پارلامەنت سەناتىنىڭ دەپۋتاتى ەلي بەكتاەۆ قر پرەزيدەنتٸ قاسىم-جومارت توقاەۆتىڭ «Egemen Qazaqstan» گازەتٸندە جارييالانعان «تەۋەلسٸزدٸك بەرٸنەن قىمبات» اتتى ماقالاسىنا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«ەل پرەزيدەنتٸ قاسىم-جومارت توقاۆتىڭ «تەۋەلسٸزدٸك بەرٸنەن قىمبات» اتتى ماقالاسىن وقىپ شىعىپ, ەگەمەندٸگٸمٸزدٸ, مەملەكەتتٸگٸمٸزدٸ نىعايتۋ ٷشٸن نە ٸستەۋٸمٸز كەرەك دەگەن ساۋالعا جاۋاپ الدىق. وتىز جىلدا ەلٸمٸز مەملەكەتتٸك نىشاندارىن بەلگٸلەپ, بيلٸك جٷيەسٸن قالىپتاستىردى, ۇلتتىق ۆاليۋتامىز اينالىمعا ەندٸ, قارۋلى كٷشتەرٸمٸز قۇرىلدى, اتا زاڭىمىز قابىلداندى, شەكارامىز شەگەندەلدٸ, ەلٸمٸز بەدەلدٸ حالىقارالىق ۇيىمدارعا مٷشە بولدى. بٸر سٶزبەن ايتقاندا, قازاق ەلٸ ۇلتتىق سالت-دەستٷرٸن, تٸلٸن, دٸنٸن, دٸلٸن جاڭعىرتىپ, ٶسٸپ-ٶركەندەپ, مەرەيلٸ مەملەكەتكە اينالدىق.
وسىناۋ تولاعاي تابىستاردىڭ بەرٸندە ەلباسىنىڭ دارا كٶشباسشىلىعى مەن حالقىمىزدىڭ دانالىعى مەن پاراساتى, بٸرلٸگٸ مەن ىنتىماعى, وتانداستارىمىزدىڭ قاجىرلى ەڭبەگٸ جاتقانىن اتاپ ٶتتٸ. «سوندىقتان, ەلباسى تەۋەلسٸزدٸگٸمٸزدٸڭ مەڭگٸ سيمۆولىنا اينالدى دەسەك, اقيقاتتى ايتقان بولار ەدٸك» دەپ تۇعىرلى تۇلعانىڭ ەل تاريحىندا الار ورنىن ايقىنداپ بەردٸ» - دەدٸ سەناتور.
ونىڭ سٶزٸنە قاپاعاندا, مەملەكەت باسشىسى الداعى ون جىلداعى مٸندەت – قۋاتتى ەلدٸڭ يەسٸ جەنە كەمەل حالىق بولۋ ەكەنٸن باسا ايتتى. بۇل جولدا ساياسي-ەكونوميكالىق رەفورمالاردى جەنە سانانى جاڭعىرتۋ ٷدەرٸسٸن جالعاستىرىپ, زامان تالابىنا بەيٸمدەلگەن ۇلتتىڭ جاڭا بولمىسىن قالىپتاستىرۋىمىز قاجەت. ۇلت پەن ەل رەتٸندە ساقتالىپ قالۋ ٷشٸن بٷگٸنگٸ جەنە بولاشاق ۇرپاق جاڭا سىن-قاتەرلەرگە دايىن بولۋى كەرەك. ول ٷشٸن ٶسكەلەڭ ۇرپاق تەۋەلسٸزدٸكتٸڭ قادٸرٸن بٸلۋٸ قاجەت. ازاتتىق بٸزگە وڭايلىقپەن كەلگەن جوق. تەۋەلسٸزدٸك تاعدىردىڭ بەرە سالعان سىيى ەمەس. تٷپتەپ كەلگەندە, قازاقتىڭ تاريحى – ازاتتىق جولىنداعى كٷرەسكە تولى تاريح. تەۋەلسٸزدٸككە قول جەتكٸزۋ عانا ەمەس, ونى ۇستاپ تۇرۋدىڭ ەلدەقايدا قيىن ەكەندٸگٸنە مەملەكەتتەردٸڭ تاريحتارى دەلەل.
«سونىمەن قوسا, ەل پرەزيدەنتٸ ٶزٸنٸڭ ماقالاسىندا ماڭىزدى تاپسىرما جٷكتەدٸ, ول – قازاقستاننىڭ اكادەمييالىق ٷلگٸدەگٸ جاڭا تاريحىن جازۋدى دەرەۋ باستاۋ. ول ٷشٸن تالاي اقتاڭداقتاردىڭ بەتٸن اشىپ, بۇرمالانىپ كەلگەن دەرەكتەردٸ تٷزەتۋ قاجەت. بۇل ٸسكە ەلٸمٸزدٸڭ ەڭ مىقتى تاريحشىلارى تارتىلماق. سونىمەن قاتار, قازاقستاننىڭ قىسقاشا تاريحى ەلەمنٸڭ نەگٸزگٸ تٸلدەرٸنە اۋدارىلاتىن بولادى. مەملەكەت باسشىسى وسى ماقالاسىندا قازاقستاننىڭ ەگەمەندٸگٸنە, اۋماعىنىڭ تۇتاستىعىنا كٷمەن كەلتٸرۋشٸ جات نيەتتٸ ساياساتكەرلەردٸڭ ارانداتۋشىلىق ساندىراق ەڭگٸمەلەرٸنە ناقتى جاۋاپ قايتاردى.
