قازاقستاندىق پروديۋسەر بايان الاگٶزوۆا ەلەۋمەتتٸك جەلٸدەگٸ دٸن تاقىرىبىنداعى جازباسىنان كەيٸن وقىرمانداردىڭ سىنىنا ۇشىرادى, دەپ حابارلايدى ult.kz.
پروديۋسەر Threads پلاتفورماسىندا دٸنگە جەنە و دٷنيەگە قاتىستى جەكە كٶزقاراسىن اشىق بٸلدٸرگەن. ول دٸني ناسيحاتتان شارشاعانىن ايتىپ, ٶزٸن توزاقپەن قورقىتۋدىڭ قاجەتٸ جوق ەكەنٸن جازدى.
الاگٶزوۆانىڭ پٸكٸرٸنشە, جۇماق پەن توزاق تۋرالى ايتىلعان تۇجىرىمداردى ناقتى دەلەلدەنگەن اقپارات رەتٸندە قابىلدامايدى.
سونداي-اق ول يسلامداعى جۇماققا قاتىستى كەڭ تاراعان «72 پەك قىز» تۋرالى تٷسٸنٸككە مىسقىل ارالاس پٸكٸر بٸلدٸرٸپ, وسىعان بايلانىستى ريتوريكالىق سۇراق قويعان.
پروديۋسەردٸڭ بۇل جازباسى ەلەۋمەتتٸك جەلٸ قولدانۋشىلارى اراسىندا قىزۋ تالقىعا تٷستٸ. كەيبٸر وقىرمان ونىڭ سٶزدەرٸن دٸن ۇستاناتىن ادامدارعا قۇرمەتسٸزدٸك دەپ باعالاسا, ەندٸ بٸرٸ ونىڭ جەكە پٸكٸرٸن اشىق ايتۋ قۇقىعىن قولدادى.
