16 مامىردا بارشا مۇسىلمان جاماعاتى ٷشٸن قاسيەتتٸ رامازان ايى باستالادى. وسى ورايدا Sputnik قازاقستان تٸلشٸسٸ "ەزٸرەت سۇلتان" مەشٸتٸنٸڭ نايب يمامى قانات قىدىرميننەن رامازان ايىنا قالاي دايىندالۋ كەرەكتٸگٸن سۇرادى.
"قازٸر بٸز رامازاننىڭ الدىنداعى شاعبان ايىنا كٸرٸپ جاتىرمىز. يسلام عالىمدارى رامازانعا دايىندىقتا بٸرنەشە مەسەلەنٸ قاراستىرادى. ەڭ بٸرٸنشٸ, ول مۇسىلماننىڭ نيەتٸن جاڭارتىپ الۋ. ياعني بٸر ٸسكە كٸرٸسپەي تۇرىپ, الدىمەن نيەت ەتۋ بۇل قايىرلى ٸس بولىپ سانالادى. پايعامبارىمىز (س.ع.س.) ايتادى: "ەربٸر نەرسە نيەتپەن عانا دۇرىس بولادى جەنە ادام نيەت ەتكەن نەرسەسٸنە قول جەتكٸزەدٸ". سوندىقتان دا قاسيەتتٸ رامازان ايىنىڭ الدىندا ەڭ ەۋەلٸ نيەتتٸ دۇرىستاپ الۋ كەرەك. رامازاننىڭ نەگٸزگٸ ماقساتى تۋرالى اللا تاعالا قۇراندا بىلاي دەيدٸ: "ەي, يمان كەلتٸرگەندەر, اقيقاتىندا سەندەرگە ورازا پارىز بولدى. بەلكٸم, سەندەر اللادان قورقاتىن بولارسىڭدار" دەيدٸ. رامازاننان شىعۋداعى نەگٸزگٸ ماقسات ادام اللادان قورقىپ, يماندىلىقپەن شىعۋى كەرەك. ول تەك سۋسىننان, تاماقتان تىيىلۋ ەمەس. پايعامبارىمىز (س.ع.س.) ايتادى: "كٸمدە-كٸم جامان سٶز سٶيلەۋٸن جەنە جامان ٸسٸن توقتاتپاسا, اللا تاعالاعا ونىڭ تاماقتان, سۋسىننان تىيىلعانى قاجەت ەمەس". ەندەشە رامازاننىڭ ٸشكٸ سىرى – تەك تاماقتان, سۋسىننان ەمەس, جامان سٶز بەن ٸستەن, جامان ويدان تىيىلۋ. ادام ٸزگٸلٸكتٸ نيەت ەتٸپ, جاقسى جاعىنا ٶزگەرۋگە تىرىسۋ كەرەك. ياعني, ەڭ بٸرٸنشٸ رامازانعا دايىندىق نيەت ارقىلى بولادى", — دەدٸ يمام.
رامازان ايىنا دايىندىق رەتٸندە جاسالاتىن ەكٸنشٸ نەرسە – دۇعا تٸلەۋ.
"پايعامبارىمىز (س.ع.س.) "اللا تاعالا ەرەجەپ ايىن, شاعبان ايىن بەرەكەلٸ ەتشٸ جەنە بٸزدٸ رامازانعا جەتكٸزشٸ" دەپ دۇعا قىلاتىن بولعان ەكەن. سوندىقتان ەربٸر مۇسىلمان "اللا تاعالا, رامازانعا جەتكٸزە گٶر" دەپ دۇعا ەتۋٸ كەرەك. ٷشٸنشٸسٸ, ەگەردە ادام بٸرەۋگە قارىز نەمەسە اماناتى بولاتىن بولما, رامازان ايىنا دەيٸن قۇتىلىپ, قاسيەتتٸ ايعا تازا, تەۋبەمەن كٸرگەنٸ جاقسى. رامازان – اللا مەن قۇلدىڭ اراسىنداعى بايلانىس, ال بٸرەۋدٸڭ زاتى ادام مەن ادامنىڭ اراسىنداعى حاقىسى. سوندىقتان ادامنىڭ حاقىسى جەلٸنگەن بولسا, اللانىڭ الدىندا ول ادامنىڭ ورنى بيٸكتەمەيدٸ. ول ادام قانشا جەردەن نامازدا جىلاپ تۇرسىن, قاجىلىق قىلسىن, ورازا ۇستاسىن, بٸراق ول باسقا بٸرەۋگە قييانات جاساپ, العان زاتىن قايتارماي جٷرگەن بولسا نەمەسە الداپ كەتكەن بولسا, اللا تاعالا ونىڭ نامازدا جىلاپ تۇرعانىن قاجەت ەتپەيدٸ. ٶيتكەنٸ بۇل جەردە ادامنىڭ حاقىسى جەلٸنٸپ تۇر. سوندىقتان رامازانعا دەيٸن بٸرەۋدەن العان دٷنيەنٸ قايتارىپ, بەرگەن ۋەدەنٸ ورىنداپ, تەۋبە جاساپ, تازا كٸرگەن جاقسى", — دەدٸ قىدىرمين.
