قر ٷكٸمەتٸنٸڭ قاۋلىسىمەن اجار عينييات قر دەنساۋلىق ساقتاۋ ۆيتسە-مينيسترٸ لاۋازىمىنا تاعايىندالدى, دەپ حابارلاندى ٷكٸمەتتٸڭ رەسمي سايتىندا.
اجار عينييات 1969 جىلى باتىس قازاقستان وبلىسىندا دٷنيەگە كەلگەن.
1992 جىلى اقتٶبە مەملەكەتتٸك مەديتسينا ينستيتۋتىن «دەرٸگەر-پەدياتر» ماماندىعى بويىنشا, 2007 جىلى ش. ەسەنوۆ اتىنداعى اقتاۋ مەملەكەتتٸك ۋنيۆەرسيتەتٸن «مەملەكەتتٸك جەنە جەرگٸلٸكتٸ باسقارۋ مەنەدجەرٸ» ماماندىعى بويىنشا, 2015 جىلى الماتى مەنەدجمەنت ۋنيۆەرسيتەتٸن «مۆا ٸسكەرلٸك ەكٸمشٸلەندٸرۋ ماگيسترٸ» ماماندىعى بويىنشا تەمامداعان.
ەڭبەك جولىن 1993 جىلى اتىراۋ قالاسىنىڭ №2 قالالىق ەمحاناسىندا ۋچاسكەلٸك پەدياتر بولىپ باستاعان.
1994 جىلدان 1999 جىلعا دەيٸن — اقتاۋ قالاسىنىڭ №1 مەديتسينالىق سانيتارلىق بٶلٸمٸنٸڭ مەڭگەرۋشٸسٸ.
1999-2001 جىلدارى — ماڭعىستاۋ جۇقپالى اۋرۋلار اۋرۋحاناسىنىڭ باس دەرٸگەرٸنٸڭ ەمدەۋ ٸسٸ جٶنٸندەگٸ ورىنباسارى.
2001-2005 جىلدارى — ماڭعىستاۋ وبلىسىنىڭ دەنساۋلىق ساقتاۋ باسقارماسى باسشىسىنىڭ ورىنباسارى.
2005-2006 جىلدارى — ماڭعىستاۋ وبلىسى دەنساۋلىق ساقتاۋ دەپارتامەنتٸنٸڭ ديرەكتورى.
2008-2017 جىلدارى — قر دەنساۋلىق ساقتاۋ مينيسترلٸگٸنٸڭ باسقارما باسشىسى, دەپارتامەنت ديرەكتورى.
2017 جىلعى قىركٷيەكتەن باستاپ قازٸرگٸ تاڭعا دەيٸن قر پرەزيدەنتٸ ٸس باسقارماسىنىڭ مەديتسينا ورتالىعى باسشىسىنىڭ ورىنباسارى قىزمەتٸن اتقاردى.
