Foto: 1bol.kz
Qazaqstan ulttyq quramasynyń jartylai qorǵaýshysy Bahtier Zainýtdinov reseilik «Dinamo» (Máskeý) fýtbol klýbynyń oiynshysy atandy. Bul týraly klýbtyń resmi paraqshasyna silteme jasap Ult.kz habarlaidy.
Klýb Zainýtdinovtyń transferin kreativti beinejazbamen jariialady. Onda «A árpinen bastalatyn qala – Jambyl, iaǵni Taraz. Sebebi bul qalada jyly, bul qalada "Dinamonyń" jańa oiynshylarynyń biriniń úii bar. Bul kim? Jaqynda bilesizder!» – degen siltemeli jazý bar.
27 jastaǵy jartylai qorǵaýshy Resei fýtbolyna bóten emes. Ol:
-
«Rostov» sapynda – 35 match,
-
TsSKA quramynda – 83 match ótkizgen.
Al Túrkiianyń «Beshiktash» komandasynda ótken maýsymda jaraqatyna bailanysty nebári 9 oiynǵa qatysa aldy.
Bul transferge bapkerlik faktor da áser etkeni belgili. «Dinamonyń» qazirgi bas bapkeri Valerii Karpin buǵan deiin Bahtiermen «Rostovta» birge jumys istegen. Ol Zainýtdinovty komanda sapynda qaita kórgisi keletinin ashyq aityp júrgen bolatyn.
Qazaqstandyq jankúierler úshin bul – legioner fýtbolshynyń mansabyndaǵy jańa kezeń. Zainýtdinov Máskeýde ózin dáleldep, ulttyq quramanyń namysyn joǵary deńgeide qorǵaýdy jalǵastyrady dep kútilýde.
