ەزەربايجان رەسپۋبليكاسىنىڭ قازاقستانداعى تٶتەنشە جەنە ٶكٸلەتتٸ ەلشٸسٸ راشاد ماممادوۆ حالىقارالىق تٷركٸ اكادەميياسىنىڭ ارنايى مەدالٸمەن ماراپاتتالدى, دەپ حابارلايدى قازاقپارات تٸلشٸسٸ.
تٷركٸ اكادەميياسىنىڭ التىن مەدالٸ ەلشٸلەر اراسىندا العاش رەت بەرٸلٸپ وتىر.
«ەزەربايجاننىڭ قازاقستانداعى ەلشٸسٸ راشاد ماممادوۆ مىرزا وسى ۋاقىت ارالىعىندا ٶتە كٶپ جۇمىس اتقاردى. ەلشٸ بولىپ تاعايىندالا سالىسىمەن, اكادەميياعا كەلٸپ, مۋزەيدٸ قۇرۋعا كٶمەكتەستٸ. ٶتە كٶپ شارالاردى بٸرگە ٶتكٸزدٸك, كٶپتەگەن كٸتاپتار اۋدارىلدى. بٸز تٷركٸ اكادەميياسىنىڭ ارنايى شەشٸمٸمەن راشيد ماممادوۆ مىرزانى وسى بەس جىلداعى قىزمەتٸنە بايلانىستى اكادەمييانىڭ ارنايى التىن مەدالٸمەن ماراپاتتاعىمىز كەلٸپ وتىر. ايتا كەتەرلٸگٸ, ەلشٸلەر اراسىندا بۇل التىن مەدال العاش رەت بەرٸلٸپ وتىر», - دەدٸ حالىقارالىق تٷركٸ اكادەميياسىنىڭ پرەزيدەنتٸ دارحان قىدىرەلٸ ەلوردادا ەزەربايجان تۋرالى جاڭا كٸتاپتاردىڭ تۇساۋكەسەرٸندە.
ٶز كەزەگٸندە راشاد ماممادوۆ تٷركٸ اكادەميياسىنىڭ ورتاق يگٸلٸك بولىپ سانالاتىنىن جەتكٸزدٸ.
«اكادەمييا جىلدار بويى تاريحي, گەوگرافييالىق, ەدەبي جەنە ودان دا باسقا كٸتاپتاردى شىعارىپ, ەزەربايجاندى باۋىرلاس حالىقتارعا, باۋىرلاس حالىقتاردى ەزەربايجانعا تانىتا الدى. ورتاق تاريحىمىز بەن ورتاق گەوگرافييامىز جازىلدى. بٷگٸن دە مەنٸ ارنايى التىن مەدالمەن ماراپاتتاۋدى ۇيعارعان ەكەن, مەن اتقارعان, اتقارۋعا تىرىسقان جۇمىستاردىڭ بارلىعى – مەنٸڭ قىزمەتتٸك مٸندەتتٸم. تٷركٸ اكادەميياسىن دامىتۋ مەن حالىقتارىمىزدى جاقىنداتا تٷسۋ – بٸزدٸڭ باستى ماقساتىمىز بولۋى كەرەك», - دەيدٸ ەزەربايجان ەلشٸسٸ.
ايتا كەتەيٸك, حالىقارالىق تٷركٸ اكادەميياسى تٷركٸ مەملەكەتتەرٸ تەۋەلسٸزدٸگٸنٸڭ 30 جىلدىعى اياسىندا «قاراباق – ەزەربايجاننىڭ جاۋھارى: تاريحى, مەدەنيەتٸ, تابيعاتى», «جوعالعان باقىت: قاراباقتىڭ شىنايى وقيعالارى» جەنە «ەزەربايجان حالىق رەسپۋبليكاسى» كٸتاپتارىن شىعاردى.
القالى جيىنعا حالىقارالىق تٷركٸ اكادەميياسىنىڭ پرەزيدەنتٸ دارحان قىدىرەلٸ, ەزەربايجان رەسپۋبليكاسىنىڭ قازاقستانداعى تٶتەنشە جەنە ٶكٸلەتتٸ ەلشٸسٸ راشاد ماممادوۆ, قىرعىز رەسپۋبليكاسىنىڭ قازاقستانداعى تٶتەنشە جەنە ٶكٸلەتتٸ ەلشٸسٸ جەەنبەك كۋلۋباەۆ, ٶزبەكستان رەسپۋبليكاسىنىڭ قازاقستان رەسپۋبليكاسىنداعى ەلشٸلٸگٸنٸڭ بٸرٸنشٸ حاتشىسى مۋزاففار ۋسمانوۆ, س.سەيفۋللين مۋزەيٸنٸڭ ديرەكتورى نەسٸپبەك ايتۇلى, ەزەربايجان ۇلتتىق مەجٸلٸسٸنٸڭ مەدەنيەت كوميتەتٸنٸڭ باسشىسى, قوعام قايراتكەرٸ, جۋرناليست گانيرا پاشاەۆا جەنە تٷركييالىق جازۋشى, ەۋرازييا جازۋشىلار وداعىنىڭ تٶراعاسى ياكۋپ ٶمەروعلى جەنە باسقا دا مەملەكەت جەنە قوعام قايراتكەرلەرٸ, قىرعىزستان, ٶزبەكستان جازۋشىلارى, زييالى قاۋىم ٶكٸلدەرٸ قاتىستى.
