جوعارى بٸلٸم بەرۋدٸڭ بارلىق دەڭگەيلەرٸ بويىنشا 2022-2023 وقۋ جىلىنا ارنالعان بٸلٸم بەرۋ گرانتتارىن بٶلۋ تٸزٸمٸ جارييالاندى, دەپ حابارلايدى قازاقپارات.
عىلىم جەنە جوعارى بٸلٸم مينيسترلٸگٸنٸڭ مەلٸمەتٸنشە, گرانتتاردىڭ باسىم بٶلٸگٸ ينجەنەرلٸك, ٶڭدەۋ, قۇرىلىس سالالارىنا بٶلٸنگەن, ولاردىڭ سانى 17 794-تٸ قۇرايدى.
«ال پەداگوگيكالىق عىلىمدارعا – 10 810 گرانت, اقپاراتتىق-كوممۋنيكاتسييالىق تەحنولوگييالار سالاسىنا – 9 103 گرانت, جاراتىلىستانۋ عىلىمدارى, ماتەماتيكا جەنە ستاتيستيكا باعىتىنا 6 288 گرانت تيەسٸلٸ. سونداي-اق, تەحنيكالىق باعىتتارعا ەرەكشە نازار اۋدارىلىپ, مەملەكەتتٸك تاپسىرىستىڭ ٷلەسٸ 60%-عا دەيٸن ۇلعايدى. باكالاۆرياتقا 2022-2023 وقۋ جىلىندا 73 مىڭعا جۋىق گرانت بٶلٸندٸ», - دەپ جازدى ۆەدومستۆو.
حالىقتىڭ ەلەۋمەتتٸك وسال توپتارىنان شىققان بالالار ٷشٸن كۆوتالار سانى ارتقان. كٶپ بالالى نەمەسە تولىق ەمەس وتباسىلاردان شىققان بالالار, سونداي-اق ەرەكشە قاجەتتٸلٸكتەرٸ بار بالالاردى تەربيەلەپ وتىرعان وتباسىلارداعى تالاپكەرلەر گرانت الۋ ٷشٸن كٶبٸرەك مٷمكٸندٸكتەرگە يە بولادى.
«بيىل العاش رەت مەملەكەت باسشىسىنىڭ تاپسىرماسى بويىنشا بٸلٸم بەرۋ گرانتىنىڭ جاڭا تٷرٸ انىقتالدى: «حالىقتىڭ تىعىز ورنالاسقان جەنە باتىس ٶڭٸرلەرٸنٸڭ جاستارىنىڭ جەتەكشٸ جوعارى وقۋورىندارىندا وقۋعا ارنالعان ماقساتتى بٸلٸم بەرۋ گرانتى» - اتىراۋ جەنە ماڭعىستاۋ وبلىستارىنىڭ 10 مىڭ تالاپكەرٸنە جوعارى وقۋ ورىندارىندا بٸلٸم الۋ ٷشٸن ماقساتتى گرانتتار الۋعا مٷمكٸندٸك بەرەدٸ. ماقساتتى «اتىراۋ-ماڭعىستاۋ» گرانتىنا كونكۋرسقا اعىمداعى جىلدىڭ مەكتەپ تٷلەكتەرٸ قاتىسا الادى. بۇل رەتتە ولار بٸر ۋاقىتتا جالپى كونكۋرسقا, ونىڭ ٸشٸندە «سەرپٸن» بايقاۋىنا قاتىسا المايدى», - دەپ تٷسٸندٸردٸ مينيسترلٸكتەن.
ۇلتتىق تەستٸلەۋ ورتالىعىنىڭ ديرەكتورى رۋسلان ەمەلباەۆتىڭ مەلٸمەتٸنشە, بٸلٸم گرانتتارى, ونىڭ ٸشٸندە «اتىراۋ-ماڭعىستاۋ» ماقساتتى گرانت سانىنىڭ ارتۋىنا بايلانىستى بٷگٸن تٸزٸم جارييالانعان.
«مەملەكەت باسشىسىنىڭ تاپسىرماسى بويىنشا بارلىق گرانتتىڭ 60% تەحنيكالىق ماماندىقتارعا بٶلٸندٸ. تالاپكەرلەر بەرٸلگەن اقپارات نەگٸزٸندە دۇرىس تاڭداۋ جاسايدى دەپ سەنەمٸن», – دەدٸ ول.
ماگيستراتۋراعا تٷسۋگە 13 مىڭنان استام, دوكتورانتۋراعا تٷسۋگە 1800-دەن استام گرانت بٶلٸنگەن.
2022-2023 وقۋ جىلىنا ارنالعان بٸلٸم بەرۋ گرانتتارىن بٶلۋدٸڭ تولىق تٸزٸمٸ عىلىم جەنە جوعارى بٸلٸم مينيسترلٸگٸ ۇلتتىق تەستٸلەۋ ورتالىعىنىڭ سايتىندا مىناۋ سٸلتەمەلەر بويىنشا جارييالانعان:
