قر دەنساۋلىق ساقتاۋ مينيسترٸ اجار عينييات اتىراۋ وبلىسىنىڭ ٶڭٸرلٸك كوممۋنيكاتسييالار قىزمەتٸندە ٶتكەن باسپاسٶز مەسليحاتىندا ايماقتاعى مەديتسينا ماماندارىنىڭ تاپشىلىعىنا تٷسٸنٸك بەردٸ, دەپ حابارلايدى قازاقپارات.
«حالىق ٷنٸنە قۇلاق اساتىن مەملەكەت» جوباسىنىڭ اياسىندا مينيسترلٸك جانىنان ٷلكەن جوبا جٷرٸپ جاتىر. وسى 2 ايدىڭ ٸشٸندە 1000-نان استام سۇراق كەلٸپ تٷستٸ. ونىڭ ٸشٸندە اتىراۋ وبلىسىنان دا كەلدٸ. ەڭ كٶپ كٶتەرٸلگەن مەسەلە بالا مەن انا دەنساۋلىعىنا بايلانىستى بولدى. سوندىقتان دا بٷگٸنگٸ جۇمىس جوسپارىنىڭ باستى باعىتى وسى مەسەلەگە ارنالىپ وتىر. 5 كٷن ٸشٸندە وسى جەردە رەسپۋبليكالىق كوميسسييا جۇمىس ٸستەدٸ. بارلىق جاعدايلار جان-جاقتى تەكسەرٸلدٸ», - دەدٸ اجار عينييات.
مينيستردٸڭ پٸكٸرٸنشە, كادرلار مەسەلەسٸ ساپالى مەديتسينالىق كٶمەكتٸ قامتاماسىز ەتۋ ٷشٸن نەگٸزگٸ رٶل اتقارادى.
«اتىراۋ وبلىسىنىڭ دەنساۋلىق ساقتاۋ سالاسىندا 8 مىڭنان استام مەديتسينا قىزمەتكەرٸ, سونىڭ ٸشٸندە 2 مىڭنان استام دەرٸگەر, 6 مىڭنان استام ورتا مەديتسينا قىزمەتكەرلەرٸ جۇمىس ٸستەيدٸ. وبلىس بويىنشا دەرٸگەر تاپشىلىعى – 201 شتات. 2020 جىلى جوعارى وقۋ ورىندارىنان 70-تەن استام دەرٸگەر, 2021 جىلى 65 دەرٸگەر كەلسە, بيىل 52 دەرٸگەر كەلۋٸ كٶزدەلٸپ وتىر. ياعني, بٷگٸنگٸ تاپشىلىقتى وسى تٷلەكتەردٸڭ ەسەبٸنەن جابۋعا بولاتىن ەدٸ. بٸراق كٶپتەگەن دەرٸگەرلەر, جۇمىس ٸستەپ جٷرگەن جەرگٸلٸكتٸ دەرٸگەرلەردٸڭ كٶبٸ جەكە مەديتسيناعا كەتٸپ جاتىر ەكەن. بۇل بٸر جاعىنان قاراجاتقا بايلانىستى. ەكٸنشٸ جاعىنان سوڭعى جىلدارى دەنساۋلىق ساقتاۋ سالاسىندا بولعان كٶپتەگەن جاعدايلارعا بايلانىستى جاۋاپكەرشٸلٸكتٸڭ تىم جوعارى بولۋىنان جەكە كلينيكالارعا كەتٸپ جاتقانى تاعى بار», - دەدٸ مينيستر.
