قازاقستاننىڭ ەزەربايجانداعى ەلشٸلٸگٸندە تٷركٸ ەلدەرٸ سۋرەتشٸلەرٸنٸڭ ۇلى قازاق اقىنى شىعارمالارىنىڭ جەلٸسٸمەن سالىنعان تۋىندىلارىن قامتيتىن «ابايدى وقي وتىرىپ» ارت-البومىنىڭ تۇساۋكەسەرٸ ٶتتٸ, دەپ حابارلايدى "ۇلت اقپارات".
سىرتقى ٸستەر مينيسترلٸگٸ تاراتقان مەلٸمەتكە سەنسەك, البومدى ابايدىڭ 175 جىلدىعىنا وراي حالىقارالىق تٷركٸ مەدەنيەتٸ ۇيىمى (تٷركسوي) شىعارعان بولاتىن.
تۇساۋكەسەرگە تٷركسوي باس حاتشىسى دٷيسەن قاسەيٸنوۆ, حالىقارالىق تٷركٸ مەدەنيەتٸ مەن مۇراسى قورىنىڭ پرەزيدەنتٸ گيۋناي ەفەنديەۆا, قازاقستان ەلشٸسٸ سەرجان ەبدٸكەرٸموۆ, ەزەربايجان-قازاقستان رەسپۋبليكالىق دوستىق قوعامىنىڭ ۆيتسە-پرەزيدەنتٸ ەلدار يسمايلوۆ, سونداي-اق ەزەربايجاننىڭ عىلىمي جەنە شىعارماشىلىق توپتارىنىڭ ٶكٸلدەرٸ قاتىستى.
كەزدەسۋگە قاتىسۋشىلاردىڭ الدىندا سٶز سٶيلەگەن د. قاسەيٸنوۆ اباي حالىق اقىنى, ويشىل جەنە قازٸرگٸ قازاق ۇلتتىق ەدەبيەتٸنٸڭ نەگٸزٸن قالاۋشى بولا وتىرىپ, ٶز جۇرتىنا عانا ەمەس, بٷكٸل تٷركٸ ەلەمٸنە دە باي مۇرا قالدىرعانىن – ونىڭ ٶلەڭدەرٸ مەن دانا سٶزدەرٸ باۋىرلاس حالىقتاردىڭ مەدەنيەت بايلىعى مەن رۋحانيياتىن پاش ەتەتٸنٸن اتاپ ٶتتٸ.
ٸس-شارا بارىسىندا ۇلى قازاق اقىنىنىڭ ەسٸمٸ مەن مۇراسىن ناسيحاتتاۋعا ٷلەس قوسقان تۇلعالارعا «اباي 175 جىل» ەستەلٸك مەدالٸ جەنە قۇرمەت گراموتاسى تاپسىرىلدى.
باكۋ مەملەكەتتٸك ۋنيۆەرسيتەتٸ (بمۋ) جانىنداعى اباي اتىنداعى قازاق تٸلٸ, تاريحى جەنە مەدەنيەتٸ ورتالىعىنىڭ جەتەكشٸسٸ فاتيما دۋرسۋنوۆا, بمۋ تٷركولوگييا كافەدراسىنىڭ مەڭگەرۋشٸسٸ راميل اسكاروۆ, جۋرناليست-پۋبليتسيست ايدا ەيۆازوۆا, جازۋشى ناريمان ابدۋلراحمانلى, ەزەربايجان مەملەكەتتٸك پەداگوگيكالىق ۋنيۆەرسيتەتتٸڭ ەدەبيەت كافەدراسىنىڭ پروفەسسورى ەلمان گۋليەۆ, بمۋ تٷركولوگييا كافەدراسىنىڭ پروفەسسورى فيرۋزا اگاەۆا ماراپاتتارعا يە بولدى.
قوناقتارعا ابايدىڭ ٶمٸرٸ مەن شىعارماشىلىعى تۋرالى دەرەكتٸ روليك كٶرسەتٸلٸپ, قازاقتىڭ دەستٷرلٸ تاعامدارى ۇسىنىلدى.
