قر دەنساۋلىق ساقتاۋ مينيسترٸ اجار عينييات كوروناۆيرۋسقا قارسى ۆاكتسينانىڭ جاڭا لەگٸن ساتىپ الۋ جوسپاردا جوق ەكەنٸن ايتتى, دەپ حابارلايدى قازاقپارات.
«بٷگٸندە قازاقستاندا ۆاكتسينانىڭ 4,5 ملن دوزاسى بار. بۇل مٶلشەر بٷگٸندە جەتكٸلٸكتٸ. بٸز الدىڭعى 9-10 ايعا ەسەپتەدٸك. قازٸر ۆاكتسينالاردىڭ يگەرٸلۋٸن, ۆاكتسينانىڭ قاجەتتٸلٸگٸن, حالىق ۆاكتسينانى قالاي الادى, سوعان قارايمىز. بەرٸ وسىعان بايلانىستى. قازٸر بٷكٸل ۆاكتسينا ساتىپ الىندى. جاڭا لەگٸن ساتىپ الۋ جوسپارلانىپ وتىرعان جوق», - دەدٸ ول سەناتتىڭ كۋلۋارىندا.
سونداي-اق, ول مينيسترلٸك ۆاكتسينا ساتىپ الۋعا دەپ بيۋدجەتتەن 6,7 ملرد تەڭگەنٸ نە ٷشٸن سۇراپ وتىرعاندارىن تٷسٸندٸردٸ.
«6,7 ملرد تەڭگە دەگەنگە كەلسەك, مەجٸلٸستە بىلتىر نەگە بۇل سومادان باس تارتىپ, بيىل قايتا سۇراپ وتىرعانىمىزدى سۇراعان ەدٸ. 6,7 ملرد تەڭگە ادام پاپيللوماسىنا قارسى ۆاكتسينا ٷشٸن سۇراتىلعان بولاتىن. بۇل ۇسىنىس قولداۋ تاپپادى جەنە مينيسترلٸك وعان كەلٸستٸ. ٶيتكەنٸ بۇل جاڭا ۆاكتسينا بولاتىن. پاندەمييا بولىپ جاتتى دا كوروناۆيرۋسقا قارسى ۆاكتسيناتسييانى ٶتكٸزۋ ماڭىزدى بولدى. ال حالىقتىڭ ۆاكتسيناتسيياعا دەگەن كٶزقاراسى بٸركەلكٸ بولماعانىن بٸلەسٸزدەر. ال بۇل ۆاكتسينا كٶبٸنە جاس قىزدارعا, جەتكٸنشەكتەرگە سالىنادى. سوندىقتان كٷن تەرتٸبٸنەن الىنعان ەدٸ», - دەدٸ اجار عينييات.
ايتۋىنشا, بيىلعى 6,7 ملرد تەڭگەنٸڭ ەڭگٸمەسٸ سول كەزدەگٸ سانمەن سەيكەس بولىپ قالعان كٶرٸنەدٸ. ەيتپەسە سۇرالىپ وتىرعان ماقساتى بىلتىرعىدان بٶلەك.
«بۇل سومانىڭ 4 ملرد تەڭگەسٸن ديفتەرييا, كٶكجٶتەل, پوليوميەليت, گەموفيلدٸ ينفەكتسييا سيياقتى بەس بٸردەي اۋرۋعا قارسى ەگٸلەتٸن پەنتاۆاكتسيناعا سۇرادىق. تاعى 2 ملرد تەڭگە ۇلتتىق كٷنتٸزبەدەگٸ ۆاكتسيناتسييا شارالىرىنا سۇراتىلدى», - دەدٸ مينيستر.
