باحتيەر زاينۋتدينوۆ رەسمي تٷردە مەسكەۋدٸڭ «دينامو» كلۋبىنا اۋىستى

فوتو: 1bol.kz

قازاقستان ۇلتتىق قۇراماسىنىڭ جارتىلاي قورعاۋشىسى باحتيەر زاينۋتدينوۆ رەسەيلٸك «دينامو» (مەسكەۋ) فۋتبول كلۋبىنىڭ ويىنشىسى اتاندى. بۇل تۋرالى كلۋبتىڭ رەسمي پاراقشاسىنا سٸلتەمە جاساپ Ult.kz حابارلايدى.

كلۋب زاينۋتدينوۆتىڭ ترانسفەرٸن كرەاتيۆتٸ بەينەجازبامەن جارييالادى. وندا «ا ەرپٸنەن باستالاتىن قالا – جامبىل, ياعني تاراز. سەبەبٸ بۇل قالادا جىلى, بۇل قالادا "دينامونىڭ" جاڭا ويىنشىلارىنىڭ بٸرٸنٸڭ ٷيٸ بار. بۇل كٸم? جاقىندا بٸلەسٸزدەر!» – دەگەن سٸلتەمەلٸ جازۋ بار.

27 جاستاعى جارتىلاي قورعاۋشى رەسەي فۋتبولىنا بٶتەن ەمەس. ول:

• «روستوۆ» ساپىندا – 35 ماتچ,

• تسسكا قۇرامىندا – 83 ماتچ ٶتكٸزگەن.
  ال تٷركييانىڭ «بەشيكتاش» كومانداسىندا ٶتكەن ماۋسىمدا جاراقاتىنا بايلانىستى نەبەرٸ 9 ويىنعا قاتىسا الدى.

بۇل ترانسفەرگە باپكەرلٸك فاكتور دا ەسەر ەتكەنٸ بەلگٸلٸ. «دينامونىڭ» قازٸرگٸ باس باپكەرٸ ۆالەريي كارپين بۇعان دەيٸن باحتيەرمەن «روستوۆتا» بٸرگە جۇمىس ٸستەگەن. ول زاينۋتدينوۆتى كوماندا ساپىندا قايتا كٶرگٸسٸ كەلەتٸنٸن اشىق ايتىپ جٷرگەن بولاتىن.

قازاقستاندىق جانكٷيەرلەر ٷشٸن بۇل – لەگيونەر فۋتبولشىنىڭ مانسابىنداعى جاڭا كەزەڭ. زاينۋتدينوۆ مەسكەۋدە ٶزٸن دەلەلدەپ, ۇلتتىق قۇرامانىڭ نامىسىن جوعارى دەڭگەيدە قورعاۋدى جالعاستىرادى دەپ كٷتٸلۋدە.