كەشە تەلەارنانى تەرٸپ قاراپ وتىرىپ, مەجٸلٸس دەپۋتاتى باقىتبەك سماعۇلدىڭ بٸر ۇسىنىسىن كٶزٸمٸز شالىپ قالىپ, شايىمىزعا شاشالىپ قالدىق. سەبەبٸ, كەشە عانا ۋلاپ-شۋلاپ جٷرٸپ, قارسىلاسقانداردىڭ ٷنٸن ٶشٸرە وتىرىپ, قۇرىلعان ەۋرازييالىق ەكونوميكالىق وداقتىڭ ٶمٸرگە كەلگەن كٷنٸ 29 مامىردى «ەۋرازييالىق ىقپالداستىق كٷنٸ» رەتٸندە مەرەكەلەر تٸزٸمٸنە ەنگٸزۋدٸ سۇراپ وتىر عوي دەپۋتات.
بٸرٸنشٸدەن, دەل وسى كٷندٸ, قۇرىلعانى كەشە عانا بولعان, باياندىلىعى سەنٸمسٸز, ەلباسىمىز ٷلكەن ٷمٸتپەن وداقتىڭ قۇرىلۋىنا باستاماشى بولسا دا, قازاق ەكونوميكاسىن ەلسٸرەتٸپ كەلە جاتقان ەەو كٷنٸن مەرەكەگە اينالدىرۋدى ۇسىنىس جاسايدى دەپ دەپۋتاتتاردان ەشكٸم كٷتكەن جوق. دەل قازٸر بۇل وداقتان رەسەيدەن باسقا ەلدەردٸڭ بەرٸ زييان شەگٸپ جاتقانى انىق. بەلورۋسسييانىڭ باتىر پرەزيدەنتٸ لۋكاشەنكونىڭ “بۇنداي زييانكەس وداعىڭنىڭ كەرەگٸ جوق, شىعامىن”-دەپ شالا بٷلٸنگەنٸ كەشە عانا ەمەس…
ەكٸنشٸدەن, بۇنداي ۇلتتىق تەۋەلسٸزدٸگٸمٸزگە كٷش بەرەتٸن ەمەس, كٷمەن تۋدىرا باستاعان كٷندٸ مەرەكە ەتۋدٸ باسقا-باسقا ەمەس, ٶزٸ اقىن بولعاندىقتان جانىمىزعا جاقىن تارتاتىن باقىتبەك سماعۇل باۋىرىمىز جاسايدى دەپ تٸپتٸ, ٷش ۇيىقتاساق, تٷسٸمٸزگە كٸرگەن جوق…
ٷشٸنشٸدەن, ەۋرازييالىق ەكونوميكالىق وداقتان تالاي جىل بۇرىن قۇرىلىپ, بۇرىن بٸر-بٸرٸنە بودان بولماعان تەڭ (!) مەملەكەتتەردٸڭ قۇرىلعان كٷنٸن وسى ەلدەردٸڭ قايسىسى الاقايلاپ, مەرەكەگە اينالدىرعانىن ەستٸمەپپٸن?!. مەرەكەلەمەك تٷگٸلٸ ەۋروداقتاعى ەڭ بەدەلدٸ ەل ۇلىبتريتانييا وداقتان شىعۋعا شەشٸم قابىلدادى. ٷلگٸ الارلىق ٷردٸس.
تٶرتٸنشٸدەن, ەندٸ ەل سەنگەن, تٸلٸ, دٸلٸ قازاقى دەپۋتاتىمىز وسىنداي ۇسىنىس جاساپ وتىرسا, وندا ەرتەڭ تٸلٸ تٷگٸل تەگٸن دۇرىس قازاقشا جازا المايتىن بٸر دەپۋتاتىمىز كەڭەس وداعىنىڭ قۇرىلعان كٷنٸن, كەڭەستٸك قىزىل ارمييانىڭ كٷنٸ – 23 اقپاندى, كومسومولدار كٷنٸ -29 قازاندى (جاقىنداپ قالىپتى, بەكەر ايتتىم-اۋ دەيمٸن) مەرەكەلەۋدٸ «قايتا قالپىنا كەلتٸرە سالايىق, اقىر سول قىزىل يمپەرييا تٸلٸمەن سٶيلەپ جٷرمٸز, كەڭەس وداعى بولماعاندا نەمٸز قالدى»-دەپ شىقپاسىنا كٸم كەپٸل?
بٸز, تٸپتٸ, تۇڭعىش پرەزيدەنت كٷنٸن 23 جىلدان سوڭ, كەشە عان ەنگٸزگەن جوقپىز با مەرەكەلەر تٸزٸٸمنە… ەكٸ جىل ەندٸ بولعان ەۋرازييالىق ەكونوميكالىق وداق كٷنٸن مەرەكەلەيتٸندەي جانىمىزعا نە كٶرٸندٸ باقىتبەك مىرزا!.. ەگەر سٸزگە بٸرەۋ وسىنداي ۇسىنىس جاساپ, كٶندٸرسە, ونداي «دوسىڭىز» بولسا, جاۋدىڭ كەرەگٸ جوق سٸزگە دە, ەلگە دە…
«باقساق, باقا ەكەن» دەگەندەي, بۇل قايدان شىقتى دەسەك, اباي.كز سايتىندا نۇرگەلدٸ ٸنٸم “باقىتبەك نەنٸ بىلىقتىرىپ جٷر?”-دەپ, شىرىلداعانداي, اۋىت مۇقيبەك 18 قاراشانى «ۇلتتىق كٶشٸ-قون» كٷنٸ ەتۋدٸ سۇراپ كەلٸپ, ونى باقىتبەك سماعۇل مىرزا ٷكٸمەت باسشىسىنا جولداپتى. ٶتە دۇرىس! جاساي بەرٸڭٸز, باقىتبەك مىرزا! اۋ, بٸراق اۋىتتىڭ ايتقانىنان اۋىت كەتۋدٸڭ, اۋىپ كەتۋدٸڭ نە كەرەگٸ بولدى? ەل ٸشٸندە ەجەپتەۋٸر ابىرويىڭىز بار, بەدەلٸڭٸز بار دەپۋتات, قالام ۇستاعان قايراتكەر ەمەس پە ەدٸڭٸز?
بۇعان ەندٸ نە دەيمٸز?
بۇدان كەيٸن دەپۋتاتتار ساۋال جاساسا, قورقىپ وتىراتىن بولدىق…
قازىبەك يسا
Qazaquni.kz
