ەزەربايجان پرەزيدەنتٸ يلحام ەليەۆ ەلدە مەرزٸمٸنەن بۇرىن - 11 سەۋٸرگە پرەزيدەنت سايلاۋىن بەلگٸلەدٸ, دەپ حابارلايدى "ۇلت اقپارات" ازاتتىققا سٸلتەمە جاساپ.
بۇل ەلدە پرەزيدەنت سايلاۋى زاڭ بويىنشا قازاننىڭ 17-سٸ كٷنٸ ٶتۋٸ تيٸس بولعان ەدٸ. ەليەۆتٸڭ 5 اقپاندا شىعارعان جارلىعى بويىنشا, سايلاۋدى ەرتە ٶتكٸزۋ «ەزەربايجان كونستيتۋتسيياسى مەن سايلاۋ تۋرالى زاڭىنا ساي كەلٸپ تۇر».
ەزەربايجان كونستيتۋتسيياسى 2016 جىلى قىركٷيەكتە ٶتكەن داۋلى رەفەرەندۋم بويىنشا ٶزگەرتٸلٸپ, ەليەۆ مەرزٸمٸنەن بۇرىن سايلاۋ بەلگٸلەۋ قۇقىعىنا يە بولعان.
ال بىلتىر جەلتوقساندا ەلدٸڭ سايلاۋ تۋرالى زاڭىنا ەنگٸزٸلگەن ٶزگەرٸستەرگە ساي, مەرزٸمٸنەن بۇرىن پرەزيدەنت سايلاۋى 60 كٷن بۇرىن جارييالانۋى تيٸس.
ەليەۆتٸڭ پرەزيدەنت سايلاۋىن نەلٸكتەن ەرتە قويعانى ەزٸرگە بەلگٸسٸز.
