جاقىندا “قازاقستان” ۇلتتىق ارناسىنان “ەيەل سىرى” دەگەن باعدارلامانى كٶزiم شالىپ قالدى. جٷرگiزۋشiلەر مەن شاقىرىلعان قوناقتار اراسىندا “ازاماتتىق نەكە” جايلى پiكiرتالاس جٷرiپ جاتىر ەكەن.
ازاماتتىق نەكەنi “نەكە” دەپ ايتۋدىڭ ٶزi دۇرىس ەمەس دەپ ويلايمىن. “ازاماتتىق كەلiسiم” دەگەن جٶن بولار. پiكiرتالاس بارىسىندا ەفيرگە حابارلاسقان جاستاردىڭ بiرازى “ازاماتتىق نەكەنiڭ” دۇرىس ەمەستiگiن, وعان قارسى ەكەندiكتەرiن بiلدiردi. بۇل, ەرينە, قۋانارلىق جاعداي. حابار باسىندا, ٶزi ون جىلدان اسا ۋاقىت ازاماتتىق كەلiسiممەن تۇرمىس قۇرىپ, 2 بالاسى بار ەكەندiگiن, ٶكiنبەيتiنiن ايتقان باستى كەيiپكەردiڭ ٶزi ونىڭ دۇرىس ەمەستiگiنە كٶز جەتكiزiپ ويلانىپ قالدى. يە, تٷسiنگەن ادامعا اللانىڭ الدىندا نەكەسiز تۇرمىس قۇرۋ زينا (ويناس)بولىپ سانالادى. ەكi جاس اللانىڭ ٷيiندە, يمامنىڭ نەكەنi قييۋى ارقىلى زاڭدى ەرلi-زايىپتى اتانۋى كەرەك.
باعدارلامانىڭ قوناعى, بەلگiلi ەنشi قۇدايبەرگەن بەكiشوۆ ازاماتتىق نەكەگە تٷك تە قارسىلىعى جوق ەكەنiن اشىق ايتتى. حالىق بولىپ قۇرمەتتەپ جٷرگەن اعامىزدىڭ بۇل سٶزi جاستارعا قانداي ٷلگi بولماق? جٷرگiزۋشi قۇدايبەرگەن اعامىزعا “ۇلىڭ ازاماتتىق نەكەمەن ٷيلەنسە قارسى بولمايسىڭ با?” دەگەندە عانا اعامىز ويلانىپ قالدى.
سونداعى ويىما كەلگەنi, وسى بiزدiڭ حالىق الدىندا جٷرگەن ادامدارىمىزدىڭ دەنi “العا جىلجۋىمىز كەرەك, دامۋىمىز كەرەك, بٷيتۋiمiز كەرەك, سٷيتۋiمiز كەرەك...” دەپ اسىرا سiلتەپ جiبەرگەن جوق پا ەكەن? ەندi ۇلدارىمىز “ازاماتتىق نەكەمەن” ٷيلەنiپ الىپ, بiر جىلدان كەيiن “مىنا قىز ماعان بولمايدى ەكەن, باسقاسىن الام” دەگەنگە كٶز جۇمۋىمىز قالدى ما? جەتپەگەنi وسى ما ەدi? ونسىز دا ەلiمiزدە جىلىنا 50 مىڭ وتباسى اجىراسىپ جاتىر ەمەس پە?
ەركiم ٶزiنiڭ ويىن اشىق ايتۋعا قۇقىلى, دەگەنمەن ميلليونداعان كٶرەرمەنi بار ۇلتتىق ارنامىز تالقىلاناتىن تاقىرىپتارعا, شاقىرىلاتىن قوناقتارعا ەرەكشە مەن بەرسە دەيمiز. جاستاردىڭ ساناسىن ۋلايتىن پiكiرلەردەن اۋلاق بولعانىمىز ابزال.
بەدەلحان جانپەيIستەگI,
الاكٶل اۋدانى,
ٷشارال قالاسى,
الماتى وبلىسى
"جاس الاش" گازەتٸ
