قازاقستان رەسپۋبليكاسى پرەزيدەنتٸنٸڭ بۇقارالىق اقپارات قۇرالدارى سالاسىنداعى سىيلىقتارى مەن گرانتتارى تابىستالدى, دەپ حابارلايدى اقوردا.
سالتاناتتى شارا بارىسىندا پرەزيدەنت ەكٸمشٸلٸگٸ باسشىسىنىڭ ورىنباسارى ايدا بالاەۆا پرەزيدەنت سىيلىعى مەن گرانتىنىڭ يەگەرلەرٸن, العىسىن العان شىعارماشىلىق ۇجىمداردى قۇتتىقتادى.
مەملەكەت باسشىسىنىڭ ٶكٸمٸمەن قازاقستان رەسپۋبليكاسى پرەزيدەنتٸنٸڭ سىيلىعى «Qazaq radiosy» راديوستانتسيياسىنىڭ باس رەداكتورى دۋلات ابيبۋللاەۆقا, «31 ارنا» تەلەراديوكومپانيياسىنىڭ تٸلشٸسٸ ەرقانات كٶپجاسارۇلىنا, «يندۋستريالنايا كاراگاندا» گازەتٸنٸڭ باس رەداكتورى وكسانا مياگكيحكە جەنە «Qazaqstan» ۇلتتىق تەلەارناسىنىڭ ديرەكتورى ەركٸن مۇحامەدجانوۆقا بەرٸلدٸ.
پرەزيدەنت گرانتتارىن «جەتٸسۋ» تەلەارناسىنىڭ رەداكتورى سەنييا بايتاروۆا, «Almaty» تەلەراديوكومپانيياسىنىڭ ارنايى تەحنيكا وپەراتورى دياسكەن بايتيباەۆ, «حابار 24» تەلەارناسىنىڭ جٷرگٸزۋشٸسٸ ەنۋاربەك بٸرٸمجانوۆ, «Baigenews.kz» اقپارات اگەنتتٸگٸنٸڭ تٸلشٸسٸ جادىرا جولمۇحامەتوۆا يەلەندٸ.
قازاقستان رەسپۋبليكاسى پرەزيدەنتٸنٸڭ العىسى «Adyrna» ۇلتتىق پورتالىنىڭ, «Ashyq alań» قوعامدىق-ساياسي توك-شوۋىنىڭ, «Astana» راديوسىنىڭ, «ۆەچەرنيايا استانا» قوعامدىق-ساياسي گازەتٸنٸڭ شىعارماشىلىق ۇجىمدارىنا تابىستالدى.
