تانىمال قازاقستاندىق ەرتٸس, حالىقارالىق بايقاۋلاردىڭ گران-پري يەگەرٸ, «استانا وپەرانىڭ» جەتەكشٸ سوليسٸ باقتييار ادامجان 24 ناۋرىز كٷنٸ مەملەكەتتٸك كرەمل سارايىندا ٶنەر كٶرسەتتٸ (رەسەي, مەسكەۋ). «قولتاڭبا مەن بەدەل» جوباسىنىڭ اياسىندا اتى اڭىزعا اينالعان ەرتٸس رۋدولف نۋرەەۆتٸڭ قۇرمەتٸنە وراي دارىندى بيشٸ ەرٸ بالەتمەيستەردٸڭ 80 جىلدىعىنا «رۋدولف نۋرەەۆ. ٶتكەننەن بولاشاققا» اتتى ەلەمدٸك بالەت جۇلدىزدارىنىڭ گالا-كونتسەرتٸ ۇسىنىلدى.
وسى كەشتە ب.ادامجان «ەسمەرالدا» بالەتٸنەن (تس.پۋني مۋزىكاسى, ا.ۆاگانوۆانىڭ حورەوگرافيياسى) «ديانا مەن اكتەون» پا-دە-دەسٸ مەن «پاريج قۇداي اناسىنىڭ سوبورى» بالەتٸنەن (م.جارر مۋزىكاسى, ر.پەتيدٸڭ حورەوگرافيياسى) «كۆازيمودو مەن ەسمەرالدا» اداجيوسىن ورىندادى. ونىڭ ساحناداعى ەرٸپتەسٸ قازاقستاننىڭ ەڭبەك سٸڭٸرگەن قايراتكەرٸ, «استانا وپەرانىڭ» جەتەكشٸ سوليسٸ مەدينا باسباەۆا بولدى. مەسكەۋلٸك كٶرەرمەن قازاقستاندىق جۇپتى شاتتىقپەن قارسى الىپ, ەر نٶمٸرٸنەن كەيٸن ىستىق ىقىلاسقا بٶلەدٸ.
ەسكە سالار بولساق, وسى رٶلدەردٸ بٸر كەزدەرٸ رۋدولف نۋرەەۆ اسقان شەبەرلٸكپەن ورىنداعان ەدٸ. ول حح عاسىردىڭ ەڭ جارقىن بيشٸسٸ بولدى. دەل نۋرەەۆتٸڭ ٶزٸ ەرلەر بيٸ سالاسىندا ناعىز رەۆوليۋتسييا جاساعان بولاتىن. ول كٶزٸ تٸرٸسٸندە كلاسسيكالىق بالەتتە دە, سونىمەن قاتار زاماناۋي حورەوگرافييادا دا بٸردەي قالىپتا قالا وتىرىپ, اتى اڭىزعا اينالعان تۇلعا بولدى.
- وسىناۋ تاماشا كونتسەرتتٸك باعدارلاماعا ەرٸپتەستەرٸم – ەلەمدٸك ساحناداعى ايتۋلى ەرتٸستەرمەن بٸرگە قاتىسىپ, ٶنەر كٶرسەتۋ مەن ٷشٸن ٷلكەن قۇرمەت. ەرينە, سٶزسٸز, بۇل وسىنداي مەرتەبەلٸ جوباداعى كەزدەسۋ قۋانىشى, تەجٸريبەمەن الماسۋجەنە «استانا وپەرا» تەاترى مەن ەلٸمٸزدٸ تانىتۋ, - دەپ اتاپ ٶتتٸ باقتييار ادامجان.
رۋدولف نۋرەەۆتٸڭ مەرەيتويى قۇرمەتٸنە مەملەكەتتٸك كرەمل سارايىنىڭ ساحناسىندا دارىندى بيشٸگە العىس-ريزاشىلىعىن بٸلدٸرۋ ٷشٸن ەلەمدٸك بالەتتٸڭ ساڭلاقتارى باس قوستى. كونتسەرتتە بٷگٸنگٸ تاڭداعى ەرلەر كلاسسيكالىق بيٸنٸڭ ٷزدٸك ٶكٸلدەرٸ قاتىستى, ولاردىڭ قاتارىندا: باقتييار ادامجان (Astana Opera), يۆان ۆاسيلەۆ (ميحايلوۆسكيي تەاترى), سەمەن چۋدين (رەسەيدٸڭ ٷلكەن تەاترى), ۆاديم مۋنتاگيروۆ (كوۆەنت-گاردەن), دەنيس رودكين (رەسەيدٸڭ ٷلكەن تەاترى), كساندەر پاريش (ماريين تەاتر), ياكوپو تيسسي (رەسەيدٸڭ ٷلكەن تەاترى) بار, سونىمەن قاتار ولاردىڭ نەزٸك جاندى كەرەمەت ەرٸپتەستەرٸ دە قاتىستى.
«رۋدولف نۋرەەۆ. ٶتكەننەن بولاشاققا» – اندريس ليەپانىڭ «قولتاڭبا مەن بەدەل» اتتى جىل سايىنعى جاڭا جوباسىنىڭ العاشقى كونتسەرتٸ, وسى ٸس-شارانىڭ اياسىندا كٶرەرمەن قاۋىم ەسٸمدەرٸ مەڭگٸلٸككە تاريح بەتتەرٸنە ەنگەن حح عاسىرداعى اتاقتى ەرتٸستەردٸڭ شىعارماشىلىعىمەن تانىستى.
