Nesieniń eń joǵary somasy Nur-Sultan, Almaty qalalarynda jáne olardyń mańyndaǵy aýdandarynda, Shymkent, Aqtaý, Atyraýda 15 mln teńgege deiin jáne basqa óńirlerde 10 mln teńgege deiin. Jyljymaityn múlik qaryz alýshy turǵyn úi kezeginde turǵan aimaqtan satyp alynýy tiis.
