دەنساۋلىق ساقتاۋ مينيسترٸ اجار عينييات بٷگٸن قازاقستاندىق اتا-انالاردى بالالارىن قىزىلشاعا قارسى ۋاقتىلى ۆاكتسينالاۋعا شاقىردى, دەپ حابارلايدى "ۇلت اقپارات" دسم باسپاسٶز قىزمەتٸنە سٸلتەمە جاساپ.
«بٷگٸن نەمەرەم ەكەۋمٸز ەلەمنٸڭ كٶپتەگەن ەلدەرٸندەگٸدەي بٸزدٸڭ ەلٸمٸزدەگٸ قولايسىز ەپيدەميولوگييالىق جاعدايدى ەسكەرە وتىرىپ, قىزىلشاعا قارسى ەكپە الۋ ٷشٸن قالالىق ەمحاناعا كەلدٸك. سونىمەن قاتار قازاقستاندا ەپيدەميولوگييالىق جاعدايدىڭ ناشارلاۋى قىركٷيەك ايىنان باستاپ بايقالدى, بالالار ۇزاق ۋاقىت جابىق ٷي-جايلاردا ٶتكٸزەتٸن مەكتەپكە باردى», - دەدٸ مينيستر بٷگٸن استانا قالاسىنىڭ 9 ەمحاناسىندا.
ول بۇل ينفەكتسييانىڭ ەسٸرەسە جۇقپالى ەكەنٸن, جٶتەلگەندە, تٷشكٸرگەندە اۋا تامشىلارى ارقىلى تەز بەرٸلەتٸنٸن اتاپ ٶتتٸ.
«سوندىقتان بٸز سوڭعى ەكٸ ايدا بۇل اۋرۋدىڭ كٷرت ٶسكەنٸن كٶرٸپ وتىرمىز. 13 مىڭنان استام ادام اۋىرىپ قالدى, ونىڭ 83%-ىن نەگٸزٸنەن 5 جاسقا دەيٸنگٸ بالالار قۇرايدى, ەگٸلمەگەن ەرەسەكتەر دە بار», - دەپ جالعاستىردى دەنساۋلىق ساقتاۋ مينيسترلٸگٸنٸڭ باسشىسى.
بۇل جاعدايدا ناۋقاستاردىڭ 70%-ى - ەگٸلمەگەن بالالار.
«ولاردىڭ كٶپشٸلٸگٸ, ياعني 60%-ى - ۆاكتسيناتسييالاۋدان باس تارتۋعا بايلانىستى ەگٸلمەگەندەر, مەديتسينالىق قارسى كٶرسەتٸلٸمدەرگە بايلانىستى 18% ەگٸلمەگەندەر, 22% ەگۋ جاسىنا جەتپەگەندەر. بٷگٸنگٸ تاڭدا بارلىعى - 2013 بالا, ونىڭ ٸشٸندە 30 بالا اۋىر جاعدايدا ەمدەۋگە جاتقىزىلدى», - دەدٸ مينيستر.
اجار عينيياتتىڭ ايتۋىنشا, قىزىلشامەن سىرقاتتانۋشىلىقتىڭ ٶسۋٸ اياسىندا قوسىمشا يممۋنداۋ جٷرگٸزۋ تۋرالى شەشٸم قابىلداندى. ول قاڭتار ايىنىڭ سوڭىنا دەيٸن سوزىلادى, ۆاكتسينا جەتكٸلٸكتٸ.
«قىزىلشاعا قارسى پروفيلاكتيكالىق ەكپەسٸ جوق بالالاردى ەگەمٸز, ينفەكتسييا وشاقتارىندا ەكپە الماعان بايلانىستا بولعانداردى ەگەمٸز. بارشاڭىزدى اۋرۋدان ساقتانۋ ٷشٸن ەمحاناعا شاقىرامىز», - دەدٸ مينيستر.
ۆەدومستۆو باسشىسى ينفەكتسييالىق اۋرۋدىڭ سالدارى تۋرالى ەسكەرتتٸ.
«قىزىلشا پنەۆمونييا, تٷرلٸ قابىنۋ, وتيت سەكٸلدٸ, سوقىرلىققا دەيٸن قاۋٸپتٸ اسقىنۋلارعا ەكەلۋٸ مٷمكٸن. بٷگٸنگٸ تاڭدا قىزىلشانى ەمدەۋدٸڭ ٶزٸنە تەن ەمٸ جوق, سوندىقتان مۇنداي قاۋٸپتٸ ينفەكتسييادان ساقتانۋدىڭ جالعىز جولى - تەك ۆاكتسيناتسييالاۋ. ۆاكتسينانىڭ ٶزٸنەن قورىقپاۋ كەرەك, ول تەكسەرٸلگەن, بٸز ونى جىل سايىن ۇلتتىق ەگۋ كٷنتٸزبەسٸنە سەيكەس قولدانامىز», - دەپ قورىتىندىلادى ول.
ۆاكتسيناتسييالاۋ ەرەجەلەرٸنە سەيكەس يممۋنداۋ پەدياتر بالانى تەكسەرگەننەن كەيٸن عانا جٷرگٸزٸلەدٸ, وعان انامنەز جيناۋ, تەمپەراتۋرانى ٶلشەۋ, ەگٸلەتٸن ادامنىڭ جاعدايىن باعالاۋ كٸرەدٸ, سودان كەيٸن ەگۋگە اقپاراتتاندىرىلعان كەلٸسٸمگە قول قويىلادى. ەرٸ قاراي, يممۋنداۋدان كەيٸن 30 مينۋتتىڭ ٸشٸندە ەگٸلگەن نەرەستە دەرٸگەرلەردٸڭ باقىلاۋىندا بولادى.
قىزىلشاعا قارسى پروفيلاكتيكالىق ەگۋ كٷنتٸزبەسٸنە سەيكەس بٸزدٸڭ ەلدە جوسپارلى تٷردە ەكٸ رەت ەگٸلەتٸنٸن ەستەرٸڭٸزگە سالا كەتەيٸك: بالا العاشقى ەگۋدٸ 12-15 ايلىعىندا, ەكٸنشٸسٸن - 6 جاستا الادى.
اعىمداعى جىلى دمي شەڭبەرٸندە ۆاكتسيناتسييالاۋ حالىقتىڭ مىناداي توپتارىنا: 6 ايدان باستاپ 10 اي 29 كٷن بولعان بالالارعا, 2 جاستان باستاپ 4 جاس 11 اي 29 كٷن بولعان بالالارعا, سونداي-اق بۇرىن ەگٸلمەگەن مەديتسينا قىزمەتكەرلەرٸنە (55 جاسقا دەيٸن), پروفيلاكتيكالىق ەگپە الماعان 18 جاسقا دەيٸنگٸ ادامدارعا جٷرگٸزٸلەدٸ.
