ازاماتتار 42 500 تەڭگە العان ايدا مەديتسينالىق ساقتاندىرۋ قورىنا جارنا تٶلەۋگە مٸندەتتٸ ەمەس. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە «ەلەۋمەتتٸك مەديتسينالىق ساقتاندىرۋ قورى» كەاق جەكە جەنە زاڭدى تۇلعالارمەن جۇمىس جٶنٸندەگٸ دەپارتامەنت ديرەكتورى زابيرا ورازاليەۆا ايتتى, دەپ حابارلايدى قازاقپارات.
«جىل سوڭىندا بۇقارالىق اقپارات قۇرالدارىندا 42 500 الۋشىنىڭ مەديتسينالىق ساقتاندىرۋ قورىنا قارىزدار بولىپ قالعاندىعى تۋرالى اقپارات پايدا بولدى. ياعني, ازاماتتار بٸر رەتتٸك تٶلەم الۋ ٷشٸن بٸرىڭعاي جيىنتىق تٶلەم جاساۋ ارقىلى ٶزٸن-ٶزٸ جۇمىسپەن قامتۋشى ەكەنٸن دەلەلدەدٸ. كٶپشٸلٸگٸ بٸرىڭعاي جيىنتىق تٶلەم ولاردى مەديتسينالىق ساقتاندىرۋ قورىندا ساقتاندىردى دەپ ويلادى, بٸراق ولاي ەمەس بولىپ شىقتى. ياعني, ازامات 42,500 تەڭگە الۋ ٷشٸن بٸرىڭعاي جيىنتىق تٶلەمدٸ تٶلەپ, كەيٸن جۇمىسقا تۇرسا جەنە مەمس جٷيەسٸندە ساقتاندىرىلعان دەگەن مەرتەبەگە يە بولۋ ٷشٸن اي سايىن مەديتسينالىق ساقتاندىرۋ قورىنا جارنا اۋدارىپ تۇرعىسى كەلسە – الدىمەن بٸر جىلعى قارىزدى ٶتەۋٸ كەرەك پە? وسى مەسەلەنٸ تٷسٸندٸرٸپ ٶتٸڭٸزشٸ», - دەگەن سۇراق قويىلدى بريفينگتە.
بۇل ساۋالعا «ەلەۋمەتتٸك مەديتسينالىق ساقتاندىرۋ قورى» كەاق جەكە جەنە زاڭدى تۇلعالارمەن جۇمىس جٶنٸندەگٸ دەپارتامەنت ديرەكتورى زابيرا ورازاليەۆا جاۋاپ بەردٸ.
«نەگٸزٸندە مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸندە مەديتسينالىق كٶمەك الۋ قۇقىعىنا يە بولۋ ٷشٸن بٸرىڭعاي جيىنتىق تٶلەمدٸ تٶلەۋشٸلەر قورعا مەديتسينالىق كٶمەك العان كٷننەن باستاپ كەمٸندە ٷش اي قاتارىنان جارنا تٶلەۋگە مٸندەتتٸ. ياعني, ەگەر سٸز ٶزٸڭٸزدٸ بٸرىڭعاي جيىنتىق تٶلەمنٸڭ تٶلەۋشٸسٸ رەتٸندە تاعايىنداعان بولساڭىز, وندا سٸز اي سايىن جەنە ٷزٸلٸسسٸز تۇراقتى تٶلەمدەر جٷرگٸزٸپ وتىرۋىڭىز كەرەك. ەگەر تٶلەم مەرزٸمٸندە ٷزٸلٸستەر بولسا, وندا سٸز قاندايدا بٸر ايدا بٸرىڭعاي جيىنتىق تٶلەم تٶلەۋشٸ بولىپ سانالمايسىز», - دەيدٸ ول.
دەپارتامەنت ديرەكتورىنىڭ ا يتۋىنشا, زاڭناما بٸرىڭعاي جيىنتىق تٶلەمدٸ ٶتكەن كەزەڭ ٷشٸن تٶلەۋگە جول بەرمەيدٸ. مٸندەتتٸ مەديتسينالىق ساقتاندىرۋ جٷيەسٸندە مەديتسينالىق كٶمەككە قۇقىق الۋ ٷشٸن جارنا تٶلەمەگەن ادامدار سوڭعى 12 ايدا جارنا تٶلەۋٸ كەرەك.
«بٸرىڭعاي جيىنتىق تٶلەم بٸرجولعى ەلەۋمەتتٸك جەردەماقى – 42 500 تەڭگە الۋ ٷشٸن تٶلەندٸ. سودان كەيٸن ۆەدومستۆوارالىق كوميسسييا وسى ساناتتاعى ادامداردى 42500 مٶلشەرٸندە ەلەۋمەتتٸك كٶمەك العان كەزەڭدەرٸ ٷشٸن جارنالار تٶلەۋدەن بوساتۋ تۋرالى شەشٸم قابىلدادى, ياعني 42 500 العان ايلاردا ازاماتتار جارنا تٶلەۋگە مٸندەتتٸ ەمەس», - دەيدٸ زابيرا ورازاليەۆا.
