Qazaqstandyq prodiýser Baian Alagózova áleýmettik jelidegi din taqyrybyndaǵy jazbasynan keiin oqyrmandardyń synyna ushyrady, dep habarlaidy ult.kz.
Prodiýser Threads platformasynda dinge jáne o dúniege qatysty jeke kózqarasyn ashyq bildirgen. Ol dini nasihattan sharshaǵanyn aityp, ózin tozaqpen qorqytýdyń qajeti joq ekenin jazdy.
Alagózovanyń pikirinshe, jumaq pen tozaq týraly aitylǵan tujyrymdardy naqty dáleldengen aqparat retinde qabyldamaidy.
Sondai-aq ol islamdaǵy jumaqqa qatysty keń taraǵan «72 pák qyz» týraly túsinikke mysqyl aralas pikir bildirip, osyǵan bailanysty ritorikalyq suraq qoiǵan.
Prodiýserdiń bul jazbasy áleýmettik jeli qoldanýshylary arasynda qyzý talqyǵa tústi. Keibir oqyrman onyń sózderin din ustanatyn adamdarǵa qurmetsizdik dep baǵalasa, endi biri onyń jeke pikirin ashyq aitý quqyǵyn qoldady.
