بٷگٸن مەجٸلٸستەگٸ ٷكٸمەت ساعاتىندا قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ەلٸمٸزدە جاڭا +997 نٶمٸرلٸ كودىنا قاتىستى تٷسٸنٸك بەردٸ, دەپ حابارلايدى قازاقپارات.
مەجٸلٸستەگٸ ٷكٸمەت ساعاتىندا دەپۋتات ەدٸل جاڭبىرشين قازاقستاننىڭ حالىقارالىق تەلەفون كودىنا قاتىستى سۇراق قويدى.
«+7 تەلەفون كودىنىڭ ايماعىندا تەك رەسەي عانا ەمەس, قازاقستان دا كٸرەدٸ. نەلٸكتەن وسى كودتان كەنەتتەن باس تارتۋ كەرەك دەپ شەشٸم قابىلداندى? ەكٸنشٸدەن, بٸز ونداعان حالىقارالىق كەلٸسٸمگە قول قويىپ, راتيفيكاتسييالاپ وتىرمىز. بۇل رەتتە تەلەفون كودىنا قاتىستى مەملەكەتارالىق قۇجاتقا قول قويۋعا نە كەدەرگٸ بولىپ وتىر? ٷشٸنشٸدەن, قوڭىراۋ شالعان كەزدە بٸزدٸڭ ەلدە دۇرىس يدەنتيفيكاتسييالاۋ دا كەلٸسٸممەن بولادى. تەحنيكالىق تۇرعىدا مۇنى جاساۋ وڭاي. نەلٸكتەن بۇل جاسالماعان? توق ەتەرٸ, قازاقستان +7 تەلەفون كودى ايماعىندا قالا ما?», - دەدٸ دەپۋتات تسيفرلىق دامۋ مينيسترٸنە قاراتا قويعان سۇراعىندا.
ٶز كەزەگٸندە باعدات مۋسين بۇل سۇراققا بايلانىستى تيٸستٸ كەلٸسٸمشارتتىڭ 11-بابىن وقىپ بەردٸ.
«كەلٸسٸمنٸڭ ەرەجەلەرٸنە سەيكەس, تاراپتاردىڭ كەز كەلگەنٸ ونىڭ قولدانىسىن توقتاتۋ نيەتٸ تۋرالى حابارلامانى الدىن الا جٸبەرە وتىرىپ, ونى بٸرجاقتى تەرتٸپپەن بۇزا الادى, 6 اي بۇرىن. ياعني 6 اي بۇرىن بٸزگە «+7-دەن شىق» دەگەن مەسەلەنٸ قوزعاۋ – وسىعان الىپ كەلەدٸ. بٸزگە شىق دەپ بٸر حاتپەن عانا ايتا الادى. ەشقانداي مەملەكەتارالىق راتيفيكاتسييادان ٶتكٸزۋ قاجەت ەمەس. رەسەي تاراپىنان وسى حاتتى الساق, +7-دەن شىعارۋ مٷمكٸندٸگٸ بار. 2006 جىلى وسىنداي ۆەدومستۆوارالىق قۇجاتقا قول قويعان ەدٸك. قازاقستاننىڭ بايلانىس اگەنتتٸگٸ مەن رەسەي تاراپىنان بايلانىس مينيسترلٸگٸ وسىنداي كەلٸسٸمگە كەلدٸ», - دەدٸ مينيستر.
ۆەدومستۆو باسشىسى +7-دەن باسقا كودقا اۋىسا سالۋ جارتى جىلدا جٷزەگە اسىرىلاتىن وڭاي شارۋا ەمەس ەكەنٸن ايتتى.
«جارتى جىلدا اۋىسىپ كەتۋ – ول ٶتە كٷردەلٸ سۇراقتاردىڭ بٸرٸ. سوندىقتان بٸرٸنشٸ بارىپ, بۇۇ جانىنداعى حالىقارالىق ەلەكتر بايلانىس وداعىنان بٸزدٸڭ جەكە كودىمىزدى الدىم. ەندٸ رەسەي تاراپىمەن كەلٸسسٶز جٷرگٸزگەندە, بۇل كود بٸزدە بار. سوندىقتان مەملەكەت رەزەرۆٸندەگٸ كودتىڭ بولۋى – بٸزگە ٶتە قاجەت. ول رەسەي تاراپىمەن كەلٸسٸمشارت ارقىلى ەمەس, بۇۇ-دان بەرٸلگەن كود», - دەدٸ مۋسين.
«+7-نٸڭ قۇقىقتىق تەتٸكتەرٸ جاعىنان قاراپ جاتىرمىز. سوندىقتان كەلٸسسٶزدەردٸ جٷرگٸزۋ ٷشٸن وسىنداي مەسەلەنٸ قوزعادىق. راتيفيكاتسييادان ٶتكٸزۋ ٷشٸن باستاپقىدا رەسەي تاراپىمەن كەلٸسٸپ الۋىمىز كەرەكپٸز. الداعى ۋاقىتتا كەلٸسسٶزدەر جٷرگٸزٸلەدٸ», - دەپ تٷسٸندٸردٸ مينيستر.
بۇدان بۇرىن حابارلانعانداي, بيىل قىركٷيەك ايىندا ب. مۋسين بۇۇ جانىنداعى حالىقارالىق ەلەكتر بايلانىس وداعى قازاقستانعا جاڭا +997 كودىن بەلگٸلەگەنٸن ايتتى.
ەندٸ بٸزدٸڭ ەلدەن باسقا مەملەكەتكە قوڭىراۋ شالعاندا, شەتەلدٸكتەردٸڭ تەلەفونىندا قازاقستان دەگەن جازۋ شىعادى. سونداي-اق حالىقارالىق دەڭگەيدەگٸ تسيفرلى سەرۆيستەردٸ قولدانعاندا دا, بارلىق جەردە قازاقستان دەگەن سيگنال شىعادى.
«كەزٸندە كسرو تاراعاندا, +7 حالىقارالىق تەلەفون كودى ەكٸ ەلگە بٸردەي بەكٸتٸلگەن بولاتىن. بٸز قازاقستانعا عانا تيەسٸلٸ حالىقارالىق كودقا قول جەتكٸزۋ ٷشٸن بىلتىردان بەرٸ تەلەكوممۋنيكاتسييا سالاسىنداعى كومپانييالارمەن بٸرگە جان-جاقتى جۇمىس جٷرگٸزٸپ كەلەمٸز. وسى كەلٸسسٶزدەردٸڭ نەتيجەسٸندە بٸزدٸڭ ەلگە دەربەس +997 كودى بەكٸتٸلدٸ», - دەيدٸ ۆەدومستۆو باسشىسى.
