قازاقستان پرەزيدەنتٸنٸڭ كەڭەسشٸسٸ باعدات مۋسين قازاقستاندا الداعى ۋاقىتتا تسيفرلىق بٸلٸم بەرۋ جٷيەسٸن دامىتۋعا قاتىستى ٶزٸنٸڭ پايىم-پٸكٸرٸمەن بٶلٸستٸ, دەپ حابارلايدى قازاقپارات.
«ستراتەگييالىق تۇرعىدا قارايتىن بولساق, كەسٸپكەرلەرمەن سەرٸكتەستٸك – ەڭ دۇرىس جول. قازٸر كەيبٸر تسيفرلىق بٸلٸم بەرۋ رەسۋرستارى ايتارلىقتاي دەڭگەيدە قۇرىلىمدالعانىن كٶرٸپ وتىرمىز. ال كەيبٸر رەسۋرس تەك ۆيدەوساباقتاردى تٷسٸرٸپ جاتىر. مەنٸڭ ويىمشا ۆيدەوساباق – ساباقتى تٷسٸندٸرۋدٸڭ ەڭ جامان فورماتى. ەلبەتتە ۋاقىت بولعاندا قامدانىپ الار ەدٸك. بٸزگە ۆيدەوساباقتى ەزٸرلەۋدٸڭ كەرەگٸ جوق, سٶزسٸز. بٸزگە تٷبٸرٸمەن وقۋ باعدارلاماسىنىڭ ٶزٸن قايتا قاراپ, تسيفرلىق رەسۋرستار بٸلٸم بەرۋ پروتسەسٸن قانشالىقتى جەڭٸلدەتەتٸنٸن تٷسٸنٸپ العان ابزال. بەرٸمٸز نەگە Zoom-عا لاپ قويدىق. ٶيتكەنٸ مۇعالٸم ونىڭ كٶمەگٸمەن بۇرىن قالاي ساباق بەرٸپ جٷردٸ, سولاي جالعاسار دەدٸك. سەبەبٸ مەنٸڭشە, ەندٸگٸ مۇعالٸمدەر ساباق بەرمەيدٸ, ولار الداعى ۋاقىتتا كونتەنت دايىندايدى», - دەدٸ ول قاشىقتان وقىتۋ تەحنولوگييالارىن قولدانۋدىڭ پروبلەمالارى تالقىلانعان ونلاين رەجيمدەگٸ كەزدەسۋدە.
پرەزيدەنت كەڭەسشٸسٸنٸڭ ايتۋىنشا, Netflix-تە قازٸرگٸ تاڭدا كٶرەرمەن كينو تٷگٸلٸ, ستسەنارييدٸ ٶزٸ تاڭداي الاتىنداي جاعداي جاسالعان. كينونىڭ باستى كەيٸپكەرٸ سوڭىندا ٶلە مە, جوق پا – اتالمىش ينتەرنەت الاڭى وسىنداي تاڭداۋ قۇقىعىن دايىنداپ تا قويعان.
«تسيفرلىق كونتەنتتە دە سولاي. مەسەلەن تسيفرلىق بٸلٸم بەرۋ كەزٸندە ەكٸنشٸ دٷنيەجٷزٸلٸك سوعىس قاشان باستالدى دەپ مۇعالٸم سۇراق قويعاندا وقۋشى «1939, 1940, 1941, 1942, 1943» دەگەن بٸرنەشە نۇسقانىڭ ٸشٸندە دۇرىسىن تاڭداپ الۋى تيٸس. وقۋشى جاۋاپتى بەلگٸلەنگەننەن كەيٸن مۇعالٸمنٸڭ كونتەنتٸ ونىڭ جاۋابىن تالداپ, نەلٸكتەن دۇرىس نەمەسە قاتە ەكەنٸن تٷسٸندٸرۋٸ كەرەك. ياعني بۇل ەدٸستٸڭ ٶزٸ - جاڭاشا ويلاۋ. بٸز تسيفرلىق فورماتتا قازٸر قوزعاۋشى ادامداردى دايىنداي بٸلۋٸمٸز كەرەك. قازٸر بٸزگە وقۋلىق جازىپ جٷرگەن ادامدار ول ساناتقا جاتپايدى. بٸر كەزدە «اتامۇرا», «الماتى-كٸتاپ» سەكٸلدٸ باسپالاردى اشقانداي قازٸر تسيفرلىق بٸلٸم بەرۋ رەسۋرستارىن جولعا قويا الاتىن جەكە كەسٸپكەرلەردٸڭ شوعىرىن قالىپتاستىرۋىمىز كەرەك», - دەدٸ ول.
باعدات مۋسيننٸڭ ايتۋىنشا قازٸرگٸ ۆيدەوساباقپەن تەلٸم بەرٸپ, كەيٸن تەست الۋ جٷيەسٸ قازٸر جارامدى بولىپ تۇرعانىمەن, كەيٸن ۋاقىت تالابىنا مٷلدە جاۋاپ بەرە الماي قالادى.