يمامنىڭ ايتۋىنشا, مۇنىڭ ٸشٸنە ٶتكەن ورازا ايىنان قالعان قارىزدى ۇستاۋ دا كٸرەدٸ. رامازان ايىنا ٶتكەن جىلدىڭ قارىزىمەن كٸرۋگە بولمايدى. قارىز بولسا, وسى شاعبان ايىندا ٶتەپ تاستاعان جاقسى ەكەن.
"تٶرتٸنشٸ مەسەلە, رامازان ايىندا مۇسىلمان ادامدى عيباداتتان نەمەسە قۇلشىلىقتان مازالايتىن جۇمىستار بولاتىن بولسا, سولاردى رامازانعا دەيٸن شەشٸپ تاستاۋ. بۇل دەگەنٸمٸز نە? كەيبٸر كەزدە ادامدار ورازا ايىنىڭ الدىندا بٸر ٸستٸ باستاپ قويىپ, ونى اياقتاپ ٷلگەرمەي, رامازان ايىندا سول ٸستٸڭ ماشاقاتىمەن جٷرٸپ, اۋىزشارعا عانا كٶڭٸل بٶلەدٸ. سٶيتٸپ جٷرٸپ رامازان ايىنداعى باسقا عيباداتتاردان جۇرداي بولىپ قالۋى مٷمكٸن. نەگە? رامازانعا جوسپارسىز كٸرگەندٸكتەن. سوندىقتان كەز كەلگەن مۇسىلمان رامازان الدىنداعى دايىندىق رەتٸندە وسى ايعا ٷلكەن ساپارلاردى نەمەسە توي-دۋمانداردى جوسپارلاماعانى ابزال. ونداي ٸستەردٸ رامازانعا دەيٸن نەمەسە كەيٸن جاساۋ ەدەمٸرەكتەۋ بولادى. بەسٸنشٸسٸ, ٶزٸ قۋانۋ, ٶزگەنٸ قۋاندىرۋ. ٶزٸ قۋانۋ – قاسيەتتٸ اي كەلە جاتىر دەپ, اللا تاعالانىڭ قاسيەتتٸ قىلعان نەرسەلەرٸنە قۋانۋ. مۇسىلماندار رامازان ايىنىڭ كەلە جاتقانىنا قۋانۋعا تىرىسۋى كەرەك. ال ٶزگەنٸ قۋاندىرۋ دەگەن نە? مىسالى وتباسىلى ادام ٷيدە ەيەلٸمەن, بالا-شاعاسىمەن وتىرىپ, رامازان كەلە جاتىر, مۇقتاج ادامدارعا تاماق تاراتايىق, ساداقا بەرەيٸك دەپ يگٸ ٸستەردٸ جوسپارلاپ, مەرەكەگە دايىندالعانداي قۋانىپ, ٶزگەلەردٸ قۋاندىرسا, بۇل نۇر ٷستٸنە نۇر", — دەيدٸ يمام.
"ساحابالار ايتادى: "پايعامبارىمىز(س.ع.س.) ٶتە جومارت ادام ەدٸ, بٸراق رامازان كەلگەن كەزدە ودان سايىن جومارت بولىپ كەتەتٸن ەدٸ" دەپ. رامازان ايىندا ادام ٶزٸ ٶزگەرۋگە تىرىسۋى كەرەك. ٶيتكەنٸ بۇل اللا مەن قۇلدىڭ اراسىنداعى سىر بولىپ ەسەپتەلٸنەدٸ. بٸز نامازعا جىعىلعانداردى, قاجىلىققا بارعانداردى كٶرەمٸز, ال ورازا كٶرٸنبەيتٸن عيبادات. ٸشكٸ دٷنيەسٸنٸڭ اللا تاعالاعا تولىق بەرٸلۋٸنە سەپتٸگٸن تيگٸزەتٸن قاسيەتتٸ عيبادات. جەنە دە رامازان ايىندا ساۋاپتى امال جاساعان بولسا, اي بٸتكەن سوڭ دا ونى جالعاستىرۋى كەرەك. ەگەر رامازاننان كەيٸن دە ادامنىڭ مٸنەز-قۇلقى, ٸزگٸ امالدارى جالعاسىپ جاتاتىن بولسا, بۇل ونىڭ ورازاسىنىڭ قابىل بولعاندىعىنىڭ ەسەرٸ دەپ ايتادى عۇلامالار", — دەدٸ قىدىرمين.
