وڭتٷستٸك قازاقستان وبلىسىنىڭ قازىعۇرت اۋدانىندا مال سويۋ, سٷت قابىلداۋ بەكەتتەرٸ مەن قارقىندى باۋ ٶسٸرۋ جەنە جەمٸس جيدەك قابىلداۋ بەكەتتەرٸ سىندى جالپى 40 اۋىل شارۋاشىلىعى ٶندٸرٸستٸك كووپەراتيۆٸ قۇرىلعان. ونىڭ 19 ٶتكەن جىلى قۇرىلسا, ال بيىل 21 كووپەراتيۆ قۇرىلعان. بٷگٸن اتالعان كووپەراتيۆتەردٸڭ جۇمىسىمەن باق ٶكٸلدەرٸ وبلىس ەكٸمٸنٸڭ باسپاسٶز قىزمەتٸ ۇيىمداستىرعان پرەسس-تۋر كەزٸندە تانىسىپ قايتتى, دەپ حابارلايدى قازاقپارات.
سونداي كووپەراتيۆتەردٸڭ بٸرٸ شاراپحانا اۋىلدىق وكرۋگٸنە قاراستى ماحامبەت ٶتەمٸسۇلى اۋىلىنداعى «قاراتاس» اۋىل شارۋاشىلىعى ٶندٸرٸستٸك كووپەراتيۆٸ. ٶتكەن جىلدىڭ سوڭىندا قۇرىلعان سٷت شارۋاشىلىعىمەن اينالىساتىن كووپەراتيۆتٸڭ بٷگٸندە 117 مٷشەسٸ بار.
بٸرٸككەن كٷش بٸرەگەي تابىسقا جەتەلەيتٸنٸن ايتقان شارۋالار كووپەراتيۆكە بٸرٸگۋدٸڭ ارقاسىندا مەملەكەتتەن تيٸستٸ قولداۋ كٶمەكتەر الىپ, شاۋاشىلىقتىڭ ٶرٸسٸن كەڭەيتٸپ جاتقانىن جەتكٸزدٸ.
«ەگٸستٸگٸمٸز بەن مال جايىلىمدىق جەرٸمٸز ىڭعايلى بولعاندىقتان سٷت شارۋاشىلىعىن دامىتۋ بويىنشا 117 ۇساق شارۋاشىلىقتى بٸرٸكتٸرٸپ كووپەراتيۆ قۇردىق. «اۋىلشارۋاشىلىعىن قارجىلاي قولداۋ قورى» اق ارقىلى 30 مٷشە 130 ملن تەڭگە كٶلەمٸندە نەسيە الدى. وعان ساۋىندى 700 باستاي ٸرٸ قارا مال الىپ, ولاردان كٷندٸگٸنە 1 توننادان استام سٷت الىپ وتىرمىز», - دەدٸ «قاراتاس» اۋىل شارۋاشىلىعى ٶندٸرٸستٸك كووپەراتيۆٸنٸڭ تٶراعاسى ماقسات اراپبايۇلى.
الداعى ۋاقىتتا تەۋلٸگٸنە 3 توننا سٷت الۋدى جوسپارلاپ وتىرعان شارۋالار قۇنى 5 ملن تەڭگە بولاتىن سىيىمدىلىعى ەكٸ توننالىق مودۋلدٸ سٷت قابىلداۋ بەكەتٸن ساتىپ العان. ونىڭ 50 پايىزى مەملەكەت تاراپىنان سۋبسيدييالانعان. سٷت ساقتاۋعا ارنالعان تانكەر, ارنايى زەرتحانا, توڭازىتقىشپەن جابدىقتالعان. بۇعان دەيٸن, كووپەراتيۆ سٷتتٸ «فۋد ماستەر» جشس-نٸڭ ورناتقان سىيىمدىلىعى 1,2 توننالىق تانكەردە ساقتاپ كەلگەن.
ەندٸ جاڭادان ورناتىلعان مودۋلدٸ سٷت قابىلداۋ بەكەتٸنٸڭ ارقاسىندا شارۋالاردىڭ تابىسى ەسەلەنٸپ, اۋدانداعى سٷت ٶندٸرٸسٸن ٶركەندەتۋگە سەپتٸگٸن تيگٸزبەك. مۇنداعى ٶندٸرٸلگەن ٶنٸم «فۋد ماستەر» سەرٸكتەستٸگٸنە مايلىلىعانا قاراي ليتٸرٸ 80-85 تەڭگەدەن ٶتكٸزٸلٸپ وتىر.
اگرارلى ايماققا جاتاتىن تاۋلى ٶڭٸردٸڭ اۋىل شارۋاشىلىعىن دامىتۋعا جىلدا ەرەكشە نازار اۋدارىپ وتىرامىز دەگەن اۋدان ەكٸمٸ تٶلەگەن تەلعاراەۆ ٶتكەن جىلى اۋىل شارۋاشىلىق ٶنٸم كٶلەمٸ 29 ملرد تەڭگە بولسا, وسى جىلى 32 ملرد تەڭگەگە جەتكٸزۋدٸ جوسپارلاپ وتىر ەكەن.
