ساۋدا جەنە ينتەگراتسييا مينيسترٸ باقىت سۇلتانوۆ ايماقتارداعى تۇراقتاندىرۋ قورلارىنىڭ جۇمىسى بويىنشا جەرگٸلٸكتٸ اتقارۋشى ورگانداردىڭ جاۋاپكەرشٸلٸگٸ بىلتىردان قاراعاندا سالماقتى بولاتىنىن ەسكە سالدى, دەپ حابارلايدى قازاقپارات.
«ايماقتارداعى تۇراقتاندىرۋ قورلارى تۋرالى ايتار بولساق, جەرگٸلٸكتٸ اتقارۋشى ورگاندار تاۋسىلۋى مٷمكٸن ازىق-تٷلٸك تٷرلەرٸ بويىنشا مەسەلەنٸ ۋاقتىلى شەشۋٸ تيٸس. جەرگٸلٸكتٸ اتقارۋشى ورگاندار بۇل رەتتە ازىق-تٷلٸك تٷرلەرٸنە تالداۋ جاساۋى كەرەك. قاجەتتٸلٸگٸ جوعىن ساتىپ الۋدىڭ كەرەگٸ جوق. اۋىل شارۋاشىلىعى مينيسترٸ ايتقانداي, كەي كەزدە ٶندٸرٸس پەن سۇرانىستىڭ ارا-جٸگٸ ۇزارىپ كەتەدٸ», - دەدٸ باقىت سۇلتانوۆ وكق-دا ٶتكەن باسپاسٶز مەسليحاتىندا.
ونىڭ ايتۋىنشا, بىلتىر قاراقۇمىق تاپشىلىعى تۋىنداپ, كەيبٸر ٶڭٸردٸڭ بيلٸگٸ نارىقتاعى بۇل ترەندتەر مەن ٶزگەرٸستەردٸ بايقاماي قالعان.
«تۇراقتاندىرۋ قورلارى بويىنشا جەرگٸلٸكتٸ اتقارۋشى ورگاندار جۇمىس جٷرگٸزۋدە. بۇل رەتتە ولاردا جاۋاپكەرشٸلٸك بار. بىلتىر توعىز ايدىڭ قورىتىندىسى بويىنشا التى ٶڭٸردە بۇل مەسەلەنٸ جەتكٸلٸكتٸ دەڭگەيدە باقىلاۋعا الماعان ەكٸمدەردٸڭ ورىنباسارلارى جازالانعان ەدٸ. بيىل جاۋاپكەرشٸلٸك جٷگٸ ودان دا سالماقتى», - دەدٸ ول.
ەسكە سالا كەتسەك, بۇعان دەيٸن اتالمىش باسپاسٶز مەسليحاتىندا باقىت سۇلتانوۆ كوروناۆيرۋس ينفەكتسيياسىنا بايلانىستى سۋپەرماركەتتەر مەن بازارلاردا تۋىنداعان دٷربەلەڭگە بايلانىستى قازاقستاندىقتاردى سابىرعا شاقىرعان بولاتىن.
