فوتو: alataumarket.kz
الماتى ەكٸمٸ ەربولات دوساەۆ باراحولكا بازارى بويىنا كٶلٸكتەردٸڭ بەيبەرەكەت توقتاۋىنا قاتىستى پٸكٸر بٸلدٸردٸ, - دەپ حابارلايدى Tengrinews.kz سايتى.
جەتٸسۋ اۋدانىنىڭ تۇرعىندارىمەن كەزدەسۋدە الماتىلىقتاردىڭ بٸرٸ مەگاپوليس باسشىسىنا جٷگٸندٸ. ول اقشانى ٷنەمدەۋ ماقساتىندا ەمبەباپ بازارلاردىڭ اقىلى تۇراعىنا كٸرمەي, سولتٷستٸك اينالما تاسجولى بويىنا توقتاپ, كٶلٸكتەرٸن قوياتىن جٷرگٸزۋشٸلەرگە شارا قولدانۋدى سۇرادى.
"سولتٷستٸك اينالما جولدىڭ بويىندا جۇماباەۆ كٶشەسٸنەن كٶكمايسا ىقشاماۋدانىنا دەيٸن تٶرت بازار ورنالاسقان: "كەنجەحان", "قازىنا", "ارلان" جەنە "الاش". بىلتىر بۇل تاسجولعا جٶندەۋ جۇمىستارى جٷرگٸزٸلٸپ, بورديۋرلەر ورناتىلدى. بٸراق قازٸر جٷرگٸزۋشٸلەر بٸرٸنشٸ جولاقتان تۇراق جاساپ العان: 200 تەڭگە ٷنەمدەيدٸ, بازاردىڭ تۇراعىنا كٸرمەيدٸ. وسىعان بايلانىستى بۇل كٶشەدە ٷنەمٸ كەپتەلٸستەر بولادى", - دەپ اشۋلاندى ەر ادام.
بۇعان جاۋاپ رەتٸندە ەربولات دوساەۆ پوليتسييا مەن تسيفرلاندىرۋ قىزمەتكەرلەرٸنە ەرتەڭنەن باستاپ شارا قولدانۋدى تاپسىردى. اتاپ ايتقاندا, پوليتسەيلەر بەلگٸلەنگەن اۋماقتى تاڭەرتەڭ جەنە كەشكە تەكسەرٸپ, ەكٸمدٸك قىزمەتكەرلەرٸ ول جەرگە "سەرگەك" كامەرالارىن ورناتۋى كەرەك.
"ارىستانعاني راسىلحانۇلى (زاپپاروۆ - الماتى پوليتسييا دەپارتامەنتٸنٸڭ باستىعى - ەسك.) بٶلەيٸك. مەن قازٸر تاپسىرما بەرەمٸن, كٶرسەتٸلگەن اۋماققا بٸر "سەرگەك" كامەرا كەشەنٸن ورناتىڭىز. تاكسي جٷرگٸزۋشٸلەرٸ ول جەردە اۆتوتۇراق جاساپ السا, ەندٸ ازداعان ايىپپۇل تٶلەسٸن.
اقشا بار دەپ ويلايمىن, الداعى ەكٸ ايدا كامەرالار ورناتامىز. سونداي-اق, تاكسي جٷرگٸزۋشٸلەرٸمەن جۇمىس جٷرگٸزٸڭٸزدەر. جەرگٸلٸكتٸ پوليتسييا قىزمەتٸ نەگە جۇمىس ٸستەمەيدٸ? تاڭەرتەڭ جەنە كەشكە بٸر پاترۋل كٶلٸگٸن سوندا قويىڭىزدار. بەرٸبٸر قالانى ارالاپ جٷرەدٸ, ايىرماشىلىعى نەدە. ەرتەڭنەن باستاپ پاترۋل قويىڭىز, "سەرگەك" ورناتىلعاننان كەيٸن پاترۋلدٸ الىپ تاستاۋعا بولادى", - دەدٸ الماتى ەكٸمٸ.
