اقش پرەزيدەنتٸ دونالد ترامپ كەڭەسشٸلەرٸمەن بٸرگە يراننىڭ يادرولىق نىساندارىنا سوققى بەرۋ مەسەلەسٸن تالقىلاعان. بۇل اقپاراتتى امەريكا باسىلىمدارى جازدى.
The New York Times-تىڭ جازۋىنشا, ترامپ 12 قاراشادا جوعارى لاۋازىمدى كەڭەسشٸلەرٸمەن (اراسىندا ۆيتسە-پرەزيدەنت مايك پەنس, قورعانىس مينيسترٸ مٸندەتٸن اتقارۋشى كريستوفەر ميللەر دە بار) كەزدەسۋ كەزٸندە ورتاعا وسىنداي ساۋال تاستاعان. ول كٶمەكشٸلەرٸنەن يراننىڭ نەگٸزگٸ يادرولىق نىسانىنا سوققى جاساۋ ىقتيمالدىعى جٶنٸندە پٸكٸرلەرٸن سۇراعان. كٶمەكشٸلەرٸ پرەزيدەنتتٸ بۇل ويىنان اينىتۋعا تىرىسقان.
امەريكا شەنەۋنٸكتەرٸنٸڭ بٸرٸ 17 قاراشادا Reuters اگەنتتٸگٸنە بەرگەن سۇحباتىندا ماقالادا جازىلعان جايتتى راستادى.
"ول قانداي امالدار بارىن سۇرادى. ولار ىقتيمال ستسەنارييلەردٸ العا تارتتى, اقىرى بۇل باعىتتا جىلجىماۋ تۋرالى شەشٸم قابىلدادى" دەدٸ شەنەۋنٸك.
اق ٷي تٷسٸنٸكتەمە بەرۋدەن باس تارتتى.
دونالد ترامپتىڭ كەڭەسشٸلەرٸمەن كەزدەسۋٸ الدىندا اتوم ەنەرگيياسى جٶنٸندەگٸ حالىقارالىق اگەنتتٸكتٸڭ يراننىڭ بايىتىلعان ۋران قورىن كٶبەيتٸپ جاتقانى تۋرالى بايانداماسى جارىق كٶرگەن بولاتىن. ماگاتە ساراپشىلارى يراننىڭ نەتەنزە كومبيناتىندا بايىتىلعان ۋران كٶلەمٸ 5 جىل بۇرىن تەگەرانمەن جاسالعان حالىقارالىق كەلٸسٸمدە كٶرسەتٸلگەن مٶلشەردەن 12 ەسە اسىپ كەتكەنٸن جازعان. ترامپ يراننىڭ يادرولىق قارۋدى يەمدەنۋگە ۇمتىلىسىن توقتاتا المايتىنىن ايتىپ, 2018 جىلى كەلٸسٸمنەن شىققان ەدٸ.
"امەريكا داۋىسى" سايتىنىڭ جازۋىنشا, يراننىڭ نەتەنزەدەگٸ يادرولىق نىسانىنا سوققى جاساۋ ايماقارالىق قاقتىعىستى ٶرشٸتٸپ, جاڭادان سايلانعان دجو بايدەن ەكٸمشٸلٸگٸنٸڭ سىرتقى ساياسات بويىنشا جٷگٸن اۋىرلاتۋى مٷمكٸن. ەش دەلەل كەلتٸرمەي, قارسىلاسى بايدەن كومانداسىن "سايلاۋدا داۋىس ۇرلادى" دەپ ايىپتاپ وتىرعان ترامپ ەزٸرگە بيلٸكتٸ تاپسىرۋ پروتسەسٸن باستاۋدان باس تارتىپ وتىر. سول سەبەپتٸ دە بايدەن كومانداسى ۇلتتىق بارلاۋ قىزمەتٸنٸڭ اقپاراتىنا قول جەتكٸزە الماي كەلەدٸ.
