مەملەكەتتٸك ساتىپ الۋ جٷيەسٸن تولىق اۆتوماتتاندىرۋدىڭ نەتيجەسٸندە 130 ملرد. تەڭگە ٷنەمدەلدٸ. بۇل تۋرالى بٷگٸن ٷكٸمەت وتىرىسىندا قر قارجى مينيسترٸ باقىت سۇلتانوۆ مەلٸم ەتتٸ, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
«مەملەكەتتٸك ساتىپ الۋ جٷيەسٸن تولىقتاي اۆتوماتتاندىرۋ ەلەكتروندى كامەرالى باقىلاۋدىڭ قۇرىلۋىنا تٷرتكٸ بولدى. ەندٸگٸ ۋاقىتتا ول نىسانعا بارماستان, ۆەب-پورتال ارقىلى ونلاين-رەجٸمدە جٷزەگە اسىرىلادى. اتالعان شارالار بٸر كونكۋرسقا قاتىسۋشىلاردىڭ سانىن شامامەن 4 ەسەگە 1-2-دەن 4-كە دەيٸن ارتتىرۋعا جەنە ٷنەمدٸ ٷش ەسە ۇلعايتىپ, 43 ملرد. تەڭگەدەن 130 ملرد. تەڭگەگە دەيٸن جەتكٸزۋگە مٷمكٸندٸك بەردٸ», - دەپ اتاپ ٶتتٸ ول.
دەگەنمەن, مينيستر مەملەكەتتٸك ساتىپ الۋ سالاسىندا شەشٸلمەگەن بٸرقاتار پروبلەمانىڭ قالىپ وتىرعاندىعىن دا جاسىرمادى.
«بٸرٸنشٸ كەزەكتە, بۇل بٸر كٶزدەن ساتىپ الۋ ٷلەسٸنٸڭ كٶلەمدٸ بولۋىنا قاتىستى. بۇل جەمقورلىق كٶرٸنٸستەرٸ تەۋەكەلدەرٸنە تٷرتكٸ بولادى. مەسەلەن, 2014 جىلى جالپى كٶلەمدەگٸ مۇنداي ساتىپ الۋ ٷلەسٸ 79 پروتسەنتتٸ, 2015 جىلى 75 پروتسەنتتٸ, 2016 جىلى 69 پروتسەنتتٸ قۇرادى. بۇعان قوسا, اتالعان بٸر كٶزدەن ساتىپ الۋدىڭ 69 پروتسەنتٸ زاڭمەن كٶزدەلگەن نەگٸز بويىنشا ساتىپ الۋلاردىڭ ٷلەسٸنە تيەسٸلٸ. بۇعان دەيٸن مۇنداي ساتىپ الۋلار زاڭ نورماسىن قولدانباي جٷرگٸزٸلەتٸن. قازٸر بۇل ەدٸستٸڭ بارلىق پروتسەدۋرالارى پورتالدا رەسٸمدەلەدٸ. بۇل ولارعا مونيتورينگ جٷرگٸزۋگە مٷمكٸندٸك بەرەدٸ. قالعان 30 پروتسەنتٸ كونكۋرستىڭ ٶتپەۋٸ نەتيجەسٸندە تاڭداپ الىنعان بٸر كٶزدەن ساتىپ الۋلارعا تيەسٸلٸ. دەل وسى بٸر كٶزدەن ساتىپ الۋ تٷرٸ جەمقورلىق تەۋەكەلگە بارىنشا بەيٸم», - دەدٸ سۇلتانوۆ.
ونىڭ ايتۋىنشا, ٶتكٸزٸلمەگەن كونكۋرستاردىڭ نەگٸزگٸ ٷلەسٸ قۇرىلىس جۇمىستارمەن بايلانىستى. جالپى مۇنداي بٸر كونكۋرسقا 7-8 كومپانييا قاتىسادى. دەگەنمەن, قۇرىلىستاعى ساتىپ الۋلار ٶتٸنٸمدەرٸنٸڭ كەرٸ قايتارىلۋىنىڭ باستى سەبەبٸ جوبالىق-سمەتالىق قۇجاتتارعا بايلانىستى.
«تاعى دا بٸر ماڭىزدى پروبلەما ساتىپ الۋلارعا قاتىسۋشىلاردىڭ باسىم بٶلٸگٸنٸڭ بٸلٸكتٸلٸكتەرٸنٸڭ تٶمەندٸگٸ بولىپ وتىر. بۇل ساپاسىز تاۋارلار, جۇمىستار مەن قىزمەتتەردٸ ساتىپ الۋعا سەبەپ. اتالعان پروبلەمانى الدىن الا بٸلٸكتٸلٸكتٸك ٸرٸكتەۋ ينستيتۋتىن كەڭٸنەن پايدالانۋ ارقىلى شەشۋگە بولادى. قازٸرگٸ ۋاقىتتا مەملەكەتتٸك ساتىپ الۋلارداعى مۇنداي تەسٸل بٸرٸنشٸ ساناتتاعى كٷردەلٸ قۇرىلىستاردا عانا قاراستىرىلعان. سوندىقتان ساتىپ الۋدىڭ وسى تەسٸلٸ ارقىلى ساتىپ الىناتىن تاۋارلار, قىزمەتتەر مەن جۇمىستاردىڭ تٸزٸمٸن كەڭەيتۋ جۇمىستارىن جٷرگٸزۋدەمٸز», - دەدٸ مينيستر.