قازاق ٷشٸن ەجەلدەن جەر, تٸل, ەل بٸرلٸگٸ – ەڭ قاستەرلٸ ۇعىمدار دەيتٸن بولساق, مەملەكەت باسشىسى وسىناۋ ماقالادا: «جەرگە بايلانىستى بەرٸمٸز ايقىن بٸلەتٸن جەنە بۇلجىمايتىن اقيقات – قازاقتىڭ جەرٸ ەشبٸر شەتەلدٸكتٸڭ مەنشٸگٸنە بەرٸلمەيدٸ, ەشقاشان ساتىلمايدى. وسىنى ەر ازاماتىمىز ساناسىنا بەرٸك سٸڭٸرۋٸ قاجەت. كەلەسٸ جىلى جەر كودەكسٸنٸڭ جەكەلەگەن نورمالارىنا قاتىستى ەنگٸزٸلگەن موراتورييدٸڭ مەرزٸمٸ اياقتالادى. اۋىل شارۋاشىلىعى ماقساتىنداعى جەرلەردٸ اينالىمعا ەنگٸزٸپ, حالىقتىڭ يگٸلٸگٸنە جاراتۋ – ٶتە ماڭىزدى مەسەلە. سوندىقتان, بيىل جەر مەسەلەسٸ جٶنٸندەگٸ كوميسسييانى قۇرىپ, سونىڭ اياسىندا بٸر بايلامعا كەلگەن جٶن. قازاق ٷشٸن توقىمداي جەردٸڭ ٶزٸ قىمبات, بٸر ۋىس توپىراقتىڭ ٶزٸ التىن», - دەپ قاداپ ايتىپ, نىق سەنٸمدە بولۋ كەرەكتٸگٸن ۇعىندىردى», - دەدٸ دەپۋتات.
سونىمەن قاتار ە بەكتاەۆ پرەزيدەنت قازاق تٸلٸنٸڭ مەرتەبەسٸ جايىندا دا سٶز قوزعاعانىن ەسكە سالدى. مەملەكەتتٸك تٸلدٸ بٸلۋ – قازاقستاننىڭ ەربٸر ازاماتىنىڭ پارىزى دەپ تە ايتۋعا بولادى. وسى ورايدا بارشا قازاقستاندىقتارعا, ونىڭ ٸشٸندە قازاق تٸلٸن ەلٸ جەتە مەڭگەرمەگەن وتانداستارىمىزعا ٷندەۋ تاستادى.
«سوڭعى كەزدە قازاقستاندىقتار قوعامدىق ٶمٸرگە, ساياسي ٷدەرٸستەرگە بەلسەندٸ ارالاسىپ كەلەدٸ. پرەزيدەنتتٸڭ «حالىق ٷنٸنە قۇلاق اساتىن مەملەكەت» تۇجىرىمداماسى مەن ۇلتتىق قوعامدىق سەنٸم كەڭەسٸ – وسىنىڭ ايعاعى. ساليقالى ساياسي رەفورمالار قازاقستاننىڭ ساياسي جٷيەسٸ زامان تالابىنا ساي دامىپ كەلە جاتقاندىعىن كٶرسەتەدٸ», - دەدٸ سەناتور.
«راسىندا دا, تەۋەلسٸز ەل بولۋ ونى جارييالاۋمەن شەكتەلمەيدٸ. تەۋەلسٸزدٸك ٷشٸن ناعىز كٷرەس كٷندەلٸكتٸ ەڭبەكپەن, ٷزدٸكسٸز ەرٸ دەيەكتٸ ەلدٸك ساياساتپەن مەڭگٸ جالعاسادى. مەملەكەت باسشىسى ايتقانداي, بٸز قۋاتتى تەۋەلسٸز مەملەكەتٸمٸزبەن عانا ۇلت رەتٸندە جەر بەتٸندە ساقتالامىز. مەملەكەت باسشىسىنىڭ بٷگٸنگٸ وي تولعانىسى مەنٸ تەرەڭنەن تەربەدٸ. بٷگٸنٸمٸزدٸڭ بەكەم, كەلەشەگٸمٸزدٸڭ كەمەل بولاتىنىنا بەك سەنٸمدٸمٸن», - دەدٸ ەلي بەكتاەۆ.
