قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ باحرەيندە سەكسۋالدى قۇلدىقتا بولعان قازاقستاندىق بويجەتكەندەردٸڭ ەلگە قالاي قايتارىلعانىن ايتىپ بەردٸ, دەپ حابارلايدى "ۇلت اقپارات".
«ەستەرٸڭٸزدە بولسا, بٸر اپتا بۇرىن باحرەيندەگٸ سەكسۋالدى قۇلدىقتان قازاقستاننىڭ 21 ازاماتىن بوساتىپ العانىمىزدى حابارلاعان ەدٸك. بۇل جۇمىس باحرەيننٸڭ قۇقىق قورعاۋ ورگاندارى جەنە ساۋد ارابيياسىنىڭ ەلشٸلٸگٸمەن بٸرگە جٷرگٸزٸلدٸ. قازٸر ول قىزدار قازاقستاندا. بەرٸنٸڭ جاعدايى جاقسى. بٷگٸنگٸ كٷنٸ تەرگەۋ امالدارى جٷرگٸزٸلٸپ جاتىر», - دەدٸ ايبەك سماديياروۆ ەلوردادا ٶتكەن بريفينگ بارىسىندا.
ول سونىمەن قاتار قىلمىستىق توپتىڭ قۇرامىندا قازاقستان ازاماتى بولعانىن دا ايتىپ ٶتتٸ.
«ٸستٸڭ مەن-جايىن تولىق ايتا المايمىن. ول ٸسكە شەتەل ازاماتتارى عانا ەمەس, قازاقستان ازاماتتارىنىڭ دا قاتىسى بار. ولار دەل وسى ٸسپەن اينالىسقان ٸرٸ ۇيىمداسقان قىلمىستىق توپ بولعان. تەرگەۋ اياقتالىپ, قاجەتتٸ اقپارات دايىن بولعاندا مٸندەتتٸ تٷردە ول تۋرالى حابارلايمىز», - دەدٸ ايبەك سماديياروۆ.
