قازاقستاندىق كەسٸپكەر, BelnTech تەحنولوگييالىق كومپانيياسىنىڭ باسشىسى باعدات مۋسين جاس باعدارلاماشىلاردى يندۋسترييالىق ستارتاپتاردى كٶبەيتۋگە شاقىردى, دەپ حابارلايدى قازاقپارات تٸلشٸسٸ.
«امەريكاداعى تانىمال سيليكون القابىندا ەكٸ اي بولدىم جەنە ەلەمنٸڭ چات, بوت, ەلەۋمەتتٸك جەلٸ سىندى جەڭٸل دٷنيەلەردەن الشاقتاپ بارا جاتقانىن تٷسٸندٸم. ولاردىڭ نەبٸر تٷرلەرٸ شىعىپ جەنە زامانى ٶتٸپ كەتتٸ, ال بٸزدٸڭ باعدارلاماشىلار ەلٸ دە وعان قىزىعۋشىلىق تانىتىپ كەلەدٸ. ونىڭ ٷستٸنە ەلەمدە ۇساق-تٷيەك ستارتاپتاردى ساتىپ الاتىن ٸرٸ ويىنشىلار پايدا بولدى. كەرٸسٸنشە, يندۋسترييالىق ستارتاپتار ٶتە از جەنە وسى باعىتقا كٶبٸرەك مەن بەرگەن جٶن», - دەپ اتاپ ٶتتٸ باعدات مۋسين استانادا Qazaqstan Technology فورۋمىندا.
ونىڭ ايتۋىنشا, قازاقستان ەكونوميكاسىنىڭ مۇناي, اۋىل شارۋاشىلىعى سىندى شيكٸزاتتىق تٸرەكتەرٸ بار جەنە بۇل - يندۋسترييالىق ستارتاپتاردى دامىتۋ ٷشٸن ٷلكەن مٷمكٸندٸك.
«بٸر قىزىعى, قازاقستانداعى ستارتاپتار ە-كسك سىندى مەملەكەتتٸك مەسەلەلەردٸ شەشۋگە ارنالعان. جاس باعدارلاماشىلاردى يندۋستريياعا كٶڭٸل بٶلۋگە شاقىرامىن. سيليكون القابىندا جاساندى ينتەللەكت پەن ٷلكەن دەرەكتەردٸ بٸلەتٸندەر ەمەس, يندۋسترييادا جۇمىس ٸستەگەن, ناقتى بٸر مەسەلەنٸڭ شەشٸمٸن ۇسىنعان ماماندار جوعارى باعالانادى. ياعني, قازٸرگٸ ۋاقىتتا ۋنيۆەرسيتەتتٸ بٸتٸرٸپ, كەزەكتٸ بٸر ەلەۋمەتتٸك جەلٸ نەمەسە e-commerce جاساۋدىڭ قاجەتٸ جوق. ناقتى فيزيكا-تەحنيكا باعىتىندا وقىپ, اۋىل شارۋاشىلىعىنا بارىپ, مەسەلە شەشكەندەر از. ونداعى بەسەكەلەستٸك ورتا ەلٸ بوس. وسى باعىتتا يندۋستريياعا قاجەتتٸ پايدالى ستارتاپتاردى جاساۋ كەرەك», - دەپ ٶز سٶزٸن جالعاستىردى ب. مۋسين.
سونىمەن بٸرگە, ب. مۋسين كەسٸپكەرلەردٸ قازاقستاندا عانا ەمەس, ەلەمنٸڭ كەز كەلگەن بۇرىشىندا قولداۋ قاجەتتٸگٸن ەسكە سالدى.
«سيليكون القابىندا جۇمىس ٸستەپ جٷرگەن, بيٸككە تالپىنىپ جٷرگەن قازاقستاندىقتار بار. بٸرەۋٸنٸڭ جولى بولادى, ەندٸ بٸرەۋٸنٸڭ تاۋى شاعىلادى. كەسٸپكەرلەرگە قولداۋ بٸلدٸرۋدٸ ويلاعاندا تەك قانا قازاقستانداعى كەسٸپكەرلەردٸ ويلايمىز. شەتەلدٸك نارىقتا جٷرگەن قازاقستاندىقتاردى دا ۇمىتپاۋ كەرەك. ول ٷشٸن سيليكون القابىندا شەتەلدە جۇمىس ٸستەپ جٷرگەن قازاقستاندىق يننوۆاتورلارعا قولداۋ كٶرسەتەتٸن Digital ەلشٸلٸك اشۋ كەرەك», - دەدٸ باعدات مۋسين.
سيليكون القابى - اقش كاليفورنييا شتاتىنىڭ وڭتٷستٸگٸندە ورنالاسقان جوعارى تەحنولوگييالار يندۋستريياسىنىڭ ورتالىعى رەتٸندە تانىلعان اۋدان. سيليكون القابىندا كومپيۋتەرلەر جەنە ونىڭ جابدىقتارى, ەسٸرەسە ميكروپروتسەسسورلار, باعدارلامالىق جاساقتامالار, موبيلدٸك بايلانىس قۇرىلعىلارىن ٶندٸرەتٸن كومپانييالار كٶپتەپ ورنالاسقان.
