تۋريزم جەنە سپورت مينيسترلٸگٸ بايقوڭىر عارىش ايلاعى كەشەنٸنٸڭ تۋريستٸك ەلەۋەتٸن دامىتۋ جۇمىستارىن جالعاستىرىپ جاتىر. وسى ماقساتتا قر پرەمەر-مينيسترٸنٸڭ تاپسىرماسىمەن بايقوڭىردا تۋريزمدٸ دامىتۋدىڭ 2030 جىلعا دەيٸنگٸ تۇجىرىمداماسى بەكٸتٸلدٸ, دەپ حابارلايدى ult.kz.
ۆەدومستۆونىڭ مەلٸمەتٸنشە, قۇجات حالىقارالىق دەڭگەيدە بەسەكەگە قابٸلەتتٸ تۋريستٸك ٶنٸم قالىپتاستىرىپ, سالانىڭ تۇراقتى دامۋىنا جاعداي جاساۋعا باعىتتالعان.
تۇجىرىمداما اياسىندا شەتەلدٸك تۋريستەر ٷشٸن رۇقسات الۋ رەسٸمدەرٸ جەڭٸلدەتٸلدٸ. قازٸر قاجەتتٸ قۇجاتتاردى رەسٸمدەۋ مەرزٸمٸ 10 كٷنگە دەيٸن قىسقارتىلعان. بۇل شەتەلدٸك قوناقتاردىڭ بايقوڭىرعا كەلۋٸن جەڭٸلدەتٸپ, عارىش اپپاراتتارىنىڭ ۇشىرىلىمدارىن تاماشالاۋعا ارنالعان تۋريستٸك باعدارلامالاردىڭ دامۋىنا سەرپٸن بەرمەك.
سونىمەن قاتار قازاقستاننىڭ قاراماعىنا بٸرقاتار ماڭىزدى نىسانداردىڭ بەرٸلۋٸ جاڭا مٷمكٸندٸكتەر اشىپ وتىر. ولاردىڭ قاتارىندا گاگارين ۇشۋ الاڭى, مونتاجداۋ-جانارماي قۇيۋ كەشەنٸ جەنە ديناميكالىق سىناقتار ستەندٸ بار.
مامانداردىڭ ايتۋىنشا, بۇل نىساندار عىلىمعا, تەحنولوگيياعا جەنە عارىش تاريحىنا قىزىعاتىن تۋريستەر ٷشٸن ەرەكشە قىزىعۋشىلىق تۋدىرادى. بولاشاقتا ولار ەلەمنٸڭ ەر تٷكپٸرٸنەن كەلەتٸن ساياحاتشىلاردىڭ ماڭىزدى تارتىمدىلىق ورتالىعىنا اينالۋى مٷمكٸن.
قازٸرگٸ ۋاقىتتا اتالعان نىسانداردى جاڭعىرتۋعا جەنە زاماناۋي تۋريستٸك ينفراقۇرىلىم قۇرۋعا مٷددەلٸ ينۆەستورلارعا ارنالعان ينۆەستيتسييالىق ۇسىنىستار ەزٸرلەنگەن.
سونداي-اق مينيسترلٸك ۇشىرىلىمدار اراسىنداعى كەزەڭدە وقيعالى تۋريزمدٸ دامىتۋعا باسىمدىق بەرٸپ وتىر. بۇل باستاما جىل بويى تۇراقتى تۋريستٸك اعىن قالىپتاستىرىپ, كەشەننٸڭ قولدانىستاعى ينفراقۇرىلىمىن تيٸمدٸ پايدالانۋعا مٷمكٸندٸك بەرەدٸ.
ۆەدومستۆونىڭ پٸكٸرٸنشە, بايقوڭىردى ەلەمدٸك دەڭگەيدەگٸ تۋريستٸك ورتالىققا اينالدىرۋ قازاقستاننىڭ تۋريستٸك سالاسىن ەرتاراپتاندىرۋعا, حالىقارالىق تۋريستٸك نارىقتاعى پوزيتسيياسىن نىعايتۋعا جەنە ەلدٸڭ تۋريستٸك تارتىمدىلىعىن ارتتىرۋعا ىقپال ەتەدٸ.
